Yohana 5:39 - Imuuma Eehya

³⁹ “Moraitaaha bhököngʼu Amaandeko Amahörëëru ko bhoora mokokanya igha, moratora ukunyoora muyö öbhöhöru ubhwa amakora ghonswe igho. Kasi obhoheene Amaandeko Amahörëëru ghayö, ngo ghakunyimererra.

Yohana 5:39 ပူးပေါင်းရင်းမြစ်များ

Mataayo 22:29

Yëësu akabhahonshora igha, “Nkusira mörë ko bhoora motamanyirë keno Amaandeko Amahörëëru ghakoghamba, na kya igho obhotoro ubhwa Waryobha bhörë.

Maariko 10:3

Yëësu akabhahonshora igha, “Iyakë Mosa yaabharaghërrëëyi?”

Maariko 12:10

Kasi, temwakasömirë Amaandeko Amahörëëru igha, ‘Reghena reno abhahaghaashi bhaangirë, ndyo rebhaayë reghena rinene irya ko-koona iya umusingi ughwa inyumba.

Ruuka 16:29

“Kasi Ibhurahimu akamohonshora igha, ‘Abhamura abhëënyu bhayö, mbaana amaandeko agha Mosa, na agha abharööti, bhaghaitegherre.’

Ruuka 16:31

“Ibhurahimu akamohonshora igha, ‘Hano oraanyoore igha bhamura abhëënyu bhayö, tebhakoghoota amaandeko agha Mosa na agha abharööti, kora ömöntö nakaaryoka mo-bhaku, tebhaikërri hë.’ ”

Ruuka 24:25

Yëësu akabhatëëbhya igha, “Ë! Bhëënyu mbe mwakangiha! N-kwakë motakukumya mo-senkoro isyënyu amangʼana ghano ghaaghambirwë na abharööti?

Ruuka 24:27

Hayö ho yaabharaghërrëëyi amangʼana agha Kiristo, ghano yaandëkëëywë, akasimirya mo-Maandeko Amahörëëru ghano ghandëkirwë na Mosa, akaghëndërrya mo-Maandeko Amahörëëru ghonswe igho, na agha abharööti.

Ruuka 24:44

Akabhatëëbhya igha, “Ghano na-mangʼana ghaara naabhatëëbhyanga hano twaarë hamwë. Naabhatëëbhëri igha, ghonswe ghano naandekerwa ngarikora, ngakaabha amangʼana agha amaraghërryö ighya Mosa, amaandeko agha abharööti, hamwë na agha mo-Zabhuri.”

Yohana 1:45

Mbe, Firipö akamaaha Natanaëri, akamötëëbhya igha, “Törööshë ömöntö ono Mosa yaandëkirë amangʼana aghaaye mo-ketabho ikya Amaraghërryö, kora ömöntö uyö, we abharööti bhonswe bhaandëkirë amangʼana aghaaye. Iriina iryaye ni-igha Yëësu uwa Nazarëëti, omoona uwa Yusufu.”

Yohana 5:32

Kasi aaho uwöndë ghwiki ono akwimererra amangʼana aghaane, uyö n-Waryobha, na öni nemanyirë igha, ubhwimërërri ubhwaye, nu-bhwa obhoheene.

Yohana 5:36

Kasi ubhwimërërri bhono öni neenabho, m-bonene okokera ubhwa Yohana bhoora. Ubhwimërërri bhuyö, ne-meremo gheno Taata yaangʼaayë igha ngemarërri. Emeremo ighyane nkwörökya ghërë igha, Taata Waryobha we yaantoma.

Yohana 5:40

Kora timukutuna muushe ku-öni, okore mbahaane öbhöhöru ubhwa amakora ghonswe igho.

Yohana 5:46

Ko bhoora singa mwaakumya amangʼana agha Mosa, öni wonswe mokaankumiri, ko bhoora Mosa yaandëkirë amangʼana aghaane.

Yohana 7:52

Bho bhakahonshora Nikodeemo igha, “Kasi, na uwe n-Gariraaya ukurwa? Kaghi witaahe bhuuya Amaandeko Amahörëëru, noraamanye igha, taaho ömörööti ono akurwera mo-mokowa ughwa Ghariraaya hë.”

Amangʼana agha Abhatomwa 13:27

Abhantö abha Yërusarëëmu na abhatöngi abhaabho, tebhaamanyirë igha, Yëësu uyö, we abharööti bhaashumaasheranga ko-Maandeko ghano bhaasomanga kera urusikö urwa Obhotooro. Ku bhuyö bhakahekerania amaandeko ghayö, ko okomobhotorra ikiina igha aitwe.

Amangʼana agha Abhatomwa 17:11

Abhabheerooya bhayö, m-bantö abha heene bhaarë okokera Abhatësarönikë. Ko bhoora bhaaghöötirë engʼana iya Waryobha ko motono, bhakabha bharitaaha mo-Maandeko Amahörëëru sinsikö syonswe igho, okore bhamaahe nyoore amangʼana ghayö Pauro akoghamba m-maheene!

Amangʼana agha Abhatomwa 26:27

Ore Omokama Aghiripa, orakumya amangʼana ghonswe igho ghano abharööti bhaaghambirë? Öni nemanyirë igha, nkoghakumya örë.”

Abharuumi 1:2

Amangʼana Amaiya ghayö, ngo Waryobha yaaraghaini ukurwa kare, okohetera ko-bharööti abhaaye bhano bhaandëkirë Amaandeko Amahörëëru.

Abharuumi 3:2

M-maheene igha, okobha Umuyahudi, nkoona ubhwera ubhwaru. Ekenene ni-igha, Waryobha yaatëëbhëri Abhayahudi amangʼana aghaaye.

Abhakorosaai 3:16

Engʼana iya Kiristo ebhaikarre ku ubhwaru. Mworokerraninga, morakaanania kwa bhongʼaini bhonswe igho. Mörëëtëringa Waryobha mo-senkoro isyënyu, na ukumukumya ko-sezabhuri, amarëëtyö na sëtënzi isya mo-nkoro.

Abhaëbhuraania 11:16

Kasi bhoono abhantö bhayö, ni-kyaro ikiiya bhököngʼu, nkyo bhaaighombanga igha bhanyoore. Ikyaro kiyö, mmu-ryobha. Ku bhuyö, Waryobha takosooka okobherekerwa igha, we Waryobha uwaabho, ko bhoora we yaabhasëëmërya iyö umughi.

Abhaëbhuraania 11:35

Umukumo, ghwaaghërrë abhakari nyabhorebhe, bhakanyoora ghwiki abhantö abhaabho bhano waanyöörrë bhaakwa kasi bhakaryoka. Abhandë mbaanyahaarrwë bhököngʼu, kora bhakaitwa, kasi tebhaikërëëyi okotashorwa, ko bhoora bhaaitengʼeranga igha, Waryobha nakaabharyökëri, okore bhanyoore öbhöhöru ubhwa ubhwera.

Okohonyora 19:10

Mbe, ho naaghööyë hansë bhubhuumaayë ko-maghörö agha maraika uyö, okore mmosaasaame. Kasi akantëëbhya igha, “Tigha otakaakora igho! Öni wonswe murikyaho ndë, ömököri uwa emeremo hamwë na abhakumya bharikyaho, bhano bhakwimererra amangʼana agha Yëësu. Sengerra Waryobha! Ko bhoora ukwimererra amangʼana agha Yëësu kuyö nkwo esemoka iya öbhörööti.”