Yohana 8:32 - Imuuma Eehya

³² Kora moraamanye obhoheene, obhoheene bhuyö, mboraabhahaane öbhötöönööni.”

Yohana 8:32 ပူးပေါင်းရင်းမြစ်များ

Mataayo 11:29

Öni m-mohaabhu ndë, na ubhwihöötu nu-bhwane. Ku bhuyö mwibhohere ijööki iyaane, mweghe ku-öni, ho ndaabhahaane omorembe mo-senkoro isyënyu.

Yohana 1:14

Mbe, uyö akobherekerwa igha Engʼana, yaabhaayë ömöntö, kora akaikara mö-bhëëtö. Tokamaaha ubhuhika ubhwaye, ubhuhika ubhwa Omoona umumwëmwë ono akurwa ko-Taata, aishööyë örööbhö na obhoheene.

Yohana 1:17

Ko bhoora Waryobha yaarëëtirë amaraghërryö aghaaye ko okohetera Mosa, bhoono arëëtirë örööbhö na obhoheene ubhwaye ko okohetera ku-Yëësu Kiristo.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 16:13

Kasi Umwika uwa heene oora hano ariisha, narebhahonyorra amangʼana agha obhoheene bhonswe igho. Narekora igho ko bhoora tareghambanga ko bhono umwene akutuna hë, kasi nareghambanga ghano urinyoranga araighwa, narebhatëëbhya kora na amangʼana ghano gharebha mbere iyö.

Yohana 17:17

Obhakore bhabhe abhahörëëru ko obhoheene ubhwaho. Öbhëëghi engʼana iyaaho, ko bhoora engʼana iyaaho yo obhoheene.

Yohana 6:45

Amaandeko Amahörëëru agha abharööti gharaghamba igha, ‘Abhantö bhonswe igho, mbaryëghibhwa na Waryobha.’ Mbe ömöntö wowonswe igho ono akwitegherra na ukwegha ukurwa ko-Taata, nkuusha arë ku-öni.

Yohana 7:17

Ömöntö wowonswe igho ono akutuna okokora bhono Waryobha akutuna, uyö naraamanye igha, amëëghyö ghano nku-Waryobha ghaarwa. Kora ghwiki naraamanye igha, tenkoghamba ku ubhwera ubhwane umwene hë.

Yohana 8:36

Mbe nyoore öni Omoona uwa Waryobha ndë, mbatashööyë ukurwa kö-bhëbhë ibhyënyu, temoobhe abhaghorwa ghwiki hë, kasi moraabhe abhatöönööni heeneheene.

Abharuumi 6:22

Bhoono, mmoona ehoorohooro ko bhoora Waryobha abhahaayë öbhötöönööni, okore motakaabha abhaghorwa abha ëbhëbhë. Ku bhuyö bhëënyu mobhaayë abhaghorwa abha Waryobha. Mmoona ubhwera ubhwa okosaabhuurwa mobhe abhaköri abha emeremo abhaaye. Ehoorohooro iyaamo, nö-bhöhöru ubhwa amakora ghonswe igho.

Abharuumi 8:15

Waryobha tiyaabhahaayë Umwika Ömöhörëëru, okore mobhe abhaghorwa abhoobha. Kasi yaabhahaayë Umwika Ömöhörëëru, okore mobhe abhaana abhaaye. Umwika Ömöhörëëru uyö, we akötötöörrya, okore tobherekere Waryobha igha, “Taata.”

Abharuumi 8:2

Ko okoghootana na Kiristo Yëësu, nnyöörrë obhotoro ubhwa Umwika Ömöhörëëru ono akotohaana öbhöhöru ubhwa amakora ghonswe igho. Öbhöhöru bhuyö, bhongʼaayë öbhötöönööni, okore ntakabhaahwa na obhotoro ubhwa ëbhëbhë na uruku.

1 Abhakörintö 7:22

Ko bhoora ömöntö ono yaabherekerwa arëngë omoghorwa, m-mötöönööni ko-Monene. Ni-ighoigho kora na ono yaabherekerwa arëngë ömötöönööni, m-moghorwa uwa Kiristo.

Abhagharatia 5:1

Kiristo yaatohaana öbhötöönööni, okore tobhe abhatöönööni. Ku bhuyö ni-igha monaghe, motakaikërrya ukukyora ghwiki mo-bhoghorwa ubhwa amaraghërryö.

Abhagharatia 5:13

Bhëënyu abhakumya bharikyëtö, Waryobha yaabhabherekera okore mobhe abhatöönööni. Kasi motakaakora öbhötöönööni ubhwënyu bhobhe ubhwa oronamba urwa ömöbhërë, kasi mötöörraninga, na mohanshanenga.

2 Timoteo 3:7

Abhakari bhayö, nkwegha bharë sinsikö syonswe igho, kasi tebhakotora okomanyërrya obhoheene röndë hë.

Yaakobho 1:25

Kasi ömöntö ono akwitaaha amaraghërryö ghano ghataana risoro, ghano ghakomokorra öbhötöönööni, abhe ömököri uwa amangʼana ghayö yaaighwa, uyö we araangʼoorwe na Waryobha ko ghaara akokora.

Yaakobho 2:12

Ku bhuyö, mushumaashenga na okokora amangʼana, momanyirë igha, Waryobha narebhabhotorra ibhiina ko-maraghërryö ghano ghakoreeta öbhötöönööni.

1 Peetero 2:16

Momenye këtöönööni, kasi öbhötöönööni bhuyö, bhotakaaghera mokore amangʼana amaghogho. Momenye öbhömënyi bhono bhukwörökya abhantö igha, m-baköri abha emeremo abha Waryobha mörë.

2 Yohana 1:1

Öni omoghaaka uwa ekanisa, nu-uwe umusubhaati nkwandekera ritashandighi reno, hamwë na abhaana abhaaho. Uwe musubhaati, waahorwa na Waryobha hamwë na abhaana abhaaho. Uwe hamwë na abhaana abhaaho, ko bhoheene nembahanshirë. Tö-öni umwene igho mbahanshirë hë, kasi kora abhandë bhonswe igho bhano bhamanyirë obhoheene, mbabhahanshirë.