Yohana 8:51 - Imuuma Eehya

⁵¹ No-bhoheene nkobhatëëbhya igha, ömöntö wowonswe igho ono okosoorana amëëghyö aghaane, tarikwa röndë hë.”

Yohana 8:51 ပူးပေါင်းရင်းမြစ်များ

Mataayo 16:28

No-bhoheene nkobhatëëbhya igha, mo-bhantö bhano bhaimërëëyë hano, bhaamo abhandë bhano bhatarikwa igho, bhatandööshë öni Omoona uwa Ömöntö, ndaasha ko-Bhokama ubhwane.”

Ruuka 2:26

Okanyoora Umwika Ömöhörëëru amötëëbhëri igha, tarikwa igho atarööshë Kiristo uwa Omonene Waryobha.

Yohana 14:23

Yëësu akamohonshora igha, “Ömöntö wowonswe ono araanhanshe, naraaghoote amangʼana aghaane, ömöntö uyö naraahanshwe na Taata. Na bhëëtö bhonswe igho öni na Taata, ntoraashe tomenye hamwë nawe.

Yohana 15:20

Motakeebha ghano naabhatëëbhëri igha, ‘Omoghorwa, taatore okobha omonene kokera omonene uwaaye hë.’ Mbe, nyoore bhaannyankëri, na bhëënyu bhonswe mbaraabhanyanki. Nyoore bhaghöötirë amangʼana aghaane, aghëënyu ghonswe mbaraaghaghoote.

Yohana 17:6

Taata, nkökörrë omanyekaini ko-bhantö bhano kare hayö, na-abha ko-kebhara kono bhaarë. Na-bhaaho bhaarenga, okabhangʼaana, bhoono bhaghöötirë engʼana iyaaho.

Yohana 5:24

No-bhoheene nkobhatëëbhya igha, ömöntö ono akwighwa engʼana iyaane na ukukumya Waryobha ono yaantoma, uyö naana öbhöhöru ubhwa amakora ghonswe igho. Ömöntö kya uyö, tarebhotorrwa ikiina hë. Uyö amarrë ukwamboka ukurwa mu-ruku, bhoono asöhirë mö-bhöhöru.

Yohana 6:50

Kasi hano, bheeho ibhyakorya bheno bhiruurë mu-ryobha. Ku bhuyö ömöntö ono araaraaghere ibhyakorya bhiyö, uyö tarikwa hë.

Yohana 8:12

Mbe, Yëësu akaghëndërrya okoghamba ghwiki na rikomo reera igha, “Öni nö-öni obhorabhu ubhwa ekebhara. Ömöntö wowonswe igho ono akonsoorana, takoghenda mu-kisuntë kora hake hë, kasi naraabhe na obhorabhu bhono bhokomotangata mö-bhöhöru ubhwa amakora ghonswe igho.”

Yohana 8:52

Mbe, Abhayahudi bhakatëëbhya Yëësu igha, “Bhoono tomarrë ukungʼura igha, uwe noona risambwa! Ibhurahimu yaakwa. Abharööti bhonswe bhaakwa. Kasi uwe oraghamba igha, ‘Ömöntö wowonswe igho ono okosoorana amëëghyö aghaane, tarikwa röndë hë.’

Yohana 8:55

Bhëënyu temomanyirë Waryobha hë, kasi öni nemomanyirë. Hano ndaaghambe igha temomanyirë hë, hayö nendaabhe omorongo kya bhëënyu. Kasi öni nemanyirë Waryobha, ghwiki ghano akoghamba, nkoghaghoota ndë.

Abhaëbhuraania 11:5

Umukumo, ghwaaghërrë Henooko akangʼaanyibhwa ukurwa ko-kebhara kono igho atakuurë. Tiyaarööshwë na ömöntö ghwiki hë, ko bhoora Waryobha yaamöghëghirë ukughya mu-ryobha. Kora Amaandeko Amahörëëru nkumwimererra gharë igha, enkaagha eno waanyöörrë ataraagheghwa, yaatëghëryanga Waryobha.

Abhaëbhuraania 2:9

Kasi nkomaaha törë Yëësu Kiristo ono ku-ribhagha ike igho, Waryobha yaamokora abhe omoke okokera abhamaraika. Uyö we yaatoorrwa ko-motwe ikirighi ikya ubhuhika na okosookwa, ko okoghera iya ököghömërrya öbhörrö ubhwa uruku. Waryobha yaakörrë igho, okore kö örööbhö urwaye, Yëësu akwe ko okoghera iya ökötöörya abhantö bhonswe igho.