Yohana 8:53 - Imuuma Eehya

⁵³ Kasi, nkwikora örë okobha omonene okokera ghuuka uwëëtö Ibhurahimu? Ibhurahimu yaakwa. Abharööti bhonswe bhaakwa. Bhoono, uwe oraikora igha nu-uwe wë?”

Yohana 8:53 ပူးပေါင်းရင်းမြစ်များ

Mataayo 12:6

Keno nkobhatëëbhya ni-igha, aahano omonene okokera risengerro irya Waryobha.

Mataayo 3:9

Motakaakanya igha, Waryobha naraabhaikërri ko bhoora mökötëëbhania igha, ‘Bhëëtö m-bantö abha heene törë ko bhoora igha, nu-rwebhoro urwa Ibhurahimu törë.’ Ndabhatëëbhya igha, Waryobha aratora okokorra Ibhurahimu abhaana, ukurwa ko-maghena ghano.

Yohana 10:33

Abhayahudi bhakahonshora igha, “Titukutuna okokotema na amaghena ko okoghera iya okokora amangʼana amaiya hë, kasi n-ko bhono okotoka Waryobha. Kora oraighamba igha n-Waryobha örë, na mbe m-möntö örë kya abhandë!”

Yohana 12:34

Mbe, rikomo irya abhantö rekahonshora Yëësu igha, “Twasoma mo-Maandeko Amahörëëru igha, Kiristo naraaghëndërri okobha-ho igho kughya iyö, bhoono ghwiki uwe oraghamba igha, ni-igha Omoona uwa Ömöntö ariinibhwi kighörö? Kana Omoona uwa Ömöntö n-nawë?”

Yohana 19:7

Abhayahudi bhakamohonshora igha, “Bhëëtö ntoona amaraghërryö, na ko okorengʼaana na amaraghërryö ghayö, ni-igha aitwe, ko bhoora akwikora igha m-Moona uwa Waryobha.”

Yohana 4:12

Ömökörö uwëëtö Yaakobho, we yaatohaana ikisima keno, kora na umwene wonswe na-manshë ghano yaanywanga hamwë na abhaana abhaaye, na situgho isyaye. Bhoono toghambe igha uwe m-monene örë okokera ömökörö uwëëtö Yaakobho?”

Yohana 5:18

Ko okoghera iya amangʼana ghayö Yëësu yaaghambirë, abhatangati abha Abhayahudi bhakasimya ukutuna enshera iya ukumwita. Te-ko okoghera iya obhosarya ubhwa urusikö urwa Obhotooro ubhwene igho, kasi na ko bhoora yaaghambanga igha, Waryobha n-Suwaabho. Ku bhuyö bhakamaaha igha, nkwirengʼaania arë na Waryobha.

Yohana 8:58

Yëësu akabhahonshora igha, “No-bhoheene nkobhatëëbhya igha, kora Ibhurahimu hano yaarenga atareebhorwa, öni ho naarenga.”

Abharuumi 9:5

Abhaisiraëri bhayö, mbo bhaasëmökirë ukurwa ko-bhakörö abhaabho, bhaabho Ibhurahimu, Isaaka na Yaakobho. Kinyabhantö, Kiristo m-Mwisiraëri yaarë. Kiristo ono arëngë igha we Waryobha Omonene uwa bhyonswe igho, akumibhwi amakora ghonswe igho! Amina.