Yohana 9:24 - Imuuma Eehya

²⁴ Mbe, urwa kabhërë abhatangati abha Abhayahudi bhakabherekera ömöntö uyö yaarenga umuhukuru, bhakamötëëbhya igha, “Utyane ku-Waryobha igha, nkoghamba örë obhoheene! Bhëëtö ntomanyirë igha, ömöntö uyö yaakuhwënëri, m-mököri uwa ëbhëbhë.”

Yohana 9:24 ပူးပေါင်းရင်းမြစ်များ

Maariko 15:27

Mbaamohanëkirë ko-mosarabha hamwë na abhasaki bhabhërë. Ömwë bhakamohaneka ko-mosarabha ghono ghwaarë bhoryo ubhwa Yëësu, na uwöndë ghono ghwaarë bhömösi. [

Ruuka 15:2

Urusikö urwöndë, Abhafarisaayo na abhëëghya abha amaraghërryö agha Mosa, bhakaibhëmbëërya, bhakaghamba igha, “Ömöntö ono, ndarra m-mösërëënia uwa abha ëbhëbhë? Kora nkosanga arë nabho!”

Ruuka 19:7

Hano abhantö bhonswe igho bhaarööshë ghayö, bhakasimya ukwibhëmbëërya bharaghamba igha, “Aghëëyë okokora öbhöghëni uwa ömöntö uwa ëbhëbhë!”

Ruuka 7:39

Omofarisaayo uyö hano yaarööshë amangʼana ghayö, akaitegherra mo-motwe ughwaye igha, “Singa m-maheene igha Yëësu ono m-mörööti, nakaamanyirë igha, omokari uyö akumukunia n-wa teemo kë, nakaamomanyirë igha, n-wa ëbhëbhë.”

Yohana 14:30

Öni tentore ukushumaasha na bhëënyu ku-ribhagha ritambë hë, ko bhoora Oghosambwa öghötöngi ughwa ekebhara keno ghoraasha. Kasi teghoona ubhwera bhwobhwonswe igho ku-öni hë.

Yohana 16:2

Abhantö mbaraabharughi murwe mu-sinyumba isya esango iya Abhayahudi. Kora enkaagha irihika-ho, eno kera ömöntö ono arebhaita, arekanyanga igha m-buuya akokora ku-Waryobha.

Yohana 18:30

Bhakamohonshora igha, “Singa ömöntö ono atasarri engʼana, tetokaamörëëtirë ku-uwe hë.”

Yohana 19:6

Hano abhanene abha abhasëngëri na abhasirikare abhaabho bhaarööshë Yëësu, bhakashaghana bharaghamba igha, “Mohaneke ko-mosarabha, mohaneke ko-mosarabha!” Piraato akabhahonshora igha, “Momogheghe bhëënyu abheene, moghende momohaneke ko-mosarabha, ko bhoora öni tëmörööshë igha aana obhosarya hë.”

Yohana 5:23

Yaakörrë igho, okore abhantö bhonswe igho bhasooke Omoona kya bhono bhakosooka Taata. Ömöntö ono atakonsooka öni Omoona, uyö takosooka Taata ono yaantoma.

Yohana 8:46

N-nawë mö-bhëënyu ono akotora ukwemererra mo-bhantö igha, öni m-mokora ëbhëbhë ndë? Hano oraanyoore igha na-mangʼana agha obhoheene nkobhatëëbhya, n-kwakë bhoono motakunkumya?

Yohana 8:49

Yëësu akabhahonshora igha, “Öni ntaana risambwa. Öni nkosooka ndë Taata, kasi bhëënyu temokonsooka hë.

Yohana 9:16

Mbe Abhafarisaayo nyabhorebhe bhakaghamba igha, “Ömöntö ono akörrë igho, tiku-Waryobha akurwa hë, ko bhoora atakoghoota amaraghërryö agha rusikö urwa Obhotooro.” Kasi Abhafarisaayo abhandë bhakaghamba igha, “Iyakë ömököri uwa ëbhëbhë araatore okokora ebhemanyërryö ibhya amakono kya bhiyö?” Mbe bhakaanga korengerrania abheene ko abheene.

Yohana 9:25

Mbe, akabhahonshora igha, “Öni ghayö tengamanyirë hë, nyoore ömöntö uyö m-mököri uwa ëbhëbhë, kasi keno mmanyirë n-këntö ëkëmwë igho igha, m-muhukuru naarenga, kasi bhoono nkomaaha ndë.”

Abharuumi 8:3

Amaraghërryö agha Mosa teghaarenga na obhotoro ubhwa okotohaana öbhötöönööni, ko okoghera iya esemoko iyëëtö iya öbhököri ubhwa ëbhëbhë. Kasi keno amaraghërryö ghaakërrwë okokora, Waryobha yaakëkörrë. Yaatömirë Omoona uwaaye umumwëmwë, akaasha ko-kebhara kono kinyabhantö, kya bhëëtö abhaköri abha ëbhëbhë, okore abhe ikimwenso ko okoghera iya ëbhëbhë ibhyëtö. Ko okokora igho, Waryobha yaasikiri esemoko iya öbhököri ubhwa ëbhëbhë kö-bhëëtö.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Okohonyora 11:13

Enkaagha iyöiyö, kekabha-ho ikirighiti ekenene, kora rokasareka orobhaara örömwë urwa ikömi urwa umughi ghonswe igho. Kirighiti kiyö, kyaaghërrë abhantö ëbhëkwë muhungatë, bhakakwa na abhandë bhonswe igho bhano bhaatighaayë, bhakoobhoha, bhakatöönia Waryobha uwa mu-ryobha.