1 Jon 3:11 - Seimat

¹¹ Lokon ti uli kako sohotua *kahikahi Jises Krais, kako hongoen kakai Haeu sale wawahen. I ukek kako he wawahenawa.

1 Jon 3:11 ပူးပေါင်းရင်းမြစ်များ

Jon Meng solian ti Jises tataiai Jon 13:4

Lokon ti lato angiang, Jises tu, i naxi xaxaweni tehu atuhiai puxuaun, i waxi teik taol ape i xioti hani luhuan.

Jon Meng solian ti Jises tataiai Jon 15:12

Nauna tetak ie, waheniwa amuto tel tel masin ti nga waheni amuto.

Galasia 6:2

Amuto he huhualawa ti kaui kawatan. Aweisal tewau ien amuto usi hahawane *nauna ti Moses nake amuto aile usiusi saun tenen Krais pahan.

Epesus 5:2

Amuto kolawa saun ti wawahen leili nanahiamuto masin ti Krais waheni kako ape i mat ti ukei totonakako. Haeu amuke tehu matean ti hualiakako masin ti i amuke waliko solian na kako aile nake kako waheni i.

1 Tesalonika 4:9

Amite kum tai kakane amuto sale wawahen ti kako teka kahikahi Krais nake puki Haeu hanauen amuto lehe amuto aile kola saun ti wawahen wasolamuto.

1 Timoti 1:5

Nga hani o tenen puasain ien nake Haeu pahan seilon he wawahenawa ti leili atelaha. Laha pon kolai wawahen tenen ien na namilolaha xewan ti tioiai waliko solian ma lialun hetekie na namilolaha tin xoxoan wanen ti Haeu.

1 Pita 1:22

Amuto ape haun ti lialui woumuto nake amuto hong usiusi kakain salan ti Haeu ma amuto hina wanen wawahen hani teka akikimuto ti Krais. Aile ape he wawahenawa ti leili atemuto.

1 Pita 3:8

Tiliai nauna tetak, amuto hatesol kewa namilomuto teikawe, kolawa tatahan hani tel tel, he wawahenawa ti atemuto wanen ma namiloi kewak seilon liai pate tuah.

1 Pita 4:8

Amuto he wawahenawa ti atemuto wanen. Saun tenen ien pate tuah. Na amuto waheni seilon liai amuto pon oxoxialaha ti kawatan ti waliko lialun laha aile hani amuto.

1 Jon 1:5

Tenen kakain ie amite hongoen ti Jises Krais ape amite kaxi hani amuto ka Haeu se solian tapein masin xewai alon, tap wanen lialun tetan.

1 Jon 4:11

Teka soliai akikik ti Krais, na lalape wawahen ti Haeu masin ien, kako tin he wawahenawa hanowi ti i waheni kako.

1 Jon 4:21

Puki Haeu nauen kako ka tin waheniwa seilon liai, kumahe mewenae i.

1 Jon 4:7

Teka soliai akikik ti Krais, kako he wawahen tatalewa nake saun ti wawahen i ahuma ti Haeu. Teteka laha waheni seilon liai laha se nati Haeu ma laha tioi hawane i.

2 Jon 1:5

Tel soliai hehin tuah, nga hanamena o ka kako he wawahenawa. Tenen nauna ti wawahen kumahe haun, Haeu haniwen kako ti uli kako sohotua kahikahi Krais.