1 Korin 10:11 - Seimat

¹¹ Tesol waliko ien ti i sohot hani teka matahaun ti kako, i hanau hawane kaha seilon. Ape Moses tai kongini lehe kako kanipeti nanahiakako nake tapoi tehu pon ie ape i xohiwen.

1 Korin 10:11 ပူးပေါင်းရင်းမြစ်များ

Matiu 13:39

Tel seilon i seini kango ien se Satan. Ngain ti tahiwiai ane peteta i kikilami tapoi lawe xux itan ie. Teka unaui tel tame kin se teka *engel, spirit solian ti Haeu.

Matiu 13:40

“Ti teka seilon sohuti lui kango se masin wanen na laha aile ti tapoi lawe xux itan ie.

Rom Teik pasi Pol hani teka kahikahi Jises Krais ti Rom 13:11

Aile usiwa waliko ti nga kaakane amuto. Nameniwa ka aliai *Jises Krais pate ape i xohiwen. Kum luhuluh. Taun ti aliai Jises Krais tel awaiakako ti lawe waliko lialun ti tehu pon ie, i ape pamu xohian, kumahe masin ti uli kako sohotua kahikahin.

Rom Teik pasi Pol hani teka kahikahi Jises Krais ti Rom 13:12

Taun ti kako he tehu pon ie sikole i tapo ape taun ti awaiakako i xohiwen. Aile ape kako lioi xaxaweniwa saun lialun. Lialui nanahiakako masin ka kako toto tutuen leili tilokoan. Masin seilon ti i nanahih he xewan, kako elieliwa ailei saun tenen solian. Ien se paukako ti hil pahoxaiai waliko lialun.

Rom Teik pasi Pol hani teka kahikahi Jises Krais ti Rom 15:4

Nameniwa ka lawe kakain laha taiwen leili pepai Haeu laha tai ti hanauakaha. I huali kaha ti tu xox leili taun ti kawatan ma hakui pakataiakaha kapi *Krais lehe waxi kaha pon atengiai waliko solian ti Haeu kakawen i aile hani kaha.

Rom Teik pasi Pol hani teka kahikahi Jises Krais ti Rom 4:23

Tetenen ien kumahe mewenae hani Abraham.

1 Korin 10:6

Tesol waliko ien i sohot ti hanauakaha lehe waxi namilokaha kum is eliel ailei waliko lialun ti lato ailele.

1 Korin 7:29

Teka akikik ti Krais, salangawe kakaiak masin. Taun pate ape kukunun hani tataen ti aliai Jises Krais. Aile ape teka laha hina axoalaha, hani hatapoa Haeu tupualaha hanowi ti na laha tai sal.

1 Korin 9:10

Se tin hehetekie kako. Teka laha talai hawakiaki hepekeun ti seiniai peteta, laha uke aliake anan. Tin masin teka laha aile puase Haeu i pon hawane ti seilon liai ngahati laha.

Galasia 4:24

Nga kak kolongeni huhua hehin ien hani tenen waliko liai. Haga i tu kikilami kakain ti Haeu xinotiwen kapi teka Ju ti Maunt *Sainai. Akaik ti nakuama ti Haga hoi laha sohot unaui seilon. Tin masin teka Ju laha sohot hanowi unaui tesol nauna ti Haeu hani *Moses hanialaha ti Maunt Sainai.

Pilipai 4:5

Aile aluiniwa lawe seilon. Nameniwa ka Jises tel Masiwi i lawe xohixohin kapimuto.

Hibru 10:25

Kako kum aile lilioi saun tenen ti hukuma hetekie, hanowi ti teka laha aile lioiwen. Kako haeliel ahewa hakuiai tel tel ti hukuma hetekie nake ngain ti aliai Jises Krais tel Masiwi i xohiwen.

Hibru 10:37

Leili pepai Haeu i kak ukek, “Tetel ti Haeu ukek i luainima, kum kue i tahiama. Tap i talitalia.

1 Jon 2:18

Teka soliai natuk, tapoi tehu pon itan ie ape i xohiwen. Amuto hongoen ka tel seilon pupuasan i pahoxai puase Krais i luluainima. Ti salan tetan kilan ti laha tahiawen ape i kola ka tapoi tehu pon itan ie pate i xohiwen.