1 Jon 3:3 - Seimat

³ Teteka pahalaha wanen sohot hanowi Jises Krais, laha kanipetiwa laha ti ailei saun lialun nake Jises Krais sawisawin tapein, i tap wanen tenen na lialun.

1 Jon 3:3 ပူးပေါင်းရင်းမြစ်များ

Matiu 5:48

Amuto kewa seilon sawisawin wanen hanowi ti tel Tamamuto Haeu i sawisawin wanen.

Luk Meng solian ti Jises tataiai Luk 6:36

Kewa amuto aile kola tatahan hani seilon liai hanowiwa tel Tamamuto Haeu.

Jon Meng solian ti Jises tataiai Jon 17:19

Nga hani hatapo nga unauam wanen lehe tin lato sohot unauam wanen.”

Aposel 15:9

Ti i aile teik waliko ien i kola ka laha kumahe liai tenen ti kako. Ape Haeu oxoxi laha ti kawatan ti saun lialun ti laha nake laha hana hatapo namilolaha hani Jises.

Rom Teik pasi Pol hani teka kahikahi Jises Krais ti Rom 15:12

Ape *Aisaia tin i kak ukek, “Tel seilon i nakuama ti tehu kahi nati *Jesi tel tame David, i sohot tel masiwi ti nahikei teka kumahe Ju ape laha hana hatapo namilolaha hani i.” (Isa 11:10)

2 Korin 7:1

Teka soliai akikik ti *Krais, namiloi paxaiwa *lalape soliai Haeu ti i kak tatamusua aope ka i hani kako. Aile ape hauniwa kako ti waliko tenen i nakaxui halolo tupuakako ma leilokako. Ti lalape lokako ti Haeu, kako haeliel hawanewa lehe kako sohot seilon tenen sawisawin tapein.

Kolosi 1:5

Amuto sohot ukek ien nake namilomuto xoxoan wanen ka kahumuto i to aununa ti *tone Haeu. Hoi amuto tioi tenen ien nake amuto hongoen kakain salan leili *meng solian ti Jises Krais.

2 Tesalonika 2:16

Haeu tel Tamakako waheni hawane kako. I hakui kakapitini kako ma i haxoxo namilokako ti mon atengiai huhual tetan nake pate i aile hasolia hani kako.

Taitus 3:7

Ti lalape soliaian Haeu hasawi wasolakako kapin. I aile ukek ien lehe kako sohot natun ape kako mon ti ukei tonain kapin leili tonan ti tap tahi tapoan.

Hibru 12:14

Haelieliwa ka wasolamuto kapi hatesol seilon lawe solian ma hani hatapoa Haeu tupuamuto nake tap tel po ningahi Haeu na i kum hani hatapo i tupuan.

Hibru 6:18

Kako tioi ka Haeu malang wanen puputa. Ti i ukek i aile tenen waliko ape i kak kuinake ti puki axan, huonen waliko ie kola hani kako ka kakaian se salan. Tenen ien haxoxo kako ti upiai huhual tetan ma mon atengi hawanei waliko ti i kakawen i aile.

Hibru 7:26

Jises tapai hawane ailei puasain ti hukuminiakaha hani Haeu nake i tel sawisawin tapein. Woun solian tapein, i selaia ti ailei hatesol saun lialun ape i hana hatapo tupuan ti ailei pupuase Haeu. Aile ape Haeu hani i tonain pate tuah tapein ti tesol tonan.

Jeims 4:8

Towiahua ti lialui woumuto ape hong usiwa nauna ti Haeu lehe i sohot tel ngahatiamuto. Kum ailele saun lialun ti amuto ailele. Tu matuhawa ti Haeu, amuto teteka namilomuto uke huaik ti usian.

1 Pita 1:15

Haeu i sawisawin tapein. Pahan wanen amuto hana hatapoa tupuamuto hahitake nenein tetan lehe waxi amuto sohot seilon tenen pate sawisawin.

1 Pita 1:3

Kako haxawawa axe Haeu, tel Tame Jises Krais tel Masiwi ti kako. Ti lalape tatahan tetan i aile, ape kako sohot seilon haun ti usiai nenein tetan. Haeu xahateni Jises Krais ti matean, aile ape namilokako i xox hawane ti mon atengiai tonain kapin ti tap tahi tapoan.

2 Pita 1:4

Nake ti tesol waliko ien, Haeu hani kako waliko pate tuah ti i kakawen ma kako pon saliniai lawe waliko lialun ti tehu pon ie tenen i ahuma ti isiai seilon. Ape woukako soli ahe tatale ma kako sohot seilon pate sawisawin hanowi i.

2 Pita 3:14

Teka soliai akikik ti Krais, ti haliwei tesol waliko ien sohot, puas elieliwa ailei lawe waliko solian lehe waxi Haeu namiloi ukek amuto seilon pate sawisawin ma tap tel i pon tieniamuto ti tenen na waliko. Kewa wasolamuto Haeu pate solian.

1 Jon 2:6

Teteka laha ukek laha seilon tetan wanen, laha usi hawanewa woi Jises Krais.

1 Jon 4:17

Na kako waheni kapitini Haeu ma seilon, kako kum mamata tehu ngain ti Haeu paxai kolongeni woi seilon pake woukako hanowiwen woi Jises Krais ti kako he tehu pon ie.