Yohana 8:52 - Imuuma Eehya

⁵² Mbe, Abhayahudi bhakatëëbhya Yëësu igha, “Bhoono tomarrë ukungʼura igha, uwe noona risambwa! Ibhurahimu yaakwa. Abharööti bhonswe bhaakwa. Kasi uwe oraghamba igha, ‘Ömöntö wowonswe igho ono okosoorana amëëghyö aghaane, tarikwa röndë hë.’

Yohana 8:52 ပူးပေါင်းရင်းမြစ်များ

Mataayo 11:18

Nembatuubhaini igho, ko bhoora hano Yohana Omobhatiisya yaaishirë, tiyaaryanga emekaate handë ukunywa idivai hë. Kasi bhëënyu mokaghamba igha, ‘Aana risambwa.’

Yohana 1:19

Urusikö urwöndë, abhatangati abha Abhayahudi bhaatömirë abhasëngëri na Abharaawi ukurwa Yërusarëëmu, bhabhööri Yohana igha, “Nu-uwe wë?”

Yohana 14:23

Yëësu akamohonshora igha, “Ömöntö wowonswe ono araanhanshe, naraaghoote amangʼana aghaane, ömöntö uyö naraahanshwe na Taata. Na bhëëtö bhonswe igho öni na Taata, ntoraashe tomenye hamwë nawe.

Yohana 15:20

Motakeebha ghano naabhatëëbhëri igha, ‘Omoghorwa, taatore okobha omonene kokera omonene uwaaye hë.’ Mbe, nyoore bhaannyankëri, na bhëënyu bhonswe mbaraabhanyanki. Nyoore bhaghöötirë amangʼana aghaane, aghëënyu ghonswe mbaraaghaghoote.

Yohana 17:6

Taata, nkökörrë omanyekaini ko-bhantö bhano kare hayö, na-abha ko-kebhara kono bhaarë. Na-bhaaho bhaarenga, okabhangʼaana, bhoono bhaghöötirë engʼana iyaaho.

Yohana 7:20

Rikomo irya abhantö rekamohonshora igha, “Uwe n-disambwa onaryo! N-nawë akutuna ukukwita?”

Yohana 8:22

Mbe, abhatangati abha Abhayahudi bhakabhoorania igha, kanaa, engamba eno akoghamba igha, “Iyö nkughya, bhëënyu timuhikë-yo hë,” nkutuna arë kwingʼenta?

Yohana 8:48

Abhayahudi bhakabhöörya Yëësu igha, “Kasi to-bhoheene tokoghamba igha, uwe m-Mosamaaria örë, kora noona risambwa?”

Yohana 8:51

No-bhoheene nkobhatëëbhya igha, ömöntö wowonswe igho ono okosoorana amëëghyö aghaane, tarikwa röndë hë.”

Yohana 8:55

Bhëënyu temomanyirë Waryobha hë, kasi öni nemomanyirë. Hano ndaaghambe igha temomanyirë hë, hayö nendaabhe omorongo kya bhëënyu. Kasi öni nemanyirë Waryobha, ghwiki ghano akoghamba, nkoghaghoota ndë.

Yohana 9:24

Mbe, urwa kabhërë abhatangati abha Abhayahudi bhakabherekera ömöntö uyö yaarenga umuhukuru, bhakamötëëbhya igha, “Utyane ku-Waryobha igha, nkoghamba örë obhoheene! Bhëëtö ntomanyirë igha, ömöntö uyö yaakuhwënëri, m-mököri uwa ëbhëbhë.”

Abhaëbhuraania 11:13

Abhantö bhayö bhonswe igho, mbaakuurë bharëngë ku-mukumo ughwabho. Tebhaanyöörrë amangʼana agha riraghano reera hë, kasi mbaagharööshë kwa hare, bhakashenga. Abhantö bhayö mbaaikërëëyi igha, m-baghëni bhahëti bhaarë, tebhaarë abhamënyi abha ko-kebhara kono hë.

Abhaëbhuraania 2:9

Kasi nkomaaha törë Yëësu Kiristo ono ku-ribhagha ike igho, Waryobha yaamokora abhe omoke okokera abhamaraika. Uyö we yaatoorrwa ko-motwe ikirighi ikya ubhuhika na okosookwa, ko okoghera iya ököghömërrya öbhörrö ubhwa uruku. Waryobha yaakörrë igho, okore kö örööbhö urwaye, Yëësu akwe ko okoghera iya ökötöörya abhantö bhonswe igho.