Yohana 5:21 - Imuuma Eehya

²¹ Kya bhono Taata akuryökya abhaku, na okobhahaana öbhöhöru, ni-ighoigho Omoona wonswe akohaana öbhöhöru ömöntö wowonswe ono akutuna igha ahaane.

Yohana 5:21 ပူးပေါင်းရင်းမြစ်များ

Yohana 11:25

Yëësu akamohonshora igha, “Öni nö-öni ukuryoka kuyö, ghwiki nö-öni öbhöhöru. Ömöntö ono akunkumya, nakaakwa, naraaghëndërri okobha ömöhöru.

Yohana 17:2

Wangʼaana ubhwera ubhwa okotangata abhantö bhonswe igho, okore mbahaane öbhöhöru ubhwa amakora ghonswe igho, abhantö bhonswe igho bhano waangʼaana.

Yohana 6:63

Umwika uwa Waryobha we akohaana abhantö öbhöhöru. Esemoko iya ömöntö, teena obhotoro bhwobhwonswe bhoora hë. Amangʼana ghano mbatëëbhëri, na-agha Umwika uwa Waryobha, kora ngaana öbhöhöru ubhwa amakora ghonswe igho.

Amangʼana agha Abhatomwa 26:8

Kana, n-kwakë mukwanga ukukumya igha Waryobha nkuryökya arë abhaku?

Abharuumi 8:11

Umwika Ömöhörëëru ono amënyirë mo-senkoro isyënyu, uyö we Umwika uwa Waryobha ono yaaryökëri Kiristo Yëësu. Ku bhuyö Waryobha nariryökya ëmëbhërë ighyënyu gheno ghikukwa ko okohetera obhotoro ubhwa Umwika Ömöhörëëru uyöuyö.

1 Abhakörintö 15:45

Amaandeko Amahörëëru gharaghamba igha, “Adamu ömöntö uwa mbere, yaabhömbirwë akabha na öbhöhöru,” kasi Adamu uwa umuhiko we nu-Mwika, ono akohaana abhantö öbhöhöru.