Yohana 6:51 - Imuuma Eehya

⁵¹ Öni nö-öni ibhyakorya ibhya öbhöhöru bheno bhyaarwa mu-ryobha. Ömöntö ono araaraaghere ibhyakorya bhiyö, nkobha arë na öbhöhöru ubhwa amakora ghonswe igho. Ibhyakorya bheno ndaahaane abhantö bhonswe igho ko okoghera iya öbhöhöru, nö-möbhërë ughwane.”

Yohana 6:51 ပူးပေါင်းရင်းမြစ်များ

Mataayo 20:28

N-kya bhoora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Ruuka 22:19

Yëësu akaghegha omokaate, akakumya ghwiki Waryobha, akaghobhotora, akahaana abheegha abhaaye, akabhatëëbhya igha, [“Ghono ngo ömöbhërë ughwane, ghono murimwenserwa. Mokorenga igho, ko okonheetoka!”

Yohana 1:14

Mbe, uyö akobherekerwa igha Engʼana, yaabhaayë ömöntö, kora akaikara mö-bhëëtö. Tokamaaha ubhuhika ubhwaye, ubhuhika ubhwa Omoona umumwëmwë ono akurwa ko-Taata, aishööyë örööbhö na obhoheene.

Yohana 1:29

Urusikö rono rwaarööbhëëyë, Yohana yaarööshë Yëësu araasha ko-we. Akatëëbhya abhantö bhano bhaarenga haara igha, “Maaha, uyö we Omoona Ringʼöndi uwa Waryobha, ono akuruusya-ho ëbhëbhë ibhya ko-kebhara kono!

Yohana 11:26

Na ömöntö wowonswe igho ömöhöru ono akunkumya, tarikwa röndë hë. Orakumya amangʼana ghayö ngambirë?”

Yohana 3:13

Taaho ömöntö wowonswe igho ono yaahika mu-ryobha. Kasi öni Omoona uwa Ömöntö mmu-ryobha naarwera.

Yohana 3:14

“Mosa yaahanëkirë ritöndö irya inshoka iya ishabha kö-mötë kighörö, ku-riköngö haara. Mbe, ni-ighoigho na öni Omoona uwa Ömöntö ni-igha nhanekwe kighörö,

Yohana 3:16

Waryobha yaahanshirë bhököngʼu abhantö bhonswe igho abha ko-kebhara kono. Righonshe riyö, ndyo ryaaghërrë akatoma Omoona uwaaye umumwëmwë, aashe ko-kebhara kono, okore ömöntö wowonswe igho ono akumukumya atakaasira, kasi abhe na öbhöhöru ubhwa amakora ghonswe igho.

Yohana 3:36

Ömöntö ono akukumya Omoona uwa Waryobha, uyö naana öbhöhöru ubhwa amakora ghonswe igho. Kasi ono akumwanga, taana öbhöhöru ubhwa amakora ghonswe igho hë, kora okorerra ukwa Waryobha nkoraaghëndërri okobha kö-möntö uyö.

Yohana 5:24

No-bhoheene nkobhatëëbhya igha, ömöntö ono akwighwa engʼana iyaane na ukukumya Waryobha ono yaantoma, uyö naana öbhöhöru ubhwa amakora ghonswe igho. Ömöntö kya uyö, tarebhotorrwa ikiina hë. Uyö amarrë ukwamboka ukurwa mu-ruku, bhoono asöhirë mö-bhöhöru.

Yohana 6:33

Ko bhoora ibhyakorya ibhya Waryobha m-beno bhikurwa mu-ryobha, na ibhyakorya bhiyö, nö-öni ono nkohaana öbhöhöru abhantö bhonswe igho abha ko-kebhara.”

Yohana 6:35

Yëësu akabhahonshora igha, “Öni nö-öni ibhyakorya bheno bhekohaana abhantö öbhöhöru. Ömöntö wowonswe igho ono akuusha ku-öni, na ukunkumya, tariighwa röndë umweko hë. Ghwiki tariighwa inyonta kora hake hë.

Yohana 6:41

Mbe Abhayahudi abha hayö, bhakasimya ukwibhëmbëërya ko bhoora Yëësu yaighambirë igha, “Nö-öni ibhyakorya bheno bhikurwa mu-ryobha.”

Yohana 6:47

“No-bhoheene nkobhatëëbhya igha, ömöntö wowonswe igho ono akunkumya, uyö naana öbhöhöru ubhwa amakora ghonswe igho.

Yohana 6:48

Öni nö-öni ibhyakorya bheno bhekohaana abhantö öbhöhöru.

Yohana 6:50

Kasi hano, bheeho ibhyakorya bheno bhiruurë mu-ryobha. Ku bhuyö ömöntö ono araaraaghere ibhyakorya bhiyö, uyö tarikwa hë.

Yohana 7:38

Amaandeko Amahörëëru gharaghamba igha, ömöntö ono akunkumya, naraabhe na ibhyoro ibhya amanshë agha öbhöhöru bheraghera mu-mwene.”

2 Abhakörintö 5:19

Nkwo okoghamba igha, Waryobha yaaighwerranianga abhantö nawe, ko okohetera ku-Yëësu Kiristo, atakobhabharra obhosarya ubhwabho. Kora ghwiki atohaayë emeremo ighya okoraareka amangʼana ghayö agha ubhwighwerrani.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhaëfësö 5:2

Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

Abhaëfësö 5:25

Bhëënyu abhatëti, ni-igha mohanshe bhakëënyu kya bhono Yëësu Kiristo yaahanshirë ekanisa iyaaye, kora akaikwera.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Abhaëbhuraania 10:20

Yëësu yaatweghorra enshera eehya iya öbhöhöru iya okohetera kwi-pazia, ripazia riyö, nö-möbhërë ughwaye umwene.

1 Peetero 2:4

Yëësu we reghena rihöru irya okohaghaashera. Reghena riyö, ndyo abhantö bhaangirë, kasi Waryobha akarishaaghora, kora ndeena ubhwera obhonene ku-Waryobha. Mbe, musuntarre Yëësu.

1 Yohana 2:2

Uyö we ikimwenso ikya ukutwighwerrania na Waryobha ku ukuruusya-ho ëbhëbhë ibhyëtö. Ghwiki të-bhëbhë ibhyëtö ibhyene igho hë, kasi kora na ëbhëbhë ibhya abhantö bhonswe igho abha ko-kebhara kono.

1 Yohana 4:10

Righonshe rërëngë igha, ti-igha m-bëëtö twaatangatirë okohansha Waryobha, kasi we yaatangatirë okotohansha. Righonshe riyö, ndyo ryaaghërrë akatoma Omoona uwaaye, okore abhe ikimwenso ikya ukutwighwerrania na Waryobha, ku ukuruusya-ho ëbhëbhë ibhyëtö.

1 Yohana 4:14

Bhëëtö twaamaaha Omoona uwa Waryobha, kora nkötëëbhya törë abhantö abhandë obhoheene igha, Taata Waryobha yaatömirë Omoona uwaaye ko-kebhara kono, okore abhe Ömötöörya uwa abhantö bhonswe igho.