Yohana 6:5 - Imuuma Eehya

⁵ Hano Yëësu yaarööshë rikomo rinene irya abhantö reraasha ko-we, akabhöörya Firipö igha, “Hai tokaaghora ibhyakorya tohaane abhantö bhano bharaaghere?”

Yohana 6:5 ပူးပေါင်းရင်းမြစ်များ

Mataayo 15:33

Abheegha abhaaye bhayö bhakabhöörya Yëësu igha, “Bhoono uwe nkokanya örë igha, ntunyoora emekaate ighya ukwisa abhantö bhangʼana hano bhonswe igho mwi-sisi mono?”

Maariko 6:32

Bhakatanora ukurwa hayö na ubhwato abheene igho, bhakaghya ahasë hano abhantö bhatarë.

Ruuka 9:10

Mbe, abhatomwa bhayö, bhakakyora ku-Yëësu, bhakamötëëbhya ghonswe igho ghano bhaakörrë. Hayö ho yaabhatangatirë abheene igho hagharë, ukughya mu-mughi ghono ghwaabherekerwanga igha Bhëtisaida.

Yohana 1:43

Urusikö rono rwaarööbhëëyë, Yëësu akamaaha igha aghende mo-mokowa ughwa Ghariraaya. Akamaaha-yo Firipö, akamobherekera igha, “Nshö onsoorane.”

Yohana 1:44

Firipö yaarenga ömöntö uwa umughi ughwa Bhëtisaida, mono Anderea na Peetero bhaamënyirë.

Yohana 1:45

Mbe, Firipö akamaaha Natanaëri, akamötëëbhya igha, “Törööshë ömöntö ono Mosa yaandëkirë amangʼana aghaaye mo-ketabho ikya Amaraghërryö, kora ömöntö uyö, we abharööti bhonswe bhaandëkirë amangʼana aghaaye. Iriina iryaye ni-igha Yëësu uwa Nazarëëti, omoona uwa Yusufu.”

Yohana 1:46

Kasi Natanaëri akabhöörya Firipö igha, “Ëkëntö ikiiya keratora ukurwera Nazarëëti?” Firipö akamohonshora igha, “Nshö omaahe.”

Yohana 1:48

Natanaëri akabhöörya Yëësu igha, “Hai waamanyera amangʼana aghaane?” Yëësu akamohonshora igha, “Nënkörööshë hano waarë ku-mutiini haara, kora Firipö ataraakobherekera.”

Yohana 4:35

Bhëënyu tekoghamba mörë igha, ‘Ghyatighaayë imyëri ene igho, toghese?’ Kasi öni ndabhatëëbhya igha, momaahe ëmëghöndö bhono ghërë, ibhyakorya bhyabhaayë ibhya okoghesa.