Yohana 5:32 - Imuuma Eehya

³² Kasi aaho uwöndë ghwiki ono akwimererra amangʼana aghaane, uyö n-Waryobha, na öni nemanyirë igha, ubhwimërërri ubhwaye, nu-bhwa obhoheene.

Yohana 5:32 ပူးပေါင်းရင်းမြစ်များ

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Mataayo 3:17

Ho Waryobha yaaghambirë ukurwa mu-ryobha igha, “Ono no-Moona uwaane omoghonshe, ono aköntëghërya bhököngʼu.”

Maariko 1:11

Engamba ekarwera mu-ryobha, ekaghamba igha, “Uwe no-Moona uwaane omoghonshe örë, ono ököntëghërya bhököngʼu.”

Ruuka 3:22

Umwika Ömöhörëëru atuubhaini kya ikighuuti akamwitoomera na ukumwikarra. Engamba ekarwera mu-ryobha muyö, ekaghamba igha, “Uwe, nu-uwe Omoona uwaane omoghonshe ono ököntëghërya bhököngʼu.”

Yohana 1:33

Öni tenaamomanyirë hë, kasi Waryobha ono yaantömirë okobhatiisya, we yaantëëbhëri igha, ‘Ömöntö ono oraamaahe Umwika uwaane aramwitoomera na ukumwikarra, omanye igha, uyö we akobhatiisya abhantö ku-Mwika Ömöhörëëru.’ ”

Yohana 12:50

Ghwiki, nemanyirë igha amaraghërryö aghaaye, nkohaana gharë abhantö öbhöhöru ubhwa amakora ghonswe igho. Mbe, ghayö nkoghamba, nkoghaghamba ndë kya bhono Taata umwene yaantëëbhëri igha ngaghambe.”

Yohana 5:34

Tërëngë igha nu-bhwimërërri ubhwa abhantö nkutuna, kasi nkobhatëëbhya ndë ghonswe igho ghayö, okore mötööribhwi.