Yohana 6:26 - Imuuma Eehya

²⁶ Yëësu akabhahonshora igha, “No-bhoheene nkobhatëëbhya igha, nemanyirë keno mokontonera. Nkuntuna mörë te-ko bhoora igha momanye ensonga iya ebhemanyërryö ibhya amakono bheno naakora, kasi n-ko bhoora naabhahaayë emekaate, mokarya, mokeeghota.

Yohana 6:26 ပူးပေါင်းရင်းမြစ်များ

Yohana 3:3

Yëësu akamohonshora igha, “No-bhoheene nkökötëëbhya, taaho ömöntö ono akotora okosoha mo-Bhokama ubhwa Waryobha hano ataibhööywë urwa kabhërë.”

Yohana 3:5

Yëësu akamohonshora igha, “No-bhoheene nkökötëëbhya igha, taaho ömöntö ono akotora okosoha mo-Bhokama ubhwa Waryobha, hano ataibhööywë okohetera ko-manshë, na okohetera Umwika Ömöhörëëru.

Yohana 6:14

Hano abhantö bhayö bhaarööshë rikono irya ekemanyërryö kiyö Yëësu yaakörrë, bhakaghamba igha, “Obhoheene ömöntö ono, nö-mörööti uwa Waryobha, ono twaitengʼeranga igha, naraashe ko-kebhara kono.”

Yohana 6:15

Ko bhono Yëësu yaamanyirë igha, abhantö bhayö mbaatunanga bhamokore igha abhe omokama uwaabho kwa nguru, akatanora akarwa hayö, akaghya ghwiki mu-nguku umwene igho.

Yohana 6:2

Rikomo rinene irya abhantö ryaasoorananga Yëësu, ko bhoora ryaarenga rërööshë ebhemanyërryö ibhya amakono ghano yaakoranga agha ukuhwënia abharööyë.

Yohana 6:24

Hano rikomo irya abhantö bhayö ryaamanyirë igha Yëësu tiyaarë hayö hë, kora abheegha abhaaye bhonswe tebhaare-ho hë, bhakariina mo-maato ghayö, bhakaghya Kaperenaumu ukutuna Yëësu.

Yohana 6:30

Mbe, bhakamöbhöörya igha, “Bhoono n-kemanyërryö kë oraakore ikya rikono keno toraamaahe, tukukumi? Ne-ngʼana kë oraakore?

Yohana 6:36

“Kasi öni naabhatëëbhya igha, nokaanyoora möndööshë, kasi timukukumya hë.

Yohana 6:47

“No-bhoheene nkobhatëëbhya igha, ömöntö wowonswe igho ono akunkumya, uyö naana öbhöhöru ubhwa amakora ghonswe igho.

Yohana 6:53

Ku bhuyö Yëësu akabhatëëbhya igha, “No-bhoheene nkobhatëëbhya igha, hano moraange okorya ömöbhërë ughwane, na ukunywa amaanyinga aghaane öni Omoona uwa Ömöntö, temoobhe na öbhöhöru ubhwa amakora ghonswe igho hë.

Yohana 6:64

Kasi hobharë abhandë mö-bhëënyu, bhano bhakwanga ukunkumya.” Yëësu yaaghambirë igho, ko bhoora yaamanyirë ukurwa okosemoka igha, m-baabho wë bhaamukumyanga, na ghwiki igha n-nawë akaamunyëërëëyë inikö.

Abharuumi 16:18

Abhantö kya bhayö to-Monene uwëëtö Yëësu Kiristo bhakokorra emeremo hë, kasi keno bhakutuna no-kokorra senda isyabho isyene igho. Bhaana amangʼana amaiya agha ököngʼöröngʼööbhya, okore bhangʼaine abhakumya abhatëntëëru.

Abhafiripi 2:21

Ngambirë igho, ko bhoora abhandë bho na-mangʼana aghaabho agheene ghabhatönëri, kasi amangʼana ghano Yëësu Kiristo akutuna ghakorwe, teghabhatönëri hë.

Abhafiripi 3:19

Abhantö bhayö mbarekamba bhasikibhwi, ko bhoora bhaakora igha, oronamba urwabho ndwo waryobha uwaabho. Amangʼana agha sënsöni ghano bhakokora igha ngo bhakwiheemera. Amangʼana ghano bhakwitegherra na-agha ko-kebhara kono.

1 Timoteo 6:5

Kora nkoghera gharë abhantö bhanga ukwighwerrana. Abhantö kya bhayö, emetwe ghyabhasarekera, tebhaana obhoheene hë. Nkokanya bharë igha, okosooka Waryobha ne-nshera iya okoneebhera-mo.