Yohana 5:20 - Imuuma Eehya

²⁰ Ko bhoora Taata nahanshirë Omoona uwaaye, nkyo kekoghera aramwörökya kera ëkëntö keno akokora, kora naraamwöröki amangʼana amarito okokera ghano, okore moroghoore bhököngʼu.

Yohana 5:20 ပူးပေါင်းရင်းမြစ်များ

Mataayo 11:27

Hano Yëësu yaamarrë okosaasaama Waryobha, akasimya ukushumaasha na abhantö. Akabhatëëbhya igha, “Taata Waryobha angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha nkutuna igha mbahonyorre.

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Mataayo 3:17

Ho Waryobha yaaghambirë ukurwa mu-ryobha igha, “Ono no-Moona uwaane omoghonshe, ono aköntëghërya bhököngʼu.”

Mataayo 4:8

Ho ghwiki Oghosambwa ghwaaghëghirë Yëësu, ghokamuhira ku-nguku entambë bhököngʼu. Ghokamwörökya ibhyaro bhyonswe igho ibhya ko-kebhara kono, na ubhuuya ubhwabhyo.

Ruuka 10:22

Ho ghwiki Yëësu yaabhatëëbhëri igha, “Taata Waryobha, angʼaayë bhyonswe igho. Taaho ömöntö ono amanyirë Omoona uwa Waryobha, kasi Taata Waryobha we amomanyirë. Na taaho ömöntö ono amanyirë Taata Waryobha, kasi no-Moona uwaaye umwene we amomanyirë, na bhaara öni Omoona uwa Waryobha, nkutuna igha mbahonyorre.”

Yohana 1:18

Taaho ömöntö ono yaamaaha Waryobha hë. Kasi Omoona umumwëmwë, ono ghwiki ërëngë igha we Waryobha, ono aana öbhömwë na Taata Waryobha, uyö we yaaghërrë tokamanya Waryobha.

Yohana 10:32

Kasi Yëësu akabhatëëbhya igha, “Naabhöörökya amakono amaiya amaaru ghano naakora ko obhotoro ubhwa Taata. Ne-ngʼana kë eno ekoghera moratuna monteme na amaghena?”

Yohana 14:12

No-bhoheene nkobhatëëbhya igha, ömöntö ono akunkumya, naraakore emeremo gheno öni nkokora. Kora ghwiki naraakore emeremo okokera ghiyö nkokora, ko bhoora nko-Taata nkughya.

Yohana 15:15

Tembabherekere ghwiki igha m-baghorwa mörë hë, ko bhoora omoghorwa tamanyirë keno omonene uwaaye akokora hë. Kasi bhëënyu mobhaayë abhasaani abhaane, ko bhoora nembahönyörrëëyë ghonswe igho ghano naaighuurë ko-Taata.

Yohana 17:26

Öni nkörrë omanyekane kya bhono örë, kora ghwiki nendaaghëndërri okokora igho, okore righonshe reno onaryo ku-öni, rebhe ko bheene bhayö, na öni wonswe mbe mo-bhayö.”

Yohana 3:35

Taata Waryobha nahanshirë Omoona uwaaye, kora amohaayë ëbhëntö bhyonswe igho.

Yohana 5:21

Kya bhono Taata akuryökya abhaku, na okobhahaana öbhöhöru, ni-ighoigho Omoona wonswe akohaana öbhöhöru ömöntö wowonswe ono akutuna igha ahaane.

Yohana 5:25

No-bhoheene nkobhatëëbhya igha, enkaagha eraasha, kora bhoono ihikirë, eno abhaku bharaaighwe engamba iya Omoona uwa Waryobha. Abhaku bhano bharaaighwe engamba iyö, mbaraabhe na öbhöhöru.

Yohana 5:29

Mbarirwa-mo, mbariryökibhwa na Waryobha. Bhano bhaakora amangʼana amaiya, mbarehaanwa öbhöhöru. Kasi bhano bhaakora amangʼana amaghogho, mbarebhotorrwa ikiina.”

2 Peetero 1:17

Bhëëtö hamwë twaarenga na Yëësu ku-nguku ëhörëëru, hano yaasöökirwë kora akahaanwa ubhuhika ukurwa ko-Taata Waryobha. Enkaagha iyö, yo twaaighuurë engamba iya ubhuhika obhonene, ararwa mu-ryobha ku-Waryobha umwene, ekaghamba igha, “Ono no-Moona uwaane omoghonshe, we aköntëghërya bhököngʼu.”