Yohana 8:20 - Imuuma Eehya

²⁰ Yëësu yaaghambirë ghayö ghonswe igho enkaagha eno yëëghyanga mu-risengerro, ahasë hano bhaatooranga amasandeko agha seehera. Kasi tiyaare-ho ömöntö ono yaamöghöötirë ko bhoora waanyöörrë enkaagha iyaaye etaraahika.

Yohana 8:20 ပူးပေါင်းရင်းမြစ်များ

Mataayo 26:55

Mbe, Yëësu akatëëbhya rikomo irya abhantö riyö igha, “Bhoono mwishirë okongoota moona imishonge na sirungu okanya igha m-mogharanshöri uwa eserekaare ndë? Ndarra sinsikö syonswe igho naaikaranga hamwë na bhëënyu, ndëëghya abhantö mo-bhogho ubhwa risengerro irya Waryobha temwakaangöötirë hë.

Mataayo 27:6

Abhanene abha abhasëngëri bhakabhoosha seehera seera. Bhakaghamba igha, “Ti-bhuuya ukwishooghania seehera seno na emongo ëhörëëru iya mwi-sengerro mono, ko bhoora n-seehera isya amaanyinga.”

Maariko 12:41

Yëësu akaikara mu-risengerro irya Waryobha, haangʼë na ëkëntö ikya okotoora-mo esadaaka. Yaamaherranga bhono abhantö abhaaru bhaatooranga sesadaaka mö-këntö kiyö. Abhaamë abhaaru bhaaruusyanga seehera sinsharu.

Maariko 12:43

Hano Yëësu yaarööshë ghayö, akabherekera abheegha abhaaye, akabhatëëbhya igha, “No-bhoheene nkobhatëëbhya igha, umusinö ömötöbhu ono, aruusiri ekerengere ekenene okokera abhandë bhayö bhonswe igho.

Ruuka 20:19

Abhëëghya abha amaraghërryö agha Mosa, na abhanene abha abhasëngëri, bhakamanya igha, m-bo arëngëëyi ëkërëngyö kiyö igha, m-barëmi abhaghogho! Bhakarerra bhököngʼu, bhakatuna bhamoghootere-ho, kasi bhakoobhoha abhantö.

Ruuka 21:1

Enkaagha iyö waanyöörrë Yëësu akërëngë mo-bhogho ubhwa risengerro, yaarööshë abhaamë bharatoora sesadaaka isyabho mö-këntö ikya okotoora-mo esadaaka.

Yohana 10:39

Mbe, hano Abhayahudi bhayö bhaaighuurë amangʼana ghayö, ghwiki bhakatuna igha bhamoghoote, kasi Yëësu akaterroka mo-mabhoko aghaabho.

Yohana 2:4

Yëësu akahonshora nyakuwaabho igha, “Kanaa nkë këkötönëri Nyakörö. Enkaagha iyaane yo etaraabha.”

Yohana 7:14

Hano sinsikö isya inyangi syaahikirë ghatëghatë, Yëësu akaghya, akasoha kö-bhööri ubhwa risengerro, akasimya ukwëghya abhantö.

Yohana 7:30

Ku bhuyö bhakatuna igha bhamoghoote, kasi taaho ömöntö ono yaamöghöötirë hë, ko bhoora enkaagha iyaaye, tiyaarenga eraahika hë.

Yohana 7:44

Abhandë bhakatuna igha bhamoghoote, kasi tiyaare-ho ömöntö ono yaamöghöötirë hë.

Yohana 7:8

Mutiire bhëënyu abheene ukughya Yërusarëëmu ku-nyangi. Öni tinkughya ku-nyangi iyö hë, ko bhoora enkaagha iyaane teraabha hë.”

Yohana 8:2

Hano bhwaakëëyë, Yëësu akaghya ghwiki akasoha kö-bhööri ubhwa risengerro. Abhantö bhonswe igho bhakaghya ko-we, mbe akaikara, akasimya ököbhëëghya.

Yohana 8:59

Hano Abhayahudi bhaaighuurë ghayö, bhakabhoosha amaghena, okore bhamoteme bhamwite, kasi Yëësu akaibhisa, akatanora ukurwa kö-bhööri ubhwa risengerro.