1 Korin 14:34 - Seimat

³⁴ Masin ti i sosohot ti ingi lotu tehu tehu wasole teka kahikahi Krais, teka hehin laha kum hahasiwixa kamekame ti leili lotu. Laha minginiwa awalaha. Laha nameniwa ka laha hahitake axoalaha. *Nauna ti Moses tin i hanau ukek ien.

1 Korin 14:34 ပူးပေါင်းရင်းမြစ်များ

1 Korin 11:13

Puki amuto namiloi paxaiwa na masin ewi hehin lotu hani Haeu ti patun kumahe atuhan.

1 Korin 11:3

Pahak amuto paxai tioiwa tetenen ie. Krais i pamu masiwi ti lawe wawan, i patul ti laha. Hehin i hahitake tel axoan wawan. A Krais i hahitake Haeu tel Taman.

1 Korin 11:5

Tin masin tel hehin na i lolotu ma na i kakaxi tenen meng ti Haeu hanamiloa i, a patun kumahe atuhan, i kola tapoi lon hani tel pamu patul tetan. Tenen ien waliko ti hienain masin tel hehin na patun hatehu uluhan.

1 Korin 14:21

Leili pepai Haeu i ukek, “Nake ti teka seilon tetak tahi kakaiak, nga hapuasa teka ti xux liai ti hasawialato, laha kakak kakai xux texux texux. Nga hapuasa laha ti hahongoi teka seilon tetak tuahe tin pate lato kum hong usi kakaiak. Ie kakaiak Haeu tel Masiwi.” (Isa 28:11-12)

1 Korin 14:35

Na laha hina kamekame, laha po kameiwa axoalaha ti ingalaha nake hahien na laha hatalia kiliwakei lotu.

Epesus 5:33

Tin i hahanau kako sale wawahen. Amuto wawan waheni hawanewa axoamuto hanowi ti amuto waheni aliake amuto ape amuto hehin kolawa lomuto haniwa axoamuto.

Kolosi 3:18

Amuto hehin, hong usiwa axoamuto nake i se saun ti teka hehin laha hahitake Krais tel Masiwi.

Taitus 2:5

Tin laha pon hanaualato sale tahiai isialato ti ailei saun lialun lehe lato aile hawane saun solian wanen. Na i sohot ukek, teka hehin uluha soli hawane ti ngahatiai tonalato, lato hong usi kakai axoalato ma aile hasolia hani seilon liai. Na lato puas usi hatapo tesol nauna ie, tap tel seilon i pon kak teheniai kakai Haeu.