Yohana 6:70 - Imuuma Eehya

⁷⁰ Ho bhoono Yëësu yaabhatëëbhëri igha, “Tenaabhashaaghora bhëënyu ikömi na bhabhërë? Kasi ömwë mö-bhëënyu muyö, aamo uwa Oghosambwa.”

Yohana 6:70 ပူးပေါင်းရင်းမြစ်များ

Yohana 13:18

“Tenkoghamba amangʼana ghayö kö-bhëënyu bhonswe igho hë, ko bhoora nemanyirë bhano naashaaghora bhabhe abheegha abhaane. Kasi bhoono ghano, n-ko okoghera iya okohekerania Amaandeko Amahörëëru ghano ghakoghamba igha, ‘Ömöntö ono yaaryanga ibhyakorya ibhyane, aigharanshööyë, abhaayë umubhisa uwaane.’

Yohana 13:2

Yëësu na abheegha abhaaye, bhakaikara okorya ibhyakorya ibhya omoghoroobha. Enkaagha iyö, waanyöörrë Oghosambwa ghomarrë köngʼënërrya Yuuda, mura uwa Simööni Isikariyote, okore anyeere Yëësu inikö.

Yohana 13:21

Hano Yëësu yaaghambanga amangʼana ghayö, yaabhaabhayëëyë bhököngʼu mo-nkoro iyaaye, akaghamba harabhurabhu igho igha, “No-bhoheene nkobhatëëbhya igha, ömwë mö-bhëënyu mono, naraanyeere inikö.”

Yohana 13:27

Hano Yëësu yaamarrë okomohaana omokaate ghuyö, Oghosambwa ghokasoherra Yuuda. Yëësu akamötëëbhya igha, “Kora bhöngö ghano ukutuna okokora!”

Yohana 15:16

Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Yohana 15:19

Singa na-abha ko-kebhara kono mörë, abhantö abha ko-kebhara kono, mbakaabhahanshirë kya bhono bhahanshirë abhakebhara bharikyabho. Kasi ko bhono naabhashaaghora ukurwa ko-bhantö abha ko-kebhara kono, tëmörëngë abha ko-kebhara kono hë, kiyö nkyo kekoghera abhantö abha ko-kebhara kono bharabharegha.

Yohana 17:12

Hano naarenga hamwë nabho, naabharendanga ko obhotoro ubhwa iriina iryaho reno wangʼaana. Nkabhanaghya bhuuya, taaho kora ömwë ono yaasira mo-bhayö, kasi n-ditamwe irya ukusira reera iryene igho, okore Amaandeko Amahörëëru ghahekerane.

Yohana 2:2

Yëësu hamwë na abheegha abhaaye bhonswe bhaarenga bharaarëkirwë mu-bhwenga iyö.

Yohana 20:24

Umwegha ömwë mo-bheegha ikömi na bhabhërë abha Yëësu, ono yaabherekerwanga igha Toomasi, handë igha “Ekesare,” tiyaarenga-ho hë, enkaagha eno Yëësu yaaishirë.

Yohana 6:64

Kasi hobharë abhandë mö-bhëënyu, bhano bhakwanga ukunkumya.” Yëësu yaaghambirë igho, ko bhoora yaamanyirë ukurwa okosemoka igha, m-baabho wë bhaamukumyanga, na ghwiki igha n-nawë akaamunyëërëëyë inikö.

Yohana 6:67

Mbe, Yëësu akabhöörya abheegha ikömi na bhabhërë bhaara igha, “Kasi, na bhëënyu bhonswe nkutuna mörë okotanora?”

Yohana 6:71

Hayö Yëësu yaashumaasheranga Yuuda omoona uwa Simööni Isikariyote. Ko bhoora uyö, we yaanyëërëëyë Yëësu inikö, nokaanyoora yaarenga ömwë mo-bheegha ikömi na bhabhërë bhaara.

Yohana 8:44

Bhëënyu na-abha Oghosambwa mörë, ghuyö ngwo suwëënyu. Oronamba urwa suwëënyu urwa okokora ghano akutuna, ndwo monaro. Oghosambwa ukurwa bhosemoka n-ghwiti, ghwiki teghohanshirë obhoheene hë, ko bhoora teghoona obhoheene hë. Hano Oghosambwa ghwaghamba obhorongo, iyö ne-teemo iyaaghwo ko bhoora n-gorongo, ghwiki ngwo suwaabho obhorongo bhwonswe igho.

Amangʼana agha Abhatomwa 1:17

Yuuda m-murikyëtö yaarë, kora tokatoorrania nawe omoremo ghono twaahaaywë na Waryobha.

Amangʼana agha Abhatomwa 13:10

“Uwe ore omoona uwa Oghosambwa! Umubhisa uwa obhoheene bhwonswe igho! No-bhorongo ubhwenebhwene bhökökösëëbhësya orangʼaina abhantö. Nkusyörya örë amangʼana agha enshera ëndöngë iya öbhöhöru iya Omonene Waryobha, igha m-borongo!

1 Timoteo 3:11

Bhakaabho bhonswe bhabhe na eteemo inshiiya, bhatakaabha abhaghambi abha abhantö, bhagheerenga ngʼora amangʼana, ghwiki ni-igha bhabhe abhantö abha heene ko amangʼana ghonswe igho.

Tiito 2:3

Abhakungu bhonswe bhakorenga kya igho, obhatëëbhi igha, bhabhe na eteemo eno ëkötöönia Waryobha. Bhatakaabha abhaghambi abha abhantö, bhatakaabha abharëëbhi, kasi bhatönibhwi ukwörökërrya abhantö eteemo inshiiya,

1 Yohana 3:8

Kasi ömöntö wowonswe ono aköghëndërrya okokora ëbhëbhë, uyö m-möntö uwa Oghosambwa. Ntomanyirë igho, ko bhoora Oghosambwa n-gököri ughwa ëbhëbhë ukurwa kare. Kiyö nkyo ikibhuno keno kyaaghërrë Omoona uwa Waryobha akaasha ko-kebhara kono, okore asari emeremo ighya Oghosambwa.