Yohana 8:54 - Imuuma Eehya

⁵⁴ Yëësu akabhahonshora igha, “Hano ndaaikumi öni umwene, ukwikumya ukwane tekoona ubhwera bhwobhwonswe igho hë. Kasi Taata, ono bhëënyu mokoghamba n-Waryobha uwëënyu, we akunkumya.

Yohana 8:54 ပူးပေါင်းရင်းမြစ်များ

Yohana 17:1

Hano Yëësu yaamarrë okoghamba amangʼana ghayö ghonswe igho, akagharamera mu-ryobha, akasaasaama igha, “Bhoono Taata enkaagha ihikirë. Örökya abhantö ubhuhika ubhwa Omoona uwaaho, okore na öni Omoona uwaaho, nöröki abhantö ubhuhika ubhwaho kya igho bhörë.

Yohana 17:5

Bhoono Taata, ndasabha wöröki abhantö ubhuhika ubhwane bhono naarenabho, enkaagha eno twaarë hamwë, kora ekebhara keno ketaraabhombwa.

Yohana 2:11

Kiyö nkyo ekemanyërryö ikya mbere keno Yëësu yaakörrë. Ekemanyërryö kiyö, yaakëkörëëyë mu-mughi ughwa Kana iya mo-mokowa ughwa Ghariraaya. Ko okokora igho, yöörökëri ubhuhika ubhwaye, kora abheegha abhaaye bhakamukumya.

Yohana 5:41

Tinkutuna ukukumibhwa na abhantö hë.

Yohana 7:18

Ömöntö wowonswe igho ono akoghamba ku ubhwera ubhwaye umwene, uyö nu-bhuhika ubhwaye umwene akwitonera. Kasi ono akutuna ubhuhika ubhwa oora yaamotoma, uyö no-bhoheene akoghamba, takoghamba obhorongo hë.”

Yohana 7:39

Yëësu yaaghambirë amangʼana ghayö ku ukushumaashera Umwika Ömöhörëëru, ono bharehaanwa abhantö bhonswe igho bhano bhakukumya Yëësu. Enkaagha iyö, waanyöörrë Waryobha ataraatoma Umwika uwaaye ko-obho, ko bhoora tuwaanyöörrë Waryobha arahaana Yëësu ubhuhika hë.

Yohana 8:41

Amangʼana ghano mokokora n-gano ghakurwa ku-suwëënyu.” Abhayahudi bhayö bhakahonshora Yëësu igha, “Bhëëtö temabhereke törë hë, kasi Waryobha umwene igho we Taata uwëëtö.”

Yohana 8:50

Tinkutuna igha bhëënyu möntööni hë, kasi aaho ono akutuna ukunkumya, ghwiki we naraabhe umwahokania uwa heene.

Amangʼana agha Abhatomwa 3:13

Ti-igho hë! Waryobha uwa abhakörö abhëëtö, Ibhurahimu, Isaaka, na Yaakobho, we atöönëri Yëësu, ömököri uwaaye uwa emeremo, Yëësu uyö, we amuhwënëri. Mbe, Yëësu uyö, we oora mwaahirrë igha abhotorrwe ikiina ikya ukwitwa! Kora hano Piraato yaatunirë igha amohaatere, bhëënyu mokaanga,

2 Abhakörintö 10:18

Tërëngë igha ömöntö ono akwihasha umwene we akwikërribhwa na Omonene Waryobha, kasi no-oora Omonene Waryobha umwene akukumya, uyö we akwikërribhwa nawe.

1 Peetero 1:12

Waryobha yaahönyörrëëyë abharööti bhayö igha, amangʼana ghano bhaarootanga, te-ghaabho ghaarë hë, kasi na-ghëënyu ghaarë. Ghaara bhaaghambirë, ngo mwaaraarëkëëywë na abhantö bhano bhaabharëëtëëyë Amangʼana Amaiya agha Yëësu Kiristo. Bhonswe mbaabhatëëbhëri Amangʼana Amaiya ghayö, ko obhotoro ubhwa Umwika Ömöhörëëru ono yaatömirwë ukurwa mu-ryobha. Amangʼana ghayö, kora abhamaraika nkutuna bharë bhököngʼu igha bhaghamanye.

1 Peetero 1:21

Bhëënyu nkukumya mörë Waryobha, okohetera ku-Yëësu Kiristo. Waryobha, we yaamuryökëri ukurwa mo-bhaku, akamohaana ubhuhika. Kiyö nkyo kekoghera morakumya Waryobha na ukumwesegha.

2 Peetero 1:17

Bhëëtö hamwë twaarenga na Yëësu ku-nguku ëhörëëru, hano yaasöökirwë kora akahaanwa ubhuhika ukurwa ko-Taata Waryobha. Enkaagha iyö, yo twaaighuurë engamba iya ubhuhika obhonene, ararwa mu-ryobha ku-Waryobha umwene, ekaghamba igha, “Ono no-Moona uwaane omoghonshe, we aköntëghërya bhököngʼu.”