Yohana 7:39 - Imuuma Eehya

³⁹ Yëësu yaaghambirë amangʼana ghayö ku ukushumaashera Umwika Ömöhörëëru, ono bharehaanwa abhantö bhonswe igho bhano bhakukumya Yëësu. Enkaagha iyö, waanyöörrë Waryobha ataraatoma Umwika uwaaye ko-obho, ko bhoora tuwaanyöörrë Waryobha arahaana Yëësu ubhuhika hë.

Yohana 7:39 ပူးပေါင်းရင်းမြစ်များ

Mataayo 16:14

Bho bhakamohonshora igha, “Abhandë bharaghamba igha, nu-uwe Yohana Omobhatiisya, abhandë igha, ömörööti Ëriya, abhandë igha, ömörööti Yeremia, handë igha, nö-mörööti nyabhorebhe mo-bharööti abha Waryobha abha kare.”

Mataayo 21:11

Rikomo reera rekabhahonshora igha, “Ono nö-mörööti Yëësu, uwa Nazarëëti iya mo-mokowa ughwa Ghariraaya.”

Ruuka 24:49

“Taata yaamara okobharaghania, na bhoono nendaabhareetere ekeraghanio ikyaye. Kasi mwikare Yërusarëëmu mono, okohekera hano murinyoora obhotoro ubhwa Umwika Ömöhörëëru ukurwa mu-ryobha ono Taata yaaraghaini.”

Ruuka 3:16

Yohana akabhahonshora igha, “Öni na-manshë nkobhabhatiisirya, kasi araasha ömöntö ono aana obhotoro konkera, kora öni tiningʼarëëyi okotashora siinuugha isya ebheraatö ibhyaye hë. Uyö narebhabhatiisya ku-Mwika Ömöhörëëru na omorro.

Ruuka 7:16

Abhantö bhayö bhonswe igho bhakabha na entarëki bhököngʼu. Bhakasimya ökötöönia Waryobha bharaghamba igha, “Ömörööti omonene yaibhökëëyë mö-bhëëtö mono!” Bhakaghamba igha, “Waryobha atotaarëëyë na ökökötöörrya abhantö abhaaye!”

Yohana 1:21

Mbe, bhakamöbhöörya ghwiki igha, “Bhoono nu-uwe wë? Nu-uwe ömörööti Ëriya?” Akabhahonshora igha, “A a, tö-öni Ëriya hë.” Bho bhakabhöörya ghwiki igha, “Nu-uwe ömörööti oora tokoghanya ukurwa ku-Waryobha?” Yohana akabhahonshora igha, “A a, tö-öni hë.”

Yohana 1:25

Mbe, bhakabhöörya Yohana igha, “Nyoore otarëngë Kiristo, handë ömörööti Ëriya, handë ömörööti oora tokoghanya ukurwa ku-Waryobha, n-kwakë okobhatiisya?”

Yohana 1:33

Öni tenaamomanyirë hë, kasi Waryobha ono yaantömirë okobhatiisya, we yaantëëbhëri igha, ‘Ömöntö ono oraamaahe Umwika uwaane aramwitoomera na ukumwikarra, omanye igha, uyö we akobhatiisya abhantö ku-Mwika Ömöhörëëru.’ ”

Yohana 12:16

Enkaagha iyö, abheegha abha Yëësu tebhaamanyërrëëyi ghayö hë. Kasi hano Yëësu yaaryökirë, ho bhaahiitirë igha, ghayö ngaandëkirwë, na ni-igho bhaamökörëëyë.

Yohana 12:23

Yëësu akabhahonshora igha, “Enkaagha ihikirë iya Omoona uwa Ömöntö okohaanwa ubhuhika.

Yohana 14:13

Ëkëntö kyokyonse keno moraasabhe okohetera iriina iryane, nendaabhakorre, okore Taata atöönibhwi okohetera ko-Moona uwaaye.

Yohana 14:26

Kasi Ömötöörrya uyö, Umwika Ömöhörëëru uyö, ono Taata araatome kö-bhëënyu okohetera ku iriina iryane, naraabhëëghi ghonswe igho, kora abhahiitöki ghonswe igho ghano naabhatëëbhëri.

Yohana 16:14

Umwika uyö, narëbhööryökya ubhuhika ubhwane, ko bhoora arebhatëëbhya ghano arinyooranga ukurwa ku-öni.

Yohana 16:7

“Nkobhatëëbhya ndë obhoheene igha, m-buuya kö-bhëënyu hano öni ndaaghi ko-Taata, kasi hano ntaaghi-yo, Ömötöörrya oora naabhatëëbhëri taashe hë. Kasi hano ndaaghi, nendaamotome aashe kö-bhëënyu.

Yohana 17:1

Hano Yëësu yaamarrë okoghamba amangʼana ghayö ghonswe igho, akagharamera mu-ryobha, akasaasaama igha, “Bhoono Taata enkaagha ihikirë. Örökya abhantö ubhuhika ubhwa Omoona uwaaho, okore na öni Omoona uwaaho, nöröki abhantö ubhuhika ubhwaho kya igho bhörë.

