Yohana 6:2 - Imuuma Eehya

² Rikomo rinene irya abhantö ryaasoorananga Yëësu, ko bhoora ryaarenga rërööshë ebhemanyërryö ibhya amakono ghano yaakoranga agha ukuhwënia abharööyë.

Yohana 6:2 ပူးပေါင်းရင်းမြစ်များ

Mataayo 12:15

Yëësu yaamanyirë ësëëmyö iya Abhafarisaayo iya ukumwita, ku bhuyö akarwa hayö. Mbe, abhantö abhaaru bhakamosoorana. Akahwënia abharööyë bhonswe igho mo-bhantö bhayö.

Mataayo 13:2

Rikomo irya abhantö rekaasha, rekaikomania ku-Yëësu hayö. Mbe, umwene akariina mu-bhwato, akaikara. Rikomo riyö, nko-morambo hayö ryaarë.

Mataayo 14:14

Mbe, hano Yëësu yaaikirë mu-bhwato, akamaaha rikomo irya abhantö remosooraini, akabhaabhera, akahwënia abharööyë bhano bhaarë mu-rikomo muyö.

Mataayo 8:1

Hano Yëësu yaangʼaararrë ukurwa ku-nguku koora, abhantö abhaaru bhakamosoorana.

Maariko 1:45

Kasi hano ömöntö uyö yaatanööyë ukurwa hayö, akasimya okoraareka amangʼana agha ukuhwena ukwaye kera ahasë. Ku bhuyö Yëësu akataamibhwa kya bhono araasohenga mu-mughi ghoghonswe igho ghoora, abhantö bhatamörööshë. Akabha araikara ahasë hano abhantö bhatarë, nokaanyoora igha ni-igho yaarë, kasi abhantö mbaashanga ku-Yëësu ukurwa hasë honswe igho.

Maariko 6:33

Kasi hano bhaatanööyë, abhantö abhaaru bhakabhamaaha, bhakangʼura hano bhakobhata. Abhantö bhayö hamwë na bhano bhaaruurë mu-mighi ighyëndë imyaru, bhakaiha ikibhuusë ukughya-yo. Bhakatangatera Yëësu na abheegha abhaaye ukuhika-yo.

Yohana 11:47

Mbe, abhanene abha abhasëngëri na Abhafarisaayo, bhakakora esango iya ribharasa rinene, bhakabhoorania igha, “Iyakë tokaakora bhamurë? Ko bhoora ömöntö ono ebhemanyërryö ibhya amakono m-byaaru akokora.

Yohana 12:18

Mbe, abhantö abhaaru mbaaighuurë rikono reno Yëësu yaakörrë, ku bhuyö bhakaghya ukumuturungʼana.

Yohana 12:37

Nokaanyoora Yëësu yaakörrë ebhemanyërryö ibhyaru ibhya amakono bharamaaha na amaiso aghaabho, kasi tebhaamukumiri hë.

Yohana 2:11

Kiyö nkyo ekemanyërryö ikya mbere keno Yëësu yaakörrë. Ekemanyërryö kiyö, yaakëkörëëyë mu-mughi ughwa Kana iya mo-mokowa ughwa Ghariraaya. Ko okokora igho, yöörökëri ubhuhika ubhwaye, kora abheegha abhaaye bhakamukumya.

Yohana 2:23

Hano Yëësu yaarenga Yërusarëëmu ku-nyangi iya Epasaka, abhantö abhaaru bhakamukumya, ko bhoora bhaarööshë ebhemanyërryö bheno yaakoranga.

Yohana 20:30

Mbe, bheeho ebhemanyërryö ibhyëndë ibhyaru ibhya amakono bheno Yëësu yaakörrë, mbere iya abheegha abhaaye, bheno bhetaandëkirwë mo-ketabho keno.

Yohana 3:2

Nikodeemo uyö, akaghya ku-Yëësu ubhutikö, akamötëëbhya igha, “Raabhi, ntomanyirë igha uwe nu-mwëghya ono watomwa na Waryobha, ko bhoora taaho ömöntö ono akotora okokora ebhemanyërryö ibhya amakono bheno okokora, hano oraanyoore Waryobha atarëngë hamwë nawe.”

Yohana 6:14

Hano abhantö bhayö bhaarööshë rikono irya ekemanyërryö kiyö Yëësu yaakörrë, bhakaghamba igha, “Obhoheene ömöntö ono, nö-mörööti uwa Waryobha, ono twaitengʼeranga igha, naraashe ko-kebhara kono.”

Yohana 6:22

Hano bhwaakëëyë, rikomo irya abhantö bhano bhaatighaayë humbu iya inyansha eera, bhakamaaha igha ubhwato m-bömwë igho bhwaare-ho. Kora mbaamanyirë igha, Yëësu tiyaahinaini hamwë na abheegha abhaaye, mu-bhwato moora hë, kasi abheegha abhaaye, na-bheene igho bhaaghëëyë.

Yohana 6:26

Yëësu akabhahonshora igha, “No-bhoheene nkobhatëëbhya igha, nemanyirë keno mokontonera. Nkuntuna mörë te-ko bhoora igha momanye ensonga iya ebhemanyërryö ibhya amakono bheno naakora, kasi n-ko bhoora naabhahaayë emekaate, mokarya, mokeeghota.

Yohana 6:30

Mbe, bhakamöbhöörya igha, “Bhoono n-kemanyërryö kë oraakore ikya rikono keno toraamaahe, tukukumi? Ne-ngʼana kë oraakore?