Yohana 7:30 - Imuuma Eehya

³⁰ Ku bhuyö bhakatuna igha bhamoghoote, kasi taaho ömöntö ono yaamöghöötirë hë, ko bhoora enkaagha iyaaye, tiyaarenga eraahika hë.

Yohana 7:30 ပူးပေါင်းရင်းမြစ်များ

Mataayo 12:14

Kasi Abhafarisaayo bhayö, bhakarishoka, bhakasëëmya ësëëmyö iya ukwita Yëësu.

Mataayo 21:46

Ku bhuyö bhakatuna enshera iya okomoghoota, kasi bhakoobhoha rikomo irya abhantö, ko bhoora rikomo riyö ndyaamanyirë igha, Yëësu m-mörööti yaarë.

Maariko 11:18

Hano abhanene abha abhasëngëri abha Waryobha na abhëëghya abha amaraghërryö agha Mosa bhaaighuurë amangʼana ghayö, bhakasimya ukutuna enshera iya ukumwita, ko bhoora mbaamwöbhöhirë. Abhantö bhonswe igho, mbaaröghööribhwanga na amëëghyö agha Yëësu.

Ruuka 20:19

Abhëëghya abha amaraghërryö agha Mosa, na abhanene abha abhasëngëri, bhakamanya igha, m-bo arëngëëyi ëkërëngyö kiyö igha, m-barëmi abhaghogho! Bhakarerra bhököngʼu, bhakatuna bhamoghootere-ho, kasi bhakoobhoha abhantö.

Ruuka 22:53

N-hamwë twaarëköghösöryanga sinsikö syonswe mo-bhogho ubhwa risengerro irya Waryobha, na temwankuniri hë, kasi bhoono, eno yo enkaagha iyëënyu, na iya obhosarya.”

Yohana 10:31

Mbe, Abhayahudi abhandë hano bhaaighuurë amangʼana ghayö, bhakabhoosha ghwiki amaghena, okore bhamoteme bhamwite.

Yohana 10:39

Mbe, hano Abhayahudi bhayö bhaaighuurë amangʼana ghayö, ghwiki bhakatuna igha bhamoghoote, kasi Yëësu akaterroka mo-mabhoko aghaabho.

Yohana 11:57

Abhanene abha abhasëngëri na Abhafarisaayo bhaarenga bharaghërrëëyi igha, ömöntö wowonswe igho ono araamanye hano Yëësu arë, abharome ökötwë, okore bhamoghoote.

Yohana 7:19

Yëësu akaghëndërrya okobhatëëbhya igha, “Mmomanyirë igha, Mosa yaabhahaayë amaraghërryö agha Waryobha. Kasi taaho ömöntö mö-bhëënyu, ono akoghoota amaraghërryö ghayö. Bhoono n-kwakë mukutuna ukunyita?”

Yohana 7:32

Mbe, hano Abhafarisaayo bhaaighuurë rikomo irya abhantö rerashamerrana amangʼana ghayö, Abhafarisaayo bhayö hamwë na abhanene abha abhasëngëri bhakatoma abhasirikare abhaabho bhaghoote Yëësu.

Yohana 7:6

Mbe, Yëësu akabhahonshora igha, “Enkaagha iyaane iya ukughya iyö, teraahika hë, kasi bhëënyu moratora ukughya enkaagha yoyonswe igho.

Yohana 7:8

Mutiire bhëënyu abheene ukughya Yërusarëëmu ku-nyangi. Öni tinkughya ku-nyangi iyö hë, ko bhoora enkaagha iyaane teraabha hë.”

Yohana 8:20

Yëësu yaaghambirë ghayö ghonswe igho enkaagha eno yëëghyanga mu-risengerro, ahasë hano bhaatooranga amasandeko agha seehera. Kasi tiyaare-ho ömöntö ono yaamöghöötirë ko bhoora waanyöörrë enkaagha iyaaye etaraahika.

Yohana 8:37

Nemanyirë igha, bhëënyu na-abha urwebhoro urwa Ibhurahimu mörë, kasi moratuna ukunyita ko bhono mukwanga ukukumya ghano nköbhëëghya.

Yohana 8:59

Hano Abhayahudi bhaaighuurë ghayö, bhakabhoosha amaghena, okore bhamoteme bhamwite, kasi Yëësu akaibhisa, akatanora ukurwa kö-bhööri ubhwa risengerro.

Yohana 9:4

Ni-igha tokore emeremo ighya Waryobha ono yaantoma, enkaagha eno iryobha rekeeho. Ko bhoora ubhutikö nkuusha bhörë, hano totaretora okokora emeremo gheno.