Yohana 7:35 - Imuuma Eehya

³⁵ Amangʼana ghayö, ghaaghërrë abhatangati abha Abhayahudi bhakateebhania igha, “Ömöntö ono hai araaghi twange ukumunyoora? Kasi, nkutuna arë ukughya ko-Bhayahudi bhano bhaanyaraghana ukughya mu-bhyaro ibhyëndë, na ukwëghya abhantö bhano bhatarë Abhayahudi?

Yohana 7:35 ပူးပေါင်းရင်းမြစ်များ

Mataayo 12:21

Ghwiki we Abhakyaro bharyesegha.”

Ruuka 2:32

Öbhötöörya bhuyö, mbwo obhorabhu bhono bhoraamorekere Abhakyaro, bhamanye. Na ghwiki, abhantö abhaaho Abhaisiraëri bhanyoore emerengaari, gheno gheraaghere bhatöönibhwi.”

Yohana 12:20

Bhaarenga-ho abhantö bhano bhataarë Abhayahudi, mo-bhantö bhano bhaaghëëyë Yërusarëëmu okosaasaama Waryobha ku-nyangi iya Epasaka.

Yohana 7:1

Hano ghayö ghaahööyë, Yëësu akabha arainaaranaara mo-mokowa ughwa Ghariraaya. Tiyaatunirë ainaarenaare Yudea, ko bhoora abhatangati abha Abhayahudi bhaatunanga bhamwite.

Yohana 8:22

Mbe, abhatangati abha Abhayahudi bhakabhoorania igha, kanaa, engamba eno akoghamba igha, “Iyö nkughya, bhëënyu timuhikë-yo hë,” nkutuna arë kwingʼenta?

Amangʼana agha Abhatomwa 11:18

Hano Abhayahudi bhayö bhaaighuurë amangʼana ghayö, bhakakira kiri. Bhakatöönia Waryobha bharaghamba igha, “Waryobha ahaayë Abhakyaro umweya, ughwa okohongora ëbhëbhë ibhyaho, okore bhanyoore öbhöhöru ubhwa amakora ghonswe igho!”

Amangʼana agha Abhatomwa 11:20

Kasi abhakumya abhandë bhano bhaarwërëëyë kwi-ghinga irya Kiipuro, na mu-mughi ughwa Kirene, bho bhaangʼösëëyë Antiökia, abheene mbaaraarëkirë Amangʼana Amaiya agha Omonene Yëësu kora ko bhano bhaashumaashanga Ikiyunaani.

Amangʼana agha Abhatomwa 14:1

Hano Pauro bhaana Bharinaabha bhaahikirë Iköniö, mbaasöhirë mu-nyumba iya esango iya Abhayahudi, kya igho eteemo iyaabho yaarë. Bhakëëghya-mo abhantö amangʼana agha Yëësu ko obhokarë ku bhuyö amëëghyö ghayö ghakaghira Abhayahudi abhaaru na Abhayunaani bhakakumya Yëësu.

Amangʼana agha Abhatomwa 17:4

Amangʼana ghayö Pauro yaaghambirë, Abhayahudi abhandë bhakaghakumya, hamwë na Abhayunaani abhandë abhaaru bhano bhaaighweranga Waryobha. Kora abhakari abhaaru abha ibhyeo, bhakakumya. Abhantö bhayö bhonswe igho, bhakaghootana na bhaabho Pauro na Siira.

Amangʼana agha Abhatomwa 18:4

Pauro akabha arasoha mu-nyumba iya esango iya Abhayahudi kera urusikö urwa Obhotooro, arashumaasha na Abhayahudi hamwë na Abhayunaani.

Amangʼana agha Abhatomwa 21:21

Bhaatëëbhibhwa igha, nkwëghya örë Abhayahudi bhonswe igho bhano bhaikaayë mu-bhyaro ibhya Abhakyaro igha, bhatighe okoghoota amaraghërryö ghayö. Okabhakaania igha bhatakaasaara abhaana abhaabho, handë ököröndërrya seteemo isya Ikiyahudi.

Amangʼana agha Abhatomwa 22:21

“Kasi wonswe akanhonshora igha, ‘Uwe kaghi! Ko bhoora nendaakotome oghende hare iyö ko-Bhakyaro.’ ”

Abharuumi 1:16

Amangʼana Amaiya ghayö, ngo obhotoro ubhwa Waryobha bhono bhököhönia abhantö bhonswe igho, bhano bhakukumya Yëësu. Nkusimirya bhörë ko-Bhayahudi, bhughya igho bhohekeera abhantö bhano bhatarë Abhayahudi. Ku bhuyö öni tenkosooka okoraareka Amangʼana Amaiya ghayö hë.

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

Abhakorosaai 1:27

Bhayö mbo Waryobha yaahanshirë igha abhahonyorre engʼana enene iyö iya ubhuhika eno yaakörrë ko okoghera iya Abhakyaro. Engʼana iya ikibhisirë iyö yo Kiristo ono arëngë mo-senkoro isyënyu, ghwiki we akobhahaana ubhweseghe igha moraasange ubhuhika ubhwa Waryobha.

1 Timoteo 2:7

Kiyö nkyo ikibhuno keno kyaaghërrë Waryobha akaanyahora igha mbe omotomwa na Omoraarëki uwa Amangʼana Amaiya. M-maheene nkobhatëëbhya, tenkorongoha hë. Waryobha yaanyahööyë okobha umwëghya uwa Abhakyaro, okore ndaarekenga amangʼana agha umukumo na obhoheene.

2 Timoteo 1:11

Öni naashaaghorwa mbe omoraarëki, omotomwa, na umwëghya uwa Amangʼana Amaiya ghayö.

Yaakobho 1:1

Nö-öni Yaakobho omoghorwa uwa Waryobha, na uwa Omonene Yëësu Kiristo nandëkirë ritashandighi reno. M-bëënyu nkökëërya abhantö abha amakabhira ikömi na abhërë, bhano mwanyaraghana ko-kebhara kono! Ritashandighi reno m-bëënyu nkwandekera.

1 Peetero 1:1

Ritashandighi reno, nö-öni Peetero omotomwa uwa Yëësu Kiristo ndyandëkirë. M-bëënyu abhaahorwa abha Waryobha nandëkëëyë, bhano mwanyaraghana ukughya okomenya ku-bhyaro ibhya abhandë, mo-mekowa ighya Ponto, Gharatia, Kapadokia, Asia Enke na Bhitinia.