Yohana 17:5

Bhoono Taata, ndasabha wöröki abhantö ubhuhika ubhwane bhono naarenabho, enkaagha eno twaarë hamwë, kora ekebhara keno ketaraabhombwa.

Yohana 20:22

Mbe, hano yaamarrë okoghamba ghayö, akabhahuuha, akabhatëëbhya igha, “Mogheghe Umwika Ömöhörëëru.

Yohana 6:14

Hano abhantö bhayö bhaarööshë rikono irya ekemanyërryö kiyö Yëësu yaakörrë, bhakaghamba igha, “Obhoheene ömöntö ono, nö-mörööti uwa Waryobha, ono twaitengʼeranga igha, naraashe ko-kebhara kono.”

Yohana 7:12

Abhantö abhaaru bhakabha bharanyeerana senkaani ko okoghera iya Yëësu. Abhandë bhakaghamba igha, Yëësu m-möntö uwa heene, kasi abhandë bhakaghamba igha, ti-igho hë, kasi na-bhantö akongʼaina.

Yohana 8:54

Yëësu akabhahonshora igha, “Hano ndaaikumi öni umwene, ukwikumya ukwane tekoona ubhwera bhwobhwonswe igho hë. Kasi Taata, ono bhëënyu mokoghamba n-Waryobha uwëënyu, we akunkumya.

Amangʼana agha Abhatomwa 19:2

Akabhabhöörya igha, “Hano mwaakumiri Yëësu, mwaanyöörrë Umwika Ömöhörëëru?” Bhakamohonshora igha, “A a, kora tetwakaighuurë igha aaho hë.”

Amangʼana agha Abhatomwa 2:17

‘Nendehomerra abhantö bhonswe igho Umwika uwaane, ko-senkaagha isya umuhiko. Abhaana abhëënyu abha ikishaasha, na abha ikiisëkë, bhareekora öbhörööti, abhamura abhahiku, mbaremaaha amamaaho, na abhaghaaka, bharerootanga ebherooto.

Amangʼana agha Abhatomwa 2:33

Waryobha amuriiniri, amökörrë omonene, kora amötöörrë bhoryo ubhwaye. Na Taata Waryobha, akörrë kya bhoora yaaraghaini igha, akaahaayë Yëësu Umwika Ömöhörëëru ko okoghera iya bhëëtö. Ku bhuyö Yëësu atöhömërrëëyë Umwika Ömöhörëëru. Kiyö bhoono nkyo bhëënyu mukwighwa, na ukwimaahera bhëënyu abheene.

Amangʼana agha Abhatomwa 2:38

Peetero akabhatëëbhya igha, “Kera ömöntö mö-bhëënyu muyö, ahongore ëbhëbhë ibhyaye, abhatiisibhwi ku iriina irya Yëësu Kiristo, okore aabherwe, ahaanwe ituho eno ërëngë igha, nu-Mwika Ömöhörëëru.

Amangʼana agha Abhatomwa 2:4

Abhantö bhayö bhonswe igho, bhakaishöribhwa Umwika Ömöhörëëru, bhakasimya okoghamba ebheghambo ebhehya, kya bhono Umwika Ömöhörëëru yaabhahaayë obhotoro bhuyö.

Amangʼana agha Abhatomwa 3:13

Ti-igho hë! Waryobha uwa abhakörö abhëëtö, Ibhurahimu, Isaaka, na Yaakobho, we atöönëri Yëësu, ömököri uwaaye uwa emeremo, Yëësu uyö, we amuhwënëri. Mbe, Yëësu uyö, we oora mwaahirrë igha abhotorrwe ikiina ikya ukwitwa! Kora hano Piraato yaatunirë igha amohaatere, bhëënyu mokaanga,

Amangʼana agha Abhatomwa 4:31

Hano bhaamarrë okosaasaama Waryobha, inyumba eno bhaarenga bhaikomaini-mo, ekasingisa. Bhakaishöribhwa Umwika Ömöhörëëru bhonswe igho, bhakaghëndërrya ukwëghya abhantö engʼana iya Waryobha ko bhokarë.

Abharuumi 8:9

Kasi bhoono bhëënyu, temokotongwa na esemoko iya öbhököri ubhwa ëbhëbhë hë, nu-Mwika uwa Waryobha ono amënyirë mo-senkoro isyënyu, we akobhatangata. Momanye igha, ömöntö wowonswe ono ataana Umwika uwa Yëësu Kiristo mo-nkoro iyaaye, uyö te-mosoorani uwa heene uwa Yëësu Kiristo hë.

2 Abhakörintö 3:8

bhoono momanye igha, emeremo ighya Umwika uwa Waryobha, ngeraabhe na ubhuhika obhonene bhököngʼu.

Abhaëfësö 4:30

Motakaaghera Umwika Ömöhörëëru abhaabhayere, ko bhoora Umwika Ömöhörëëru uyö, we umuhuri ghono Waryobha yaabhatoorra-ko ukwörökya igha m-bantö abhaaye mörë. Uyö we ekemanyërryö igha, rooho urusikö rono Waryobha arebhatungurya këmwë.