Yohana 5:17 - Imuuma Eehya

¹⁷ Kasi Yëësu akabhahonshora igha, “Waryobha n-Taata, nkokora arë emeremo sinkö syonswe igho, nkyo kekoghera na öni wonswe ndakora emeremo.”

Yohana 5:17 ပူးပေါင်းရင်းမြစ်များ

Mataayo 10:29

“Moratora okoghora ibhitintighiri ebheke bhibhërë kwa hera nke igho. Kasi tekeeho ikinyönyi kora ëkëmwë keno kikukwa ikyene igho, Taata uwëëtö uwa mu-ryobha atahanshirë.

Yohana 10:36

Taata we yaanyaahora, akantoma ko-kebhara, bhoono n-kwakë mokoghamba igha öni nkotoka ndë Waryobha hano naghamba igha, ‘Öni m-moona uwa Waryobha ndë?’

Yohana 14:10

Kasi tukukumya igha öni m-mönsë iya Taata ndëngë hë? Amangʼana ghayö nkobhatëëbhya, teghakurwa mo-maitegherro aghaane hë, kasi nko-Taata ghakurwa ono arëngë mönsë iyaane, uyö we akokora emeremo ighyaye gheno.

Yohana 5:16

Mbe, abhatangati abha Abhayahudi bhakasimya kunyankya Yëësu, ko bhoora yaