Yohana 7:10 - Imuuma Eehya

¹⁰ Kasi hano bhawamwabho bhaaghëëyë Yërusarëëmu ku-nyangi, Yëësu wonswe akatiira ukughya-yo, kasi kwa bhubhise, te-harabhuharabhu igho hë.

Yohana 7:10 ပူးပေါင်းရင်းမြစ်များ

Mataayo 10:16

Yëësu akaghëndërrya ukushumaasha na abheegha abhaaye, akabhatëëbhya igha, “Mwangarre, okobhatoma kono nkobhatoma mo-bhantö, n-kya hano amangʼöndi ghaahirwa mu-sishuushë ghatë. Ku bhuyö ni-igha mongʼainihe kya inshoka. Ghwiki ni-igha mobhe abhahaabhu kya ibhighuuti.

Mataayo 12:46

Enkaagha eno waanyöörrë Yëësu akishumaasha na rikomo irya abhantö, tamaaha, nyakuwaabho Yëësu aana bhawamwabho Yëësu bhakatora. Bhakeemerra kebhara. Bhaatunanga bhashumaashe nawe.

Mataayo 3:15

Yëësu akamohonshora igha, “Kasi bhoono, uwe ikërrya ombaatiisi. Ko bhoora ko okokora igho, ho toraahekerani amangʼana agha obhoheene ubhwa Waryobha bhono akutuna.” Mbe, hano Yohana yaaighuurë amangʼana ghayö, akaikërrya okomobhatiisya.

Maariko 3:21

Bhawamwabho Yëësu hano bhaaighuurë amangʼana ghayö, bhakamogheera, ko bhoora bhaaghambanga igha, omotwe ghwamosareka.

Yohana 11:54

Ko bhuyö, Yëësu akatigha okoghenda harabhurabhu igho mo-Bhayahudi. Akatanora ukurwa hayö, akaghya haangʼë na ku-riköngö, mu-mughi ghono ghwaabherekerwanga igha Efraimu, akaikara iyö hamwë na abheegha abhaaye.

Yohana 7:3

Bhawamwabho bhakamötëëbhya igha, “Karwe hano oghende Yudea, okore abheegha abhaaho bhamaahe amakono ghano okokora.

Yohana 7:5

Bhawamwabho bhayö bhaamötëëbhëri igho, ko bhoora kora abheene bhonswe tebhaamukumyanga hë.

Yohana 7:9

Hano Yëësu yaamarrë okoghamba amangʼana ghayö, akatighara mo-mokowa ughwa Ghariraaya.

Abhagharatia 4:4

Kasi hano enkaagha yaahëkëëyë-ho, Waryobha akatoma Omoona uwaaye ono yaabhaayë ömöntö kya bhëëtö, yaaibhööywë enkaagha iya öbhöghööti ubhwa amaraghërryö agha Mosa.