Yohana 7:33 - Imuuma Eehya

³³ Ku bhuyö Yëësu akatëëbhya abhantö bhayö igha, “Nendaabhe na bhëënyu ku-ribhagha ike igho, hayö ho ndaamare nkyore ko-ono yaantoma.

Yohana 7:33 ပူးပေါင်းရင်းမြစ်များ

Maariko 16:19

Hano Omonene Yëësu yaamarrë kushumaasha nabho, akagheghwa, ukughya mu-ryobha. Akaikara bhoryo ubhwa Waryobha.

Yohana 13:1

Mbe, hano waanyöörrë inyangi iya Epasaka etaraabha, na ghwiki okanyoora Yëësu amarrë okomanya igha, enkaagha iyaaye iya ukurwa ko-kebhara kono aghi ko-Taata Waryobha ihikirë. Yëësu yaahanshirë abhantö abhaaye abha ko-kebhara kono, këmwëkëmwë.

Yohana 13:3

Yëësu yaamanyirë igha, Taata yaamohaayë ubhwera ubhwa okotangata ëbhëntö bhyonswe igho. Ghwiki yaamanyirë igha nku-Waryobha yaarwa, kora ghwiki narikyora ku-Waryobha.

Yohana 13:33

“Bhëënyu abhaana abhaane, nendaabhe na bhëënyu ko-nkaagha enke igho. Murintuna, kasi kya bhono naatëëbhëri abhatangati abha Abhayahudi, ni-ighoigho nkobhatëëbhya na bhëënyu bhonswe igha, eno nkughya, temotore ukuhika-yo hë.

Yohana 14:12

No-bhoheene nkobhatëëbhya igha, ömöntö ono akunkumya, naraakore emeremo gheno öni nkokora. Kora ghwiki naraakore emeremo okokera ghiyö nkokora, ko bhoora nko-Taata nkughya.

Yohana 14:19

Akabhagha n-haangʼë karë abhantö abha ko-kebhara kono bhaange okommaaha, kasi bhëënyu moraammaahe. Ko bhoora igha öni m-möhöru ndë, na bhëënyu bhonswe moreebha abhahöru.

Yohana 14:28

Mwaaighwa ghano naabhatëëbhëri igha, ‘Nkughya ndë, kasi nindiisha ghwiki kö-bhëënyu.’ Singa monhanshirë, mokaashömëëywë ko bhoora nko-Taata nkughya, na Taata uyö, m-Monene okonkera.

Yohana 16:10

Ko amangʼana agha obhoheene ubhwabho, n-ko bhoora öni nkughya ko-Taata, ghwiki temoremaaha röndë hë.

Yohana 16:28

Nko-Taata naarwërëëyë nkaasha ko-kebhara kono, bhoono hayö, nko-kebhara kono nkurwa, ndakyora ko-Taata.”

Yohana 16:5

Mbe, bhoono öni nkughya ndë ko-Taata, uyö we yaantoma kö-bhëënyu. Taaho ömöntö uwa ökömböörya igha, ‘Kana, hai ukughya?’

Yohana 17:11

Öni tënkërëngë ghwiki ko-kebhara kono hë, nku-uwe nkuusha. Kasi abheene mbaraaghëndërri okobha ko-kebhara kono. Taata Ömöhörëëru, obharende ko obhotoro ubhwa iriina iryaho reno waangʼaana, okore bhabhe ëkëntö ëkëmwë kya bhono öni na uwe törëngë këntö ëkëmwë.

Yohana 17:13

Bhoono Taata nku-uwe nkuusha, na amangʼana ghano, nkoghaghamba ndë ko-kebhara kono, okore ukushomerwa ukwane kobhe mo-senkoro isyabho.

Yohana 20:17

Yëësu akamötëëbhya igha, “Tigha, otakangoota. Tendariina ukughya ighörö iyö ko-Taata hë. Keno nkökötëëbhya ni-igha, kaghi ötëëbhi abhahiiri abhaane igha, ‘Ndaghya mu-ryobha ko-Taata, ono arëngë Suwëënyu na bhëënyu bhonswe, ku-Waryobha uwaane na bhëënyu bhonswe n-Waryobha uwëënyu.’”

Yohana 9:4

Ni-igha tokore emeremo ighya Waryobha ono yaantoma, enkaagha eno iryobha rekeeho. Ko bhoora ubhutikö nkuusha bhörë, hano totaretora okokora emeremo gheno.