Yohana 5:44 - Imuuma Eehya

⁴⁴ Bhoono iyakë moraankumi rëndë mbe keno mukutuna n-sinkuma isyënyu abheene ko bheene, kasi sinkuma seno sikurwa ku-Waryobha timukusituna hë?

Yohana 5:44 ပူးပေါင်းရင်းမြစ်များ

Mataayo 23:5

Amangʼana ghonswe igho ghano bhakokora, nkokora bharë, okore bhamaahwe na abhantö. Ko bhoora nkotoora bharë ku-bhusyö na ko-mabhoko aghaabho, ibhighushi ebhenene ibhya amaseero bheno bhyandëkirwë-mo amaraghërryö nyabhorebhe. Nkwëngërya bharë obhonene ubhwa amapindo agha singibho isya okosaasaamera Waryobha.

Ruuka 19:17

“Omonene akamötëëbhya igha, ‘Ökörrë bhuuya, uwe omoghorwa, m-möntö uwa heene örë, kora m-moheene örë! Ko bhoora obhaayë omoghorwa uwa heene kö-këntö ekeke bhököngʼu kya kiyö, ndakohaana ubhwera ubhwa ukwimererra imighi ikömi.’

Yohana 12:43

Abhatangati bhayö, bhaahanshirë bhököngʼu ukukumibhwa na abhantö, okokera ukukumibhwa na Waryobha.

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Yohana 3:20

Abhantö bhonswe igho bhano bhakokora amangʼana amaghogho, nkoregha bharë obhorabhu. Tebhakutuna ukuusha ko-bhorabhu, okore amangʼana aghaabho amaghogho ghatakaamanywa.

Yohana 5:41

Tinkutuna ukukumibhwa na abhantö hë.

Yohana 8:43

N-kwakë motakomanya ghano nkoghamba? N-ko bhoora mukwanga amangʼana aghaane.

Abharuumi 2:10

Abhaköri abha amangʼana amaiya, mbakaabha Abhayahudi handë abhantö bhano bhatarë Abhayahudi, bhayö mbarinyoora ubhuhika, bhasookwe kora bhahaanwe omorembe.

Abharuumi 2:29

Ti-igho hë! Kasi ömöntö ono akosooka Waryobha mo-nkoro iyaaye, uyö we uwaaye. Na esaaro inshiiya, ne-eera iya Umwika Ömöhörëëru akotogheka ömöntö mo-nkoro, tokoghoota amaraghërryö agha Mosa hë. Ömöntö kya uyö takukumibhwa na abhantö hë, kasi Waryobha we akumukumya.

Abharuumi 2:7

Abhantö bhano arehaana öbhöhöru ubhwa amakora ghonswe igho, m-mbano bhaana omotono ughwa okokora amangʼana amaiya. Ko bhoora nkutuna bharë ubhuhika, esooko na öbhöhöru bhono bhotakosareka.

1 Abhakörintö 4:5

Ku bhuyö motakaabhotora ikiina, enkaagha iyaako etaraabha, moghanye okohekera hano Omonene ariisha. We aremoreka amangʼana agha mu-kisuntë ghonswe igho ghano ghabhisirwë, na okotoora harabhu ghano gharëngë mo-senkoro isya abhantö. Hayö ho bhoono kera ömöntö arinyoora sinkuma seno aingʼarëëyi, ukurwa ku-Waryobha.

2 Abhakörintö 10:18

Tërëngë igha ömöntö ono akwihasha umwene we akwikërribhwa na Omonene Waryobha, kasi no-oora Omonene Waryobha umwene akukumya, uyö we akwikërribhwa nawe.

Abhafiripi 2:3

Motakaakora engʼana yoyonswe igho kwa kwiroterra handë kwa ikiheemere. Kasi mwihoote na okomaaha abhandë igha mbo abhantö okokera bhëënyu.

1 Abhatësarönikë 2:6

Ghwiki titwatunanga igha abhantö bhatukumi hë, nekaabha igha m-bëënyu, handë igha na-bhantö abhandë igho. Ko bhoora igha bhëëtö na-bhatomwa abha Kiristo törë, ntokaatörrë ukutuna ëbhëntö nyabhorebhe kö-bhëënyu, kasi tetwakörrë igho hë.

1 Timoteo 1:17

Mbe, Waryobha we Omokama ono ataana umuhiko, takukwa hë, takomaahekana hë, taaho ono arëngë kya umwene uyö hë. Asookwenga na ökötöönibhwa amakora na amakora. Amina.

Abhaëbhuraania 3:12

Abhakumya bharikyane, mwiyangarre, atakaabha-ho ömöntö nyankoro ngogho, ono atakukumya, ono akwiyahora ukurwa ku-Waryobha ömöhöru.

Yaakobho 2:1

Abhakumya bharikyane, kya bhoora mukukumya Omonene uwëëtö Yëësu Kiristo uwa ubhuhika, motakaabha na ekeroterro ko-bhantö.

1 Peetero 1:7

Amashaasho ghayö, nkokora gharë umukumo ughwënyu ghomaahekane igha, n-gwa heene, kya bhono esahaabhu yonswe ikushaashwa mo-morro. Umukumo ughwënyu ngoona ubhwera obhonene okokera esahaabhu eno ekosareka. Ku bhuyö, Yëësu Kiristo hano ariisha, na ukwiyörökya harabhu igho, narebhakora mukumibhwi, mobhe na ubhuhika, kora mosookwe.

Yuuda 1:25

Waryobha we umwene igho Ömötöörya uwëëtö, okohetera ku-Yëësu Kiristo Omonene uwëëtö. Waryobha atöönibhwi! Naana obhonene, obhotoro, na ubhwera, ukurwa kare, bhoono igho, na amakora ghonswe igho. Amina.