Yohana 7:14 - Imuuma Eehya

¹⁴ Hano sinsikö isya inyangi syaahikirë ghatëghatë, Yëësu akaghya, akasoha kö-bhööri ubhwa risengerro, akasimya ukwëghya abhantö.

Yohana 7:14 ပူးပေါင်းရင်းမြစ်များ

Mataayo 21:12

Mbe, Yëësu akasoha mo-bhogho ubhwa risengerro irya Waryobha. Hano yaasöhirë-mo, akasimya ökökënyia abhantö bhano bhaaghöryanga, na bhano bhaaghoranga muyö ëbhëntö. Akahenora semeeza isya bhano bhaaswënianga seehera. Akahenora na ibhitumbë ibhya bhano bhaaghöryanga ibhighuuti.

Mataayo 26:55

Mbe, Yëësu akatëëbhya rikomo irya abhantö riyö igha, “Bhoono mwishirë okongoota moona imishonge na sirungu okanya igha m-mogharanshöri uwa eserekaare ndë? Ndarra sinsikö syonswe igho naaikaranga hamwë na bhëënyu, ndëëghya abhantö mo-bhogho ubhwa risengerro irya Waryobha temwakaangöötirë hë.

Ruuka 19:47

Mbe, Yëësu akabha arëëghya abhantö mo-bhogho ubhwa risengerro irya Waryobha muyö, kera urusikö. Abhanene abha abhasëngëri na abhëëghya abha amaraghërryö agha Mosa na abhaghaaka abha Ikiyahudi, bhakabha bharatuna enshera iya ukumwita.

Yohana 18:20

Yëësu akamohonshora igha, “Enkaagha yonswe igho naaghambanga ko-bhantö bhonswe igho harabhurabhu igho, nëëghyanga abhantö mu-sinyumba isya esango iya Abhayahudi, na mo-bhogho ubhwa risengerro mono Abhayahudi bhonswe igho bhakwikomanërya, tenakëëghëri amëëghyö aghaane bhubhise hë.

Yohana 5:14

Hano ghayö ghaahööyë, Yëësu akasikana na ömöntö uyö kö-bhööri ubhwa risengerro, akamötëëbhya igha, “Bhoono uhwënirë, kasi wangarre, utighe okokora ëbhëbhë. Hano otaatighe, engʼana indito bhököngʼu, irikunyoora okokera iyö waarenga nayo.”

Yohana 7:2

Mbe, bhoono inyangi iya Ibhighutu ibhya Abhayahudi okanyoora ihikirë haangʼë.

Yohana 7:28

Hano Yëësu yëëghyanga kö-bhööri ubhwa risengerro, akakonga araghamba harabhurabhu igho igha, “No-bhoheene igha mommanyirë, na iyö nkurwa mohamanyirë. Momanye igha, tenaasha hano ku ubhwera ubhwane umwene hë, kasi ono yaantoma, nu-uwa obhoheene, kora bhëënyu temomomanyirë hë.

Yohana 7:37

Urusikö urwa okomarërrya inyangi iyö, ndu-sikö oronene rwaabhanga. Mbe, Yëësu akemerra kö-bhööri ubhwa risengerro, akaghamba bhököngʼu igha, “Ömöntö ono araaighwe inyonta, aashe ku-öni, anywe amanshë.

Yohana 8:2

Hano bhwaakëëyë, Yëësu akaghya ghwiki akasoha kö-bhööri ubhwa risengerro. Abhantö bhonswe igho bhakaghya ko-we, mbe akaikara, akasimya ököbhëëghya.

Yohana 8:20

Yëësu yaaghambirë ghayö ghonswe igho enkaagha eno yëëghyanga mu-risengerro, ahasë hano bhaatooranga amasandeko agha seehera. Kasi tiyaare-ho ömöntö ono yaamöghöötirë ko bhoora waanyöörrë enkaagha iyaaye etaraahika.