Yohana 6:57 - Imuuma Eehya

⁵⁷ Taata Waryobha ömöhöru yaantoma, na öni wonswe neena öbhöhöru ukurwa ku umwene uyö. Ku bhuyö ömöntö ono araandaaghere, uyö naraanyoore öbhöhöru ukurwa ku-öni.

Yohana 6:57 ပူးပေါင်းရင်းမြစ်များ

Mataayo 16:16

Simööni Peetero akamohonshora igha, “Nu-uwe Kiristo, Omoona uwa Waryobha ömöhöru.”

Yohana 14:19

Akabhagha n-haangʼë karë abhantö abha ko-kebhara kono bhaange okommaaha, kasi bhëënyu moraammaahe. Ko bhoora igha öni m-möhöru ndë, na bhëënyu bhonswe moreebha abhahöru.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 17:21

Ndasabha igha, abhantö bhayö bhonswe igho, bhabhe ëkëntö ëkëmwë, kya bhono uwe Taata örëngë ëkëntö ëkëmwë na öni, na kya igho öni wonswe ndëngë ëkëntö ëkëmwë na uwe. Ghwiki ndasabha igha, abheene bhonswe bhabhe ëkëntö ëkëmwë na bhëëtö, okore abhantö abha ko-kebhara kono bhakumi igha, nu-uwe waantoma Taata.

Yohana 3:17

Waryobha tiyatömirë Omoona uwaaye ko-kebhara kono, okore abhotorre abhantö ikiina, kasi yaamötömirë, okore atööri abhantö okohetera ku-uyö.

Yohana 5:26

Kya bhono Taata arëngë esemoko iya öbhöhöru, ni-ighoigho kora yaahaana Omoona uwaaye esemoko iya öbhöhöru bhuyö.

Yohana 6:29

Yëësu akabhahonshora igha, “Amangʼana ghano Waryobha akutuna mokore n-gaano hano, munkumi öni, ono naatomwa nawe.”

Yohana 6:38

Öni tenaasha ukurwa mu-ryobha okore nkore bhono nkutuna, kasi naasha igha, nkore bhono akutuna Taata ono yaantoma.

1 Abhakörintö 15:22

Mbe, ko bhoora abhantö bhonswe igho nkukwa bharë ko bhoora mbaasëmökirë ukurwa ko-Adamu, ni-ighoigho, na ko okoghera iya okoghootana na Yëësu Kiristo abhantö bhonswe igho mbarekorwa bhabhe abhahöru.

1 Abhakörintö 15:45

Amaandeko Amahörëëru gharaghamba igha, “Adamu ömöntö uwa mbere, yaabhömbirwë akabha na öbhöhöru,” kasi Adamu uwa umuhiko we nu-Mwika, ono akohaana abhantö öbhöhöru.

2 Abhakörintö 13:4

No-bhoheene igha, Yëësu Kiristo yaahanëkirwë ko-mosarabha kö-bhötëntëëru ubhwa kinyabhantö, kasi bhoono igho, m-möhöru ko obhotoro ubhwa Waryobha. Amangʼana ni-igho gharë igha, bhëëtö m-batëntëëru törë ku-Yëësu Kiristo, kasi moremaaha igha, ntorebha abhahöru ko obhotoro ubhwa Waryobha.

Abhagharatia 2:20

Esemoko iya öbhöhöru ubhwane bhoora ubhwa kare, mbwaahanekwa hamwë na Kiristo ko-mosarabha. Bhoono m-möhöru ndë, kora tö-öni hë, kasi Kiristo we öbhöhöru ubhwane bhono bhörëngë ku-öni. Öbhöhöru bhono neenabho enkaagha eno, nneenabho ku ukukumya Omoona uwa Waryobha. Omoona uwa Waryobha uyö yaanhanshirë, akairuusya öbhöhöru ubhwaye, akantöörya.

1 Abhatësarönikë 1:9

Ahasë honswe igho hano tukughya, abhantö nkushumaashera bharë kya bhono mwatwikërëëyi hano twaahikirë kö-bhëënyu. Nkoghamba bharë kya bhono mwaatighirë ëbhëtöndö ibhyënyu, mokaisyörrya Waryobha ömöhöru na uwa obhoheene, okore momokorre emeremo.

Abhaëbhuraania 9:14

Kasi bhoono amaanyinga agha Yëësu Kiristo, ngaana ubhwera bhököngʼu, okokera agha situgho ghayö. Uyö we yaairuusiri umwene ko obhotoro ubhwa Umwika uwa amakora ghonswe igho, okore abhe ikimwenso keno ketaana risoro ku-Waryobha. Ikimwenso ikya amaanyinga aghaaye, nkyo kikutwöghya amaitegherro aghëëtö gharwe mo-mangʼana ghano ghakoreeta uruku, okore tosaasaamenga Waryobha ömöhöru.

1 Yohana 4:9

Waryobha yöörökya righonshe iryaye kö-bhëëtö, ko okotoma Omoona uwaaye umumwëmwë ko-kebhara kono. Yaakörrë igho, okore okohetera ku-uyö, tunyoore öbhöhöru ubhwa amakora ghonswe igho.