Yohana 7:18 - Imuuma Eehya

¹⁸ Ömöntö wowonswe igho ono akoghamba ku ubhwera ubhwaye umwene, uyö nu-bhuhika ubhwaye umwene akwitonera. Kasi ono akutuna ubhuhika ubhwa oora yaamotoma, uyö no-bhoheene akoghamba, takoghamba obhorongo hë.”

Yohana 7:18 ပူးပေါင်းရင်းမြစ်များ

Mataayo 6:9

Yëësu akabhatëëbhya igha, “Mwighwe kya bhono moraasaasaamenga, ‘Taata uwëëtö uwa mu-ryobha, iriina iryaho rëhörëëribhwi. Obhokama ubhwaho bhuushe.

Yohana 11:4

Hano Yëësu yaaighuurë amangʼana ghayö, akaghamba igha, “Öbhörööyë bhuyö tibhumwite hë, kasi öbhörööyë bhuyö, nu-bhwa ukwörökya ubhuhika ubhwa Waryobha. Naröörrë, okore abhantö bhansooke öni Omoona uwa Waryobha, ko okohetera öbhörööyë bhuyö.”

Yohana 12:28

Taata Waryobha, honyora ubhuhika ubhwa iriina iryaho.” Mbe, engamba ekarwera mu-ryobha eraghamba igha, “Nhönyööyë ubhuhika ubhwane, kora ghwiki nendaaghëndërri okobhohonyora.”

Yohana 12:43

Abhatangati bhayö, bhaahanshirë bhököngʼu ukukumibhwa na abhantö, okokera ukukumibhwa na Waryobha.

Yohana 5:41

Tinkutuna ukukumibhwa na abhantö hë.

Yohana 8:54

Yëësu akabhahonshora igha, “Hano ndaaikumi öni umwene, ukwikumya ukwane tekoona ubhwera bhwobhwonswe igho hë. Kasi Taata, ono bhëënyu mokoghamba n-Waryobha uwëënyu, we akunkumya.

1 Abhatësarönikë 2:6

Ghwiki titwatunanga igha abhantö bhatukumi hë, nekaabha igha m-bëënyu, handë igha na-bhantö abhandë igho. Ko bhoora igha bhëëtö na-bhatomwa abha Kiristo törë, ntokaatörrë ukutuna ëbhëntö nyabhorebhe kö-bhëënyu, kasi tetwakörrë igho hë.

1 Peetero 4:11

Hano ömöntö aana amangʼana agha okoghamba, aghambe ko obhotoro bhono bhuruurë ku-Waryobha. Na hano araakorre bharikyaye emeremo, abhakorre ko obhotoro bhono bhukurwa ku-Waryobha. Hano moraakore igho, Waryobha naraakumibhwi ko amangʼana ghonswe igho, ko okoghera iya Yëësu Kiristo, uyö we aana ubhuhika na öbhötöngi ko makora na amakora. Amina.

1 Yohana 2:29

Mmomanyirë igha, Yëësu Kiristo n-wa heene. Ku bhuyö momanye igha, wowonswe igho ono akokora amangʼana agha heene, uyö we omoona uwa Waryobha.