Yohana 8:2 - Imuuma Eehya

² Hano bhwaakëëyë, Yëësu akaghya ghwiki akasoha kö-bhööri ubhwa risengerro. Abhantö bhonswe igho bhakaghya ko-we, mbe akaikara, akasimya ököbhëëghya.

Yohana 8:2 ပူးပေါင်းရင်းမြစ်များ

Mataayo 26:55

Mbe, Yëësu akatëëbhya rikomo irya abhantö riyö igha, “Bhoono mwishirë okongoota moona imishonge na sirungu okanya igha m-mogharanshöri uwa eserekaare ndë? Ndarra sinsikö syonswe igho naaikaranga hamwë na bhëënyu, ndëëghya abhantö mo-bhogho ubhwa risengerro irya Waryobha temwakaangöötirë hë.

Ruuka 21:37

Ku-sinsikö siyö syonswe igho, Yëësu yëëghyanga abhantö mo-bhogho ubhwa risengerro irya Waryobha omobhasö. Hano bhutikö bhwaahikanga, yaaghyanga okoraara mu-nguku iya Ëmëzëituuni.

Ruuka 21:38

Mbe, ku-sinsikö syonswe igho siyö, abhantö bhonswe igho mbaamutanga nyinkyo shiri, ukughya mo-bhogho ubhwa risengerro irya Waryobha, okore bhamwitegherre.

Ruuka 4:20

Hano yaahëkëëyë hayö, akakundikirya eketabho, akakikyörya kö-mököri uwa emeremo, akaikara, okore abhëëghi. Abhantö bhonswe igho bhano bhaarë mu-nyumba iya esango iya Abhayahudi, bhakamomaaherra.

Ruuka 5:3

Amaato ghano ghaarë hayö, ubhwöndë nu-bhwa Simööni bhwaarë, mbwo Yëësu yaariinirë-mo. Akatëëbhya Simööni igha, abhuhuni ukurwa ko-morambo hayö, bhoghende bhuribha hake igho. Mbe, Yëësu akëëghya abhantö, aikaayë mu-bhwato muyö.

Yohana 4:34

Yëësu akabhahonshora igha, “Ibhyakorya ibhyane no-kokora bhono ono yaantömirë akutuna igha nkore, kora mmarërri emeremo ighyaye.

Yohana 8:20

Yëësu yaaghambirë ghayö ghonswe igho enkaagha eno yëëghyanga mu-risengerro, ahasë hano bhaatooranga amasandeko agha seehera. Kasi tiyaare-ho ömöntö ono yaamöghöötirë ko bhoora waanyöörrë enkaagha iyaaye etaraahika.

Yohana 8:3

Abhëëghya abha amaraghërryö agha Mosa na Abhafarisaayo, bhakamoherra omokari ono yaaghöötirwë arakora obhosooraare, bhakamotoora ghatëghatë iya rikomo irya abhantö.

Amangʼana agha Abhatomwa 5:21

Ku bhuyö abhatomwa bhayö, bhakamwighwera, bhakamuta nyinkyo shiri, ukughya mo-bhogho ubhwa risengerro irya Waryobha, bhakasimya ukwëghya abhantö. Enkaagha iyöiyö, omonene uwa abhasëngëri hamwë na bharikyaye bhaara, bhakabherekera abhanene bhonswe igho abha Abhaisiraëri, okore bhasikane mo-bharasa enene. Bhakatoma abharëndi mu-nyumba iya ekebhohe, bhareete abhatomwa bhaara.