Yohana 8:17 - Imuuma Eehya

¹⁷ Mo-maraghërryö aghëënyu yandëkirwë igha, ubhwimërërri ubhwa abhantö bhabhërë bhoraitengʼerwa okobha ubhwa heene.

Yohana 8:17 ပူးပေါင်းရင်းမြစ်များ

Mataayo 18:16

Kasi hano araange kukwighwera, ghegha ömöntö uwöndë, mobhe bhabhërë handë bhatatö, okore ebhe kya bhono Amaandeko ghakoghamba igha, ‘Kera engʼana iya obhosarya, ni-igha yemererrwe na abhantö abhabhërë handë abhatatö, abha ukwitegherra ikiina kiyö.’

Yohana 10:34

Yëësu akabhahonshora igha, “Kasi, netaandekwa mo-bhetabho ibhyënyu igha Waryobha yaaghambirë igha, ‘Bhëënyu m-bawaryobha mörë?’

Yohana 15:25

Amangʼana ghayö ghaabhaayë igho, okore ghahekerane Amaandeko Amahörëëru ghano ghakoghamba igha, ‘Bhaandëghirë bhosa igho.’

2 Abhakörintö 13:1

Oroghendo rono nu-urwa katatö, öni ukuusha kö-bhëënyu iyö. Amaandeko Amahörëëru gharaghamba igha, “Kera engʼana iya obhosarya, ni-igha yemererrwe na abhantö abhabhërë handë abhatatö, abha ukwitegherra ikiina kiyö.”

Abhagharatia 3:24

Mbe amaraghërryö ghayö ghaatotangata na ukututugha kya umutughi, okohekera hano Kiristo yaaishirë. Ku bhuyö ko okohetera ku umukumo, tobharwe mö-bhöntö ubhwa heene.

Abhagharatia 4:21

Möntëëbhi, bhëënyu bhano mukutuna mobhe abhaghorwa abha amaraghërryö agha Mosa, kasi momanyirë bhono amaraghërryö ghakoghamba?

Abhaëbhuraania 10:28

Ömöntö ono yaaseranga amaraghërryö agha Mosa, yaakwanga igho ikyabhera ketaaho, hano abhaimërërri abhabhërë handë abhatatö bharaaghambe igha m-maheene ghayö ghakoghambwa kö-möntö uyö.

1 Yohana 5:9

Ghwiki ghaaho amangʼana atatö ghano ghakwimererra ko-kebhara kono,] Umwika, amanshë, na amaanyinga, atatö ghayö ghonswe igho, ngo ghakwikererrania ko-kebhara kono. Nyoore torakumya ubhwimërërri ubhwa abhantö, ubhwimërërri ubhwa Waryobha, mboona ubhurito bhököngʼu, ko bhoora bhuyö, mbo obhoheene bhono Waryobha yaatoora-ho, ko mangʼana agha Omoona uwaaye.

Okohonyora 11:3

Nendaatome abhaimërërri abhaane bhabhërë, bhano ndaahaane obhotoro ubhwa okokora öbhörööti sinsikö ëkëkwë ëkëmwë amaghana abhërë na merongo esansabha. Abhaimërërri bhayö, nurinyoora bhaibhöhirë singibho isya amaghonera, ukwörökya igha bhasorombaayë.” Sinsikö siyö, nsengʼana kya imyëri merongo ene na ibhërë.