Yohana 8:12 - Imuuma Eehya

¹² Mbe, Yëësu akaghëndërrya okoghamba ghwiki na rikomo reera igha, “Öni nö-öni obhorabhu ubhwa ekebhara. Ömöntö wowonswe igho ono akonsoorana, takoghenda mu-kisuntë kora hake hë, kasi naraabhe na obhorabhu bhono bhokomotangata mö-bhöhöru ubhwa amakora ghonswe igho.”

Yohana 8:12 ပူးပေါင်းရင်းမြစ်များ

Mataayo 5:14

“Bhëënyu n-kya obhorabhu ko-bhantö abha ko-kebhara kono. Umughi ghono ghohaghaashirwë ku-nguku, tighukwibhisa hë.

Ruuka 2:32

Öbhötöörya bhuyö, mbwo obhorabhu bhono bhoraamorekere Abhakyaro, bhamanye. Na ghwiki, abhantö abhaaho Abhaisiraëri bhanyoore emerengaari, gheno gheraaghere bhatöönibhwi.”

Yohana 12:35

Yëësu akabhatëëbhya igha, “Obhorabhu mbökërëngë hamwë na bhëënyu ku-ribhagha ike igho. Möghëndërri okoghenda mo-merengaari ighya obhorabhu bhuyö, okore ikisuntë ketakaasha okobhakera, ko bhoora ömöntö ono akoghenda mu-kisuntë, tamanyirë ahasë akughya hë.

Yohana 12:36

Ko-nkaagha eno obhorabhu bhökërëngë ko-kebhara kono, mubhukumi, okore mobhe abhaana abha obhorabhu.” Hano Yëësu yaamarrë okoghamba amangʼana ghayö, akaghya ukwibhisa.

Yohana 12:46

Öni naasha igha mbe obhorabhu ko-kebhara kono, okore kera ömöntö ono akunkumya atakaikara mu-kisuntë.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 3:19

Okobhotora ikiina nkörëngë igha, obhorabhu bhwaasha ko-kebhara kono, kasi abhantö bhakahansha ikisuntë okokera obhorabhu, ko bhoora amangʼana aghaabho m-maghogho.

Yohana 7:17

Ömöntö wowonswe igho ono akutuna okokora bhono Waryobha akutuna, uyö naraamanye igha, amëëghyö ghano nku-Waryobha ghaarwa. Kora ghwiki naraamanye igha, tenkoghamba ku ubhwera ubhwane umwene hë.

Yohana 9:5

Hano nkeeho ko-kebhara kono, öni no-bhorabhu ndë ko-bhantö bhonswe igho.”

Amangʼana agha Abhatomwa 13:47

Ko bhoora Omonene Waryobha yaatoraghërrëëyi igha, ‘Öni naakotoora-ho obhe obhorabhu ko-Bhakyaro, obhe Ömöhönia uwa abhantö ko-kebhara kyonswe igho.’”

Amangʼana agha Abhatomwa 26:23

igha Kiristo nakaatëësirwë, atangate ukuryoka ukurwa mo-bhaku, okore araareke amangʼana agha Obhokama ubhwa Waryobha ko-Bhayahudi na ko-Bhakyaro.”

2 Peetero 2:17

Abhantö bhayö n-kya ibhisima bheno bhetaana amanshë, n-kya indumbë eno ikuhuushwa na ikighumbë. Ahasë aha ikisuntë ekenene ho Waryobha yaabhasëëmërya.

2 Peetero 2:4

Abhamaraika bhano bhaakörrë ëbhëbhë, Waryobha tiyaabhatighirë hë. Kasi yaabhatabhutirë mu-kyaro ikya abhaku, bhakabhohwa-mo na ebheraangʼani mu-kisuntë. Mu-kyaro ikya abhaku muyö, mo bhakoghanyera urusikö urwa okobhotorrwa ikiina.

1 Yohana 1:6

Ku bhuyö hano toraaghambe igha ntoona öbhömwë na Waryobha, eno toraghëndërrya okomenya mu-kisuntë ikya obhoghogho, hayö nkorongoha törë. Ghwiki hayö noraanyoore tutighirë okokora amangʼana agha obhoheene.

Yuuda 1:13

Tebhakwirebherra hë. Bhaabha kya amayengo amanene agha ku-nyansha. Amangʼana aghaabho agha sënsöni ghano bhakokora, gharomaana kya rihuro irya amayengo. N-kya sinyota seno sikwinaaranaara igho, kora teseena ubhwera hë. Waryobha yaabhatoorra-ho emongo iyaabho, ahasë aha ikisuntë ekenene amakora ghonswe igho.

Yuuda 1:6

Muhiitoke igha, kora abhamaraika bhano bhataanaghëri ibhyeo ibhyabho, bhakatigha ahasë ahaabho aha okomenya, Waryobha yabhabhoha na ebheraangʼani mu-kisuntë. Nkoghanya bharë urusikö oronene roora, urwa okobhotorrwa ikiina.

Okohonyora 21:24

Abhantö abha ibhyaro bhyonswe igho, mbariikara mo-bhorabhu ubhwa emerengaari ighya umughi ghuyö, na abhakama abha ko-kebhara mbarihira-mo ëbhëntö ibhyabho ibhya öbhöghöri.