Yohana 8:24 - Imuuma Eehya

²⁴ Kiyö nkyo këghërrë mbatëëbhëri igha moraakwe ko okoghera iya ëbhëbhë ibhyënyu. Mbe hano motaakumi igha ‘Öni Nö-öni,’ moraakwe ko okoghera iya ëbhëbhë ibhyënyu.”

Yohana 8:24 ပူးပေါင်းရင်းမြစ်များ

Mataayo 24:5

Ko bhoora abhantö m-baaru bhariisha bharaikora igha, mbo Kiristo. Na abhantö bhayö, bhareengʼaina abhantö abhaaru.

Maariko 13:6

Abhantö abhaaru mbariisha bharaibherekera iriina iryane, eno bharaikora igha, mbo Kiristo. Na abhantö bhayö, mbarengʼaina abhantö abhaaru.

Maariko 16:16

Ömöntö wowonswe igho ono araakumi, abhatiisibhwi, naraatööribhwi. Kasi, ömöntö wowonswe igho ono ataakumi, uyö naraabhotorrwe ikiina.

Ruuka 21:8

Akabhatëëbhya igha, “Mwangarre motakaasha okongʼainwa! Mbariisha abhantö abhaaru bharaghamba igha mbaana ubhwera ubhwane, kera ömwë uwaabho nareghambanga igha, ‘Nö-öni Kiristo!’ Ghwiki mbareghamba igha, ‘Enkaagha eera mwaatëëbhiibhwi haangʼë ërë ukuhika.’ Kasi bhëënyu motakaasha okobhasoorana.

Yohana 13:19

Mbatëëbhëri amangʼana ghayö ghataraaikora, okore hano ghariikora, momanye igha, ‘Öni nö-Öni.’

Yohana 3:18

Ku bhuyö ömöntö ono araakumi Omoona uwa Waryobha, Waryobha tamobhotorre ikiina hë. Kasi ömöntö ono ataakumi, uyö yaamara okobhotorrwa ikiina, ko bhoora atakukumya Omoona umumwëmwë uwa Waryobha.

Yohana 3:36

Ömöntö ono akukumya Omoona uwa Waryobha, uyö naana öbhöhöru ubhwa amakora ghonswe igho. Kasi ono akumwanga, taana öbhöhöru ubhwa amakora ghonswe igho hë, kora okorerra ukwa Waryobha nkoraaghëndërri okobha kö-möntö uyö.

Yohana 4:26

Yëësu akamohonshora igha, “Öni, ono nkushumaasha na uwe, nö-öni Kiristo.”

Yohana 8:21

Mbe, ghwiki Yëësu akatëëbhya Abhafarisaayo bhayö igha, “Öni nkughya ndë, murintuna, kasi timuriinnyoora hë. Bhëënyu moraakwe ko okoghera iya ëbhëbhë bhyënyu. Ahasë hano nkughya, bhëënyu temotore ukuhika-yo hë.”

Yohana 8:25

Mbe bhakabhöörya Yëësu igha, “Tötëëbhi uwe nu-uwe wë?” Yëësu akabhahonshora igha, “Ukurwa okosemoka hano naasimiri ukwëghya, naabhatëëbhëri igha, nö-öni wë.

Yohana 8:28

Mbe Yëësu akakangʼasërrya igha, “Hano muririinia Omoona uwa Ömöntö okore mumwite, hayö bhoono ho moremanya igha ‘Öni nö-öni Omoona uwa ömöntö.’ Ghwiki ho moremanya igha ghonswe igho ghano nkokora, tenkokora kya bhono öni umwene nkutuna hë, kasi nkoghamba ndë ghano Taata yaanyëghya.

Yohana 8:58

Yëësu akabhahonshora igha, “No-bhoheene nkobhatëëbhya igha, kora Ibhurahimu hano yaarenga atareebhorwa, öni ho naarenga.”

Amangʼana agha Abhatomwa 4:12

“Öbhöhönia nku-Yëësu Kiristo umwene igho bhokotooka! Mu-kyaro kyonswe igho, taaho ömöntö ono Waryobha yaahaana ubhwera ubhwa ökötöhönia, kasi n-Yëësu Kiristo umwene igho!”

Abhaëbhuraania 12:25

Mwangarre motakaanga omoghambi. Abhaisiraëri tebhaaibhashirë ubhushibhu hano bhaangirë ono yaabhakaanianga ko-kebhara kono. Bhoono bhëëtö bho, ntohona hano toraange ukwighwera uyö akotokaania ukurwa mu-ryobha iyö?

Abhaëbhuraania 2:3

Mbe, bhëëtö bho hano toraasere öbhötöörya obhonene kya bhono, iyakë toraakore tohone? Öbhötöörya bhuyö, ekembere mbwaaraarëkirwë na Omonene Yëësu, ghwiki bhokakangʼasërribhwa kö-bhëëtö na bhano bhaamwighuurë.