1 Jon 1:10 - Seimat

¹⁰ Na kako ukek kako tap wanen saun lialun, tin kako namiloi ukek Haeu seilon ti puputa. I kola ka kako kum nam waxi kakaian.

1 Jon 1:10 ပူးပေါင်းရင်းမြစ်များ

Jon Meng solian ti Jises tataiai Jon 3:33

Tel na i hong soh kakaian i kola haxewa ka kakai Haeu pate salan.

Kolosi 3:16

Namiloi eliel hawanewa kakai Krais lehe i kapiti amuto na amuto hanau seilon ma nau laha ti hong usiai Haeu. Amuto aile aka matainiwa. Ape pak hawanewa ti leili atemuto pak tenen tenen ti sameniai Haeu ti lawe waliko i aile haniwen amuto.

1 Jon 1:8

Na kako ukek kako kum aile wanen saun lialun, kako puluti aliliake kako ape kako kum paxai tioi waliko salan ti Haeu.

1 Jon 2:14

Nga tatai ti nauamuto teka soliai natuk, teteka amuto tioi hawane tel Tamakako Haeu. Nauna tetak nga haniwen amuto teka wawan matutu ma salaimat, teteka amuto sohot kuewen kahikahi Krais, tetel i hoi imat ti lawe waliko Haeu tanomi. Nga nau hehetekie amuto teka wawan uluha, teteka namilomuto xoxoan ti Haeu, teteka lawe amuto usi kakaian ma amuto tahi waxainiwen nenein ti Satan.

1 Jon 2:4

Na tel i ukek i tioi hawane Haeu tuahe i kum hong usi nauna tetan, i tel seilon ti puputa, i kum paxai tioi waliko salan ti Haeu.

1 Jon 4:4

Tuahe amuto, teka soliai natuk, amuto seilon ti Haeu. Amuto tahi waxainiwen kakai teka woinakon kuluiai kakai Haeu nake Holi Spirit tel kapitiamuto i pamu masiwian ti *Satan tel kapiti halialui seilon ti tehu pon ie.

1 Jon 5:10

Tel na i soh ka Jises se tel Nati Haeu, i tioi hawane ka waliko ien salan. Tel na i kum soh waliko ien, tin i ukek Haeu seilon tenen puputa nake i kapaxe waliko ti Haeu kaxiwen sale tel Natun Jises.

2 Jon 1:2

Amite waheni amuto nake ati kako akeni konginiwen kakain salan ti Haeu ape i hamalumuen kapi kako.