Yohana 8:19 - Imuuma Eehya

¹⁹ Mbe, Abhafarisaayo bhakabhöörya Yëësu igha, “Kasi, Suwëënyu hai arëngë?” Yëësu akabhahonshora igha, “Öni temommanyirë hë, kora Taata temomomanyirë hë. Mokaammanyirë öni, Taata wonswe mokaamomanyirë.”

Yohana 8:19 ပူးပေါင်းရင်းမြစ်များ

Mataayo 11:25

Ko-nkaagha iyöiyö, Yëësu akaghamba igha, “Uwe Taata, nu-uwe nkukumya Omonene uwa kera ëkëntö mu-ryobha iyö na ko-kebhara kono. Ko bhoora amangʼana aghaaho ghano, waabhisa abhantö abhangʼaini na bhano bhaasoma, kasi okahonyorra abhantö bhano bhaana umukumo ku-uwe kya abhaana abhake.

Yohana 1:10

Uyö we yaarë ko-kebhara kono, kora ekebhara nkyaabhömbirwë okohetera ku-uyö, kasi abhantö tebhaamomanyërrëëyi hë.

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Yohana 15:21

Kasi bharebhakorra ghayö ghonswe igho, ko bhoora igha, m-basoorani abhaane mörë. Kora ghwiki n-ko okoghera iya bhoora bhatamanyirë ono yaantoma.

Yohana 16:3

Mbaraabhakorre ghayö, ko bhoora bhatamanyirë Taata, na kora öni wonswe tebhammanyirë hë.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Yohana 7:28

Hano Yëësu yëëghyanga kö-bhööri ubhwa risengerro, akakonga araghamba harabhurabhu igho igha, “No-bhoheene igha mommanyirë, na iyö nkurwa mohamanyirë. Momanye igha, tenaasha hano ku ubhwera ubhwane umwene hë, kasi ono yaantoma, nu-uwa obhoheene, kora bhëënyu temomomanyirë hë.

1 Abhakörintö 15:34

Mokore amangʼana kwa bhongʼaini, motakaakora ëbhëbhë, ko bhoora abhantö abhandë tebhamanyirë Waryobha hë. Nkoghamba ndë amangʼana ghayö okore mbasöökërri.

Abhagharatia 4:9

Kasi bhoono igho, momanyirë Waryobha, umwene wonswe nabhamanyirë bhököngʼu. Mbe, bhoono N-kwakë mukutuna ukukyorra okoghoota amangʼana agha kare ghaara agha amasambwa ghano ghakotonga ekebhara keno? Amasambwa ghayö, teghaana ubhwera bhobhonswe bhoora hë. Kasi ghwiki nkutuna mörë mobhe abhaghorwa abha amangʼana ghayö?

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

Abhakorosaai 1:10

Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Abhakorosaai 1:15

Kiristo nkwörökya arë harabhu igho, bhono Waryobha arë, nokaanyoora igha, takomaahekana hë. Kiristo uyö we omoona omotangi ono aana ubhwera kö-bhëntö bhyonswe igho.

Abhaëbhuraania 1:3

Uyö we emerengaari ighya ubhuhika ubhwa Waryobha. Kora we ituubho iya heene iya bhono Waryobha arë. We akoghera ëbhëntö bhyonswe igho bheraghëndërrya okobha kya igho bhërë, ko okohetera engʼana iyaaye iya obhotoro. Yaatosaabhuura ëbhëbhë ibhyëtö, akaghya mu-ryobha, akaikara bhoryo ubhwa Waryobha uwa obhotoro, ahasë hano hasookwa bhököngʼu.

1 Yohana 2:23

Ömöntö ono akwanga Omoona uwa Waryobha, uyö taana öbhömwë na Taata Waryobha hë. Kasi, ono akwikërrya Omoona uyö ko-bhantö, uyö naana öbhömwë na Taata Waryobha.

1 Yohana 5:20

Ghwiki ntomanyirë igha, Omoona uwa Waryobha yaamara ukuusha ko-kebhara kono, yaatohaana obhongʼaini ubhwa okomanya Waryobha ubhwa heene. Ntoona öbhömwë na Waryobha uwa heene, ko okohetera kö-bhömwë ubhwëtö na Yëësu Kiristo Omoona uwaaye. Yëësu Kiristo uyö, we Waryobha uwa heene, na uwa öbhöhöru ubhwa amakora ghonswe igho.

2 Yohana 1:9

Ömöntö wowonswe igho ono atakoghoota amëëghyö agha Yëësu Kiristo, kora ghwiki igha nkoghasyörya arë, uyö taana öbhömwë na Waryobha hë. Kasi ömöntö ono aköghëndërrya okoghoota amëëghyö agha Yëësu Kiristo, uyö naana öbhömwë na bhonswe igho, Taata Waryobha, na Omoona uwa Waryobha.