Yohana 8:48 - Imuuma Eehya

⁴⁸ Abhayahudi bhakabhöörya Yëësu igha, “Kasi to-bhoheene tokoghamba igha, uwe m-Mosamaaria örë, kora noona risambwa?”

Yohana 8:48 ပူးပေါင်းရင်းမြစ်များ

Mataayo 10:25

Bhëënyu abheegha abhaane ni-igha mobhe kya öni. Mwitengʼere igha abhantö mbarebhakorra obhoghogho kya bhono bhakonkorra obhoghogho. Öni m-motangati uwëënyu ndë, hano okomaaha bharamberekera igha n-Gosambwa ndë, na bhëënyu bhonswe mbarebharoka amariina amaghogho bhököngʼu.”

Mataayo 10:5

Mbe, Yëësu akatoma abhatomwa ikömi na bhabhërë bhayö, akabharaghërrya igha, “Motakaaghya ko-Bhakyaro, handë ku-mughi ghoghonswe ghoora ughwa Samaaria.

Mataayo 11:18

Nembatuubhaini igho, ko bhoora hano Yohana Omobhatiisya yaaishirë, tiyaaryanga emekaate handë ukunywa idivai hë. Kasi bhëënyu mokaghamba igha, ‘Aana risambwa.’

Mataayo 12:24

Hano Abhafarisaayo bhaaighuurë amangʼana ghayö, bhakaghamba igha, “Ömöntö ono keno kekoghera araata amasambwa, n-ko bhoora Bhërizëbhuri, oghonene ughwa amasambwa, ghwaamohaana obhotoro ubhwa okokora igho.”

Mataayo 12:31

Ku bhuyö mwitegherre mbatëëbhi, Waryobha naryabhera abhantö bhano bhakosarrya bharikyabho, handë okobhatoka. Kasi Waryobha, taryabhera abhantö bhano bhakotoka Umwika uwa Waryobha.

Mataayo 15:7

Bhëënyu bhare bhaiköri! M-maheene bhoora Isaaya yaaröötirë igha,

Yohana 1:19

Urusikö urwöndë, abhatangati abha Abhayahudi bhaatömirë abhasëngëri na Abharaawi ukurwa Yërusarëëmu, bhabhööri Yohana igha, “Nu-uwe wë?”

Yohana 10:20

Abhantö abhaaru mo-bhayö, bhakaghamba igha, “Ono n-disambwa aanaryo, kora m-mushuuru, bhoono n-kwakë mukumwitegherra?”

Yohana 13:13

Bhëënyu moramberekera igha, ‘Umwëghya,’ ghwiki moramberekera igha, ‘Omonene.’ M-buuya mokokora okomberekera igho, ko bhoora ni-igho ndë.

Yohana 4:9

Mbe, omokari Omosamaaria uyö, akahonshora Yëësu igha, “N-kwakë uwe Umuyahudi, okonsabha amanshë agha ukunywa öni omokari uwa Ekesamaaria?” Yaabhöörri igho, ko bhoora Abhayahudi, tebhaighwerrananga na Abhasamaaria hë.

Yohana 7:20

Rikomo irya abhantö rekamohonshora igha, “Uwe n-disambwa onaryo! N-nawë akutuna ukukwita?”

Yohana 8:22

Mbe, abhatangati abha Abhayahudi bhakabhoorania igha, kanaa, engamba eno akoghamba igha, “Iyö nkughya, bhëënyu timuhikë-yo hë,” nkutuna arë kwingʼenta?

Yohana 8:52

Mbe, Abhayahudi bhakatëëbhya Yëësu igha, “Bhoono tomarrë ukungʼura igha, uwe noona risambwa! Ibhurahimu yaakwa. Abharööti bhonswe bhaakwa. Kasi uwe oraghamba igha, ‘Ömöntö wowonswe igho ono okosoorana amëëghyö aghaane, tarikwa röndë hë.’

Abharuumi 15:3

Ko bhoora kora Yëësu Kiristo umwene, tiyaimaahanga igha, aana ubhwera okokera abhandë. Kasi ghano yaakörrë ngaarë kya bhono Amaandeko Amahörëëru ghakoghamba igha, “Amatöki ghano bhakokotoka Waryobha, nö-öni umwahorwa uwaaho ghaanyöörrë.”

Abhaëbhuraania 13:13

Bhoono ni-igha tughi ku-Yëësu Kiristo kebhara iya umughi, na eno twitëëkirë okoserwa ukwaye.

Yaakobho 2:19

Nkukumya örë igha, Waryobha nö-ömwë igho. M-maheene ni-igho ërë! M-buuya okokora! Kasi amasambwa ghonswe nkukumya gharë ighoigho, kora nkurighita gharë na okoobhoha!