Yohana 7:37 - Imuuma Eehya

³⁷ Urusikö urwa okomarërrya inyangi iyö, ndu-sikö oronene rwaabhanga. Mbe, Yëësu akemerra kö-bhööri ubhwa risengerro, akaghamba bhököngʼu igha, “Ömöntö ono araaighwe inyonta, aashe ku-öni, anywe amanshë.

Yohana 7:37 ပူးပေါင်းရင်းမြစ်များ

Mataayo 11:28

“Muushe ku-öni bhëënyu bhonswe igho bhano mukunyankibhwa na ukuritoherwa na imirigho imirito, mbamuunyi.

Mataayo 3:3

Yohana uyö no-oora yaaröötirwë na ömörööti Isaaya igha, “Ömöntö arakonga ku-riköngö iyö igha, ‘Mösëëmëri Omonene Waryobha enshera, mokore bhuuya, ahasë hano araahete.’”

Mataayo 5:6

Nyakara bhano bhaana umweko bheena inyonta iya okokora bhono Waryobha akutuna, ko bhoora Waryobha narebhaighötya.

Yohana 1:23

Yohana akabhahonshora ko okorengʼaana na amangʼana agha ömörööti Isaaya ghano yaaghambirë igha, “Öni no-oora ‘akokonga ku-riköngö iyö igha, “Mösëëmëri Omonene Waryobha enshera, mokore bhuuya, ahasë hano araahete! ”’”

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 4:10

Yëësu akamohonshora igha, “Singa omanyirë ituho iya Waryobha, na igha n-nawë ono akökötëëbhya igha, ‘Ngʼaana amanshë nnywe,’ nokaamosabhirë, na umwene nakaakohaayë amanshë agha öbhöhöru.”

Yohana 4:11

Omokari uyö akahonshora Yëësu igha, “Omonene, uwe toona eketahero hë, na ikisima n-ketambë, hai oraanyoore amanshë agha öbhöhöru?

Yohana 4:14

Kasi ömöntö ono araanywe amanshë ghano ndaamohaane, uyö tariighwa ghwiki inyonta hë. Ko bhoora amanshë ghano ndaamohaane, ngaraabhe kya eseeka iya amanshë, mö-möntö uyö. Eseeka iyö, neraashorooshenga öbhöhöru ubhwa amakora ghonswe igho.”

Yohana 5:40

Kora timukutuna muushe ku-öni, okore mbahaane öbhöhöru ubhwa amakora ghonswe igho.

Yohana 6:35

Yëësu akabhahonshora igha, “Öni nö-öni ibhyakorya bheno bhekohaana abhantö öbhöhöru. Ömöntö wowonswe igho ono akuusha ku-öni, na ukunkumya, tariighwa röndë umweko hë. Ghwiki tariighwa inyonta kora hake hë.

Yohana 6:37

Abhantö bhonswe igho bhano Taata akongʼaana, mbaraashe ku-öni. Umukumya ono akuusha ku-öni, tinkumwanga hë.

Yohana 6:55

Ko bhoora ömöbhërë ughwane, ngo ibhyakorya ibhya obhoheene, na amaanyinga aghaane, ngo ikinywebhwa ikya heene.

Yohana 7:28

Hano Yëësu yëëghyanga kö-bhööri ubhwa risengerro, akakonga araghamba harabhurabhu igho igha, “No-bhoheene igha mommanyirë, na iyö nkurwa mohamanyirë. Momanye igha, tenaasha hano ku ubhwera ubhwane umwene hë, kasi ono yaantoma, nu-uwa obhoheene, kora bhëënyu temomomanyirë hë.

1 Abhakörintö 10:21

Temotore okosanga ko-meeza iya Omonene uwëëtö, na eno morasanga ko-meeza iya amasambwa.

1 Abhakörintö 10:4

Ghwiki bhonswe igho bhakanywa amanshë ghaaraghaara, ghano ghaaruurë ku-Waryobha. Ko bhoora amanshë ghano bhaanyööyë, n-gano ghaarwanga ku-ritare reno ryaabhasoorananga. Ritare riyö, n-Kiristo yaarë.

1 Abhakörintö 11:25

Hano bhaamarrë okorya, akaghegha ekekombe ikya idivai, akakora kya bhoorabhoora, akaghamba igha, “Ekekombe keno kereemererra Imuuma Eehya eno Waryobha arekora okohetera ko-maanyinga aghaane. Mokorenga igho, ko okoheetoka.”

1 Abhakörintö 12:13

Nkoghamba ndë igho, ko bhoora igha, bhëëtö bhonswe igho, ntokaabha Abhayahudi handë igha Abhakyaro, ntokaabha abhaghorwa handë igha abhatöönööni, ntwaabhatiisiibhwi ku-Mwika Ömöhörëëru uyöuyö, tokanyoora Umwika Ömöhörëëru uyöuyö, okore tobhe ömöbhërë öghömwë.

Abhaëfësö 5:18

Motakaaghootwa na amarwa, ko bhoora okoghootwa na amarwa nkoghera körë ömöntö akora amangʼana agha sënsöni. Kasi bhëënyu mutighe Umwika Ömöhörëëru abhatangate ko amangʼana ghonswe igho.

Okohonyora 21:6

Ghwiki akantëëbhya igha, “Ghahekeraini! Öni nö-öni Esemoko na Umuhiko, nö-öni nkosemora amangʼana ghonswe igho na okoghamarërrya. Kera ömöntö ono aana inyonta, nendaamohaane amanshë agha bhosa anywe, ghano ghakurwa mo-bheseekaani ibhya amanshë agha öbhöhöru.

Okohonyora 22:1

Mbe, maraika uyö, akaanyörökya omooro ughwa amanshë agha öbhöhöru, ghono ghwaarabherranga kya ikyowa. Ghwaarweranga mwi-rungu irya ikitumbë ikya ekekama ikya Waryobha na Omoona Ringʼöndi.

Okohonyora 22:17

Umwika Ömöhörëëru uwa Waryobha, na umwenga uwa Omoona Ringʼöndi, nkobherekera bharë Omonene igha, “Nshö!” Na abhantö bhonswe igho bhano bharaaighwe amangʼana ghayö, bhaghambe igha, “Nshö!” Wowonswe ono aana inyonta, ono akutuna amanshë, aashe anywe amanshë agha öbhöhöru bhosa igho.