Yohana 8:37 - Imuuma Eehya

³⁷ Nemanyirë igha, bhëënyu na-abha urwebhoro urwa Ibhurahimu mörë, kasi moratuna ukunyita ko bhono mukwanga ukukumya ghano nköbhëëghya.

Yohana 8:37 ပူးပေါင်းရင်းမြစ်များ

Mataayo 13:15

Ni-igho erebha ko bhoora bhaana emetwe ëmëköngʼu, amatwë aghaabho m-maribhu, mbahundirriyi, tebhakutuna okoramökya amaiso aghaabho hë, handë igha amatwë aghaabho ghaighwe, handë igha senkoro isyabho semanye, bhatakaanyisyörrya mbatööri.’”

Mataayo 3:9

Motakaakanya igha, Waryobha naraabhaikërri ko bhoora mökötëëbhania igha, ‘Bhëëtö m-bantö abha heene törë ko bhoora igha, nu-rwebhoro urwa Ibhurahimu törë.’ Ndabhatëëbhya igha, Waryobha aratora okokorra Ibhurahimu abhaana, ukurwa ko-maghena ghano.

Yohana 10:31

Mbe, Abhayahudi abhandë hano bhaaighuurë amangʼana ghayö, bhakabhoosha ghwiki amaghena, okore bhamoteme bhamwite.

Yohana 11:53

Ukurwa urusikö ruyö, abhatangati abha Abhayahudi bhakakora ikiina ikya ukwita Yëësu.

Yohana 5:44

Bhoono iyakë moraankumi rëndë mbe keno mukutuna n-sinkuma isyënyu abheene ko bheene, kasi sinkuma seno sikurwa ku-Waryobha timukusituna hë?

Yohana 7:1

Hano ghayö ghaahööyë, Yëësu akabha arainaaranaara mo-mokowa ughwa Ghariraaya. Tiyaatunirë ainaarenaare Yudea, ko bhoora abhatangati abha Abhayahudi bhaatunanga bhamwite.

Yohana 7:19

Yëësu akaghëndërrya okobhatëëbhya igha, “Mmomanyirë igha, Mosa yaabhahaayë amaraghërryö agha Waryobha. Kasi taaho ömöntö mö-bhëënyu, ono akoghoota amaraghërryö ghayö. Bhoono n-kwakë mukutuna ukunyita?”

Yohana 7:25

Mbe, abhantö abhandë Yërusarëëmu hayö, bhakabhoorania igha, “Kasi, ömöntö ono te-we ono abhatangati abhëëtö bhakutuna igha bhaite?

Yohana 8:33

Bho bhakamöbhöörya igha, “Bhëëtö na-abha urwebhoro urwa Ibhurahimu törë. Tetwakabhaayë abhaghorwa abha ömöntö wowonswe oora hë. N-kwakë okoghamba igha bhëëtö ntoraabhe abhatöönööni?”

Yohana 8:43

N-kwakë motakomanya ghano nkoghamba? N-ko bhoora mukwanga amangʼana aghaane.

Yohana 8:56

Ghuuka uwëënyu Ibhurahimu yaashömëëywë bhököngʼu, okomanya igha öni nenkaaishirë. Yaabhaayë kya ono andööshë, ku bhuyö akashomerwa bhököngʼu.”

Yohana 8:59

Hano Abhayahudi bhaaighuurë ghayö, bhakabhoosha amaghena, okore bhamoteme bhamwite, kasi Yëësu akaibhisa, akatanora ukurwa kö-bhööri ubhwa risengerro.

Yohana 8:6

Bho mbaamöbhöörri igho ku ukumushaashya, okore bhanyoore ikibhuno ikya ukumushongera. Kasi Yëësu akaihiinya akasimya ukwandeka hansë ko-marobha na ikyara ikyaye.

Amangʼana agha Abhatomwa 13:26

“Abhahiiri abhaane, abheebhorwa Ibhurahimu na bhëënyu Abhakyaro bhano mokosooka Waryobha, engʼana eno iya ököhönia nkö-bhëëtö yaarëëtirwë!

Abharuumi 9:7

Ti-igha urwebhoro urwa Ibhurahimu rwonswe igho m-baana abha heene abha Ibhurahimu. Ti-igho hë. Kasi Waryobha yaaraghaini Ibhurahimu igha, “Urwebhoro urwaho nku-Isaaka roresemoka ukurwa.”

1 Abhakörintö 2:14

Mbe, ömöntö ono ataana Umwika uwa Waryobha, uyö takotora okoghoota amangʼana ghano ghakurwa ku-Mwika uwa Waryobha, ko bhoora uyö, nkomaaha arë amangʼana ghayö igha, n-ga ekekangi. Kora taatore okoghamanya hë, ko bhoora nkomanywa gharë ko obhotoro ubhwa Umwika Ömöhörëëru.

1 Yohana 2:14

Nkobhandekera ndë bhëënyu bhaataata, ko bhoora mmomanyirë Yëësu Kiristo, ono yaarenga-ho ukurwa okosemoka. Nkobhandekera ndë bhëënyu abhamura, ko bhoora moona singuru, kora nköghëndërrya mörë okoghoota engʼana iya Waryobha, mwabhaaha na Oghosambwa.