Yohana 7:3 - Imuuma Eehya

³ Bhawamwabho bhakamötëëbhya igha, “Karwe hano oghende Yudea, okore abheegha abhaaho bhamaahe amakono ghano okokora.

Yohana 7:3 ပူးပေါင်းရင်းမြစ်များ

Mataayo 12:46

Enkaagha eno waanyöörrë Yëësu akishumaasha na rikomo irya abhantö, tamaaha, nyakuwaabho Yëësu aana bhawamwabho Yëësu bhakatora. Bhakeemerra kebhara. Bhaatunanga bhashumaashe nawe.

Maariko 3:21

Bhawamwabho Yëësu hano bhaaighuurë amangʼana ghayö, bhakamogheera, ko bhoora bhaaghambanga igha, omotwe ghwamosareka.

Maariko 3:31

Mbe, nyakuwaabho Yëësu na bhawamwabho Yëësu, bhakahika hayö, bhakaimerra kebhara iya inyumba iyö yaare-mo. Bhakatoma ömöntö abherekere Yëësu, aashe bhashumaashe nawe.

Ruuka 8:19

Mbe, nyakuwaabho Yëësu na bhawamwabho Yëësu, bhakaasha ku-Yëësu. Kasi tebhaamuhikirë haangʼë hë, ko bhoora waanyöörrë abhantö bhamwihöndërrëëyë.

Ruuka 8:20

Abhantö abhandë bhakatëëbhya Yëësu igha, “Nyakuwëënyu na abhamura abhëënyu n-kebhara hayö bharë, bharatuna momaahane.”

Yohana 2:2

Yëësu hamwë na abheegha abhaaye bhonswe bhaarenga bharaarëkirwë mu-bhwenga iyö.

Yohana 6:60

Hano abhantö abhaaru mo-bheegha abhaaye bhaaighuurë amangʼana ghayö, bhakaghamba igha, “Amëëghyö ghano m-marito bhököngʼu! N-nawë akaghakumya?”

Yohana 6:66

Hano bhaaighuurë amangʼana ghayö, abhaaru mo-bhasoorani abhaaye, bhakamutigha, ghwiki tebhamara bhamosoorane hë.

Yohana 7:10

Kasi hano bhawamwabho bhaaghëëyë Yërusarëëmu ku-nyangi, Yëësu wonswe akatiira ukughya-yo, kasi kwa bhubhise, te-harabhuharabhu igho hë.

Yohana 7:4

Hano ömöntö yatuna igha amanyekane ko-bhantö, takokora emeremo ighyaye kwa ikibhisirë hë. Nyoore oratora okokora amangʼana ghano, kaghi wiyöröki ko-bhantö bhonswe igho, okore bhakomanye.”

Yohana 7:5

Bhawamwabho bhayö bhaamötëëbhëri igho, ko bhoora kora abheene bhonswe tebhaamukumyanga hë.

Amangʼana agha Abhatomwa 2:14

Ho bhoono Peetero yaaimërëëyë hamwë na abhatomwa bharikyaye ikömi na ömwë. Akakongera abhantö bhayö bhököngʼu igha, “Bhëënyu Abhayahudi abha Yërusarëëmu hano, na bhëënyu Abhayahudi bhano murwërëëyë mu-bhyaro ibhyëndë, mwitegherre bhuuya, mböörökërri engʼana eno.