Yohana 7:31 - Imuuma Eehya

³¹ Kasi abhantö abhaaru bhano bhaarë hayö bhakakumya Yëësu. Abhantö bhayö bhakaghamba igha, “Hano Kiristo ariisha, narekora ebhemanyërryö ibhyaru ibhya amakono okokera bheno ömöntö ono yaakora?”

Yohana 7:31 ပူးပေါင်းရင်းမြစ်များ

Mataayo 12:23

Rikomo irya abhantö bhayö, rekaroghoora, rekabhöörania igha, “Kasi ömöntö ono, tu umwebhorwa Daudi?”

Ruuka 8:13

“Na simbusiro seno syaatöönyirë ku-rirobha irya ku-ritare, siyö na-bhantö bhano bhakwitegherra engʼana iya Waryobha, bhashomerwa, bhakumya enkaagha enke igho. Kasi hano bhashaashibhwa bhaghitigha, mbatuubhaini kya ëmëröngö gheno ghetahirrë imiri mu-rirobha.

Yohana 11:45

Mbe, Abhayahudi abhaaru bhano bhaaishirë okomaaha Maryamu, hano bhaarööshë ghayö Yëësu yaakörrë, bhakamukumya.

Yohana 12:11

ko bhoora ko okoghera iya ukuryökibhwa Raazaaro, Abhayahudi abhaaru bhakumiri Yëësu, bhakatighana na abhatangati abhaabho.

Yohana 12:42

Nokaanyoora ni-igho yaarë, abhatangati abha Abhayahudi m-baaru bhaamukumiri, kasi ko bhoora bhoobhohanga Abhafarisaayo, tebhaghambanga harabhu igho igha bhamukumiri hë. Ko bhoora bhoobhohanga ukurughibhwa mu-nyumba iya esango iya Abhayahudi.

Yohana 2:11

Kiyö nkyo ekemanyërryö ikya mbere keno Yëësu yaakörrë. Ekemanyërryö kiyö, yaakëkörëëyë mu-mughi ughwa Kana iya mo-mokowa ughwa Ghariraaya. Ko okokora igho, yöörökëri ubhuhika ubhwaye, kora abheegha abhaaye bhakamukumya.

Yohana 3:2

Nikodeemo uyö, akaghya ku-Yëësu ubhutikö, akamötëëbhya igha, “Raabhi, ntomanyirë igha uwe nu-mwëghya ono watomwa na Waryobha, ko bhoora taaho ömöntö ono akotora okokora ebhemanyërryö ibhya amakono bheno okokora, hano oraanyoore Waryobha atarëngë hamwë nawe.”

Yohana 4:29

“Toghende momaahe ömöntö ono antëëbhëri amangʼana ghonswe igho ghano naakora. Hanga we Kiristo?”

Yohana 4:39

Mbe, bhoono Abhasamaaria abhaaru abha Sikaari hayö, bhakakumya Yëësu ko bhoora bhaaighuurë ghano omokari uyö yaaghambirë igha, “Ömöntö uyö, antëëbhëri amangʼana ghonswe igho ghano naakora.”

Yohana 6:2

Rikomo rinene irya abhantö ryaasoorananga Yëësu, ko bhoora ryaarenga rërööshë ebhemanyërryö ibhya amakono ghano yaakoranga agha ukuhwënia abharööyë.

Yohana 7:26

Maaha nkoghamba arë harabhurabhu igho, kasi tebhakömötëëbhya engʼana hë! Eratora okobha igha, abhatangati bhamarrë okomanya obhoheene igha we Kiristo?

Yohana 9:16

Mbe Abhafarisaayo nyabhorebhe bhakaghamba igha, “Ömöntö ono akörrë igho, tiku-Waryobha akurwa hë, ko bhoora atakoghoota amaraghërryö agha rusikö urwa Obhotooro.” Kasi Abhafarisaayo abhandë bhakaghamba igha, “Iyakë ömököri uwa ëbhëbhë araatore okokora ebhemanyërryö ibhya amakono kya bhiyö?” Mbe bhakaanga korengerrania abheene ko abheene.

Amangʼana agha Abhatomwa 8:13

Simööni umwene wonswe akakumya Yëësu, akabhatiisibhwa. Akabha arasoorana Firipö. Hano yaarööshë ebhemanyërryö na amakono amanene ghano Firipö yaakoranga, akaroghoora.

Yaakobho 2:26

Ku bhuyö hano oraanyoore ömöntö aana umukumo, kasi takokora amangʼana amaiya hë, umukumo ughwaye ghuyö, ghwakwa, ghwabha kya ikihundughu keno ketaana umwika.