1 Korin 16:20 - Seimat

²⁰ Hatesol akikimuto ti Krais ie tin lato hakau amuam haniwa amuto. Na amuto apuha hetekie, pohi amukewa tel tel ti amuto ti kolai wawahen nake amuto se kahikahi Krais.

1 Korin 16:20 ပူးပေါင်းရင်းမြစ်များ

Matiu 5:47

Na amuto kakak mewenae kapi teka lawamuto, kalahai lehe Haeu kahui hasolia amuto? Kalak taen laha kum tioi Haeu laha ailele saun tenen ien.

Rom Teik pasi Pol hani teka kahikahi Jises Krais ti Rom 16:16

Ti amuto apuha hetekie, pohi amukewa tel tel ti kolai wawahen. Hatesol teka kahikahi Krais ti tesol tesol laha hakaua amuam ti laha hani amuto.

Rom Teik pasi Pol hani teka kahikahi Jises Krais ti Rom 16:21

Timoti tel tuauk ti ailei puase Krais, hetekie Lusius, Jason ma Sosipater tesol akikik Ju, lato hakau amuam ti lato haniwa amuto.

Rom Teik pasi Pol hani teka kahikahi Jises Krais ti Rom 16:23

Gaius tin i hakau amuam tetan haniwa amuto. I tel nga toto leili ingan, ing tetehu lawe teka kahikahi Krais apuha. Erastus tel auniai moni ti tehu taon ie, ma Kuortus tel akikikako ti Krais, tin lalu hakau amuam haniwa amuto.

Pilipai 4:22

Ape hatesol kahikahi Jises liai tin laha hakaua amuam ti laha, kasinan teka laha pupuas leili ingi *Sisa tel masiwi tapein ti *Rom.

1 Tesalonika 5:26

Amuam hetekie wawahen ti amite haniwa hatesol akikimite ti Krais.

Hibru 13:24

Amuam tetak haniwa hatesol teka masiwi ti amuto ma hatesol teka kahikahi Krais. Teka kahikahi Krais ti texux xux Itali, tin lato hakaua amuam hani amuto.

1 Pita 5:14

Kolawa amuam hetekie wawahen haniwa tel tel ti amuto. Nga kamei Haeu ti hatona hasoliai tiamuto hatesol, teka seilon ti Krais.