Yohana 7:16 - Imuuma Eehya

¹⁶ Mbe, Yëësu akabhahonshora igha, “Amëëghyö ghano nkwëghya, tegharëngë aghaane hë, kasi na-mëëghyö agha ono yaantoma.

Yohana 7:16 ပူးပေါင်းရင်းမြစ်များ

Yohana 14:10

Kasi tukukumya igha öni m-mönsë iya Taata ndëngë hë? Amangʼana ghayö nkobhatëëbhya, teghakurwa mo-maitegherro aghaane hë, kasi nko-Taata ghakurwa ono arëngë mönsë iyaane, uyö we akokora emeremo ighyaye gheno.

Yohana 14:24

Ömöntö ono atanhanshirë, uyö taghoote amangʼana aghaane hë. Amangʼana aghaane ghano nkoraghërrya ta-ghaane hë, kasi na-agha Taata ono yaantoma kö-bhëënyu.

Yohana 17:14

Öni marrë okobhatëëbhya engʼana iyaaho, ku bhuyö abhantö abha ko-kebhara kono bhabharëghirë. Mbabharëghirë ko bhoora bhatarëngë abha ko-kebhara kono, kya hano öni ntarëngë uwa ko-kebhara kono.

Yohana 17:8

ko bhoora mbatëëbhëri amangʼana ghonswe igho ghano waantëëbhya, bhonswe bhaghaikërrëëyi. Bhoono bhamanyirë obhoheene igha, nku-uwe naarwa, kora bhakakumya igha nu-uwe waantoma.

Yohana 3:11

No-bhoheene nkökötëëbhya igha, bhëëtö nkoghamba törë ghano tomanyirë, ghwiki nkwimererra törë ghano törööshë. Kasi bhëënyu timukukumya ubhwimërërri ubhwëtö hë.

Yohana 3:31

Ono akurwa mu-ryobha naana ubhwera ku-bhyonswe igho. Kasi ono akurwa ko-kebhara, uyö n-wa ko-kebhara, kora engamba iyaaye ni-iya amangʼana agha ko-kebhara kono. Ono akurwa mu-ryobha, naana ubhwera ku-bhyonswe igho.

Yohana 5:30

Yëësu akaghëndërrya okoghamba igha, “Tentore okokora engʼana yoyonswe igho öni umwene igho hë. Kasi bhono nkwighwa, mbo nkobhotorra abhantö ikiina. Öbhöbhötöri ubhwane ubhwa ikiina, m-bwa heene, ko bhoora tenkokora bhono öni umwene nkutuna hë, kasi bhono Taata Waryobha ono yaantoma akutuna, mbo nkokora.

Yohana 6:44

Taaho ömöntö ono akotora ukuusha ku-öni, hano atatangatirwë na Taata Waryobha ono yaantoma. Na ömöntö uyö, we ndiryökya urusikö urwa umuhiko.

Yohana 8:28

Mbe Yëësu akakangʼasërrya igha, “Hano muririinia Omoona uwa Ömöntö okore mumwite, hayö bhoono ho moremanya igha ‘Öni nö-öni Omoona uwa ömöntö.’ Ghwiki ho moremanya igha ghonswe igho ghano nkokora, tenkokora kya bhono öni umwene nkutuna hë, kasi nkoghamba ndë ghano Taata yaanyëghya.

2 Yohana 1:9

Ömöntö wowonswe igho ono atakoghoota amëëghyö agha Yëësu Kiristo, kora ghwiki igha nkoghasyörya arë, uyö taana öbhömwë na Waryobha hë. Kasi ömöntö ono aköghëndërrya okoghoota amëëghyö agha Yëësu Kiristo, uyö naana öbhömwë na bhonswe igho, Taata Waryobha, na Omoona uwa Waryobha.

Okohonyora 1:1

Kono no-kohonyora ukwa Yëësu Kiristo. Waryobha yaahaayë Yëësu Kiristo okore ööröki abhaköri abha emeremo abhaaye amangʼana ghano heene ghakaangöhirë ukwikora. Yëësu wonswe akatëëbhya maraika uwaaye ahonyorre Yohana, ömököri uwaaye uwa emeremo.