Yuuda 1:4 - Imuuma Eehya

⁴ Nkobhandekera ndë ritashandighi reno, ko bhoora igha, bhaaho abhantö nyabhorebhe, bhano bhatakwighwera Waryobha. Abhantö bhayö bhaibhumbura bhughunyi igho mö-bhëënyu. Nkusisa bharë engʼana iya örööbhö urwa Waryobha uwëëtö, okore bhakore amangʼana agha sënsöni, na ukwanga Yëësu Kiristo, umwene igho, we omotangati uwëëtö, Omonene uwëëtu. Kasi ukurwa kare, yaandëkirwë igha, abhantö bhayö mbarebhotorrwa ikiina.

Yuuda 1:4 ပူးပေါင်းရင်းမြစ်များ

Mataayo 13:25

Kasi umubhisa akaasha ubhutikö bharaayë, akëëmya ëntöki mö-möghöndö muyö bhaarenga bhëëmëri engano. Hano umubhisa uyö yaamarrë ukwëmya-mo ëntöki, akarwa-mo.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Amangʼana agha Abhatomwa 11:23

Hano yaahikirë-yo akamaaha bhono abhantö bhayö bhaarë na örööbhö urwa Waryobha. Akashomerwa, akabhakangʼasërrya igha, bhaghëndërri okobha abhakumya abha heene mo-senkoro isyabho, ko-Monene Yëësu.

Amangʼana agha Abhatomwa 15:24

Twaighwa igha abhantö nyabhorebhe ukurwa kö-bhëëtö hano, bhabhanyankëri na amangʼana, okohekera senkoro isyënyu sekateeya. Kasi abhantö bhayö, bhëëtö tetwabhatömirë hë.

Abhagharatia 2:4

Engʼana iya okosaarwa iyö, yaabhöriibhwi na abhantö bhano bhaaikoranga igha m-basoorani abha Yëësu, kasi mbaaibhumburrë-mo kwa bhongʼaini, okore bhaitaahe öbhötöönööni ubhwëtö bhono Kiristo Yëësu yaatohaana. Keno bhaatunanga, no-kotokora tobhe abhaghorwa abha amaraghërryö agha Mosa.

Abhagharatia 5:13

Bhëënyu abhakumya bharikyëtö, Waryobha yaabhabherekera okore mobhe abhatöönööni. Kasi motakaakora öbhötöönööni ubhwënyu bhobhe ubhwa oronamba urwa ömöbhërë, kasi mötöörraninga, na mohanshanenga.

Abhaëfësö 4:14

Kiyö nkyo keraaghere twange okobha kya abhaana abhake abha ukutuumibhwa tuumibhwa ahasë honswe igho na rikama irya amëëghyö agha obhorongo agha abhantö abhangʼaini, ko obhongʼaini ubhwabho.

1 Timoteo 5:8

Kasi ömöntö wowonswe ono atakötöörrya abhantö abhaaye, ekenene abha waaye ka, uyö yaamara ukutigha amangʼana agha umukumo, uyö, m-möntö m-moghogho okokera bhano bhataana umukumo ku-Waryobha.

2 Timoteo 2:12

Hano toraaghömërri, ntoretonga hamwë nawe. Hano toraamwange, wonswe naritwanga.

2 Timoteo 3:6

Mo-bhayö, bhaamo bhano bhakwihira mu-mighi ighya abhantö kebhongʼaini ngʼaini, na ököngʼënërrya abhakari abhakangi. Abhakari bhayö, m-bano bhaaritoherwa na ëbhëbhë, bhararutwa na oronamba urwaru rwaru igho.

1 Peetero 2:16

Momenye këtöönööni, kasi öbhötöönööni bhuyö, bhotakaaghera mokore amangʼana amaghogho. Momenye öbhömënyi bhono bhukwörökya abhantö igha, m-baköri abha emeremo abha Waryobha mörë.

1 Peetero 2:8

Ghwiki, nkoghamba gharë igha, “Reghena riyö, ndyo irya ukwituuratuura-ko, ni-ritare irya ukughwësya abhantö.” Abhantö bharaituuratuura-ko, ko bhoora bhatakukumya engʼana iya Waryobha. Kiyö nkyo bhaasëëmëribhwa ukurwa kare.

1 Peetero 4:18

Amaandeko Amahörëëru gharaghamba igha, “Hano oraanyoore igha n-këköngʼu ko abhantö abha heene ökötööribhwa, bhoono iyakë erebha ko-bhantö abha ëbhëbhë bhano bhatakwighwera Waryobha?”

2 Peetero 2:10

Ekenene m-baara abha oronamba oroghogho urwa kinyamöbhërë, bhano bhakosera ubhwera ubhwa Waryobha. Abhantö bhayö, m-baana eteemo iya senkaani na ikiheemere, kora tebhaakoobhoha okotoka ëbhëntö ibhya ubhuhika, bheno bhërëngë mu-ryobha.

2 Peetero 2:7

Waryobha akatöörya-mo Ruutu ono yaarë ömöntö uwa heene. Ruutu yaaighwanga bhoghogho, hano yaamaahanga seteemo sengogho isya abhasarya bhayö.

2 Peetero 3:7

Ghwiki ko okohetera engʼana iyöiyö, Waryobha yatigha-ho mu-ryobha na ekebhara, okore bhiishe okosambwa mo-morro. Yabhitigha-ho okore bheghanye urusikö rono arebhotorra ibhiina abhantö bhano bhatakumwighwera, hayö bhoono, ho bharisika.

1 Yohana 2:22

Ömöntö omorongo nö-öhë? Ömöntö omorongo no-ono akoghamba igha, Yëësu ti-Kiristo hë. Ömöntö ono akwanga Taata Waryobha, na Yëësu Omoona uwaaye, uyö we umubhisa uwa Kiristo.

Yuuda 1:15

okore abhotorre ikiina abhantö bhonswe igho, na okotoora harabhu amangʼana aghaabho amaghogho ghonswe igho, hamwë na amangʼana ghonswe igho, ghano abhaköri abha ëbhëbhë bhayö bhakoghamba bhoghogho Waryobha.”

Yuuda 1:18

Bhaaghambirë igha, “Enkaagha iya sinsikö isya umuhiko, mbaryebhoka abhantö abha oronamba, na abhashabhuri.”

Okohonyora 15:4

Ë Omonene, ni-igha abhantö bhonswe igho bhakwobhohe, kora bhatööni iriina iryaho, ko bhoora nu-uwe umwene ömöhörëëru. Abhantö abha ibhyaro bhyonswe igho mbariisha, bhakosengerre, ko bhoora amangʼana aghaaho agha heene, nkomaahekana gharë harabhu igho.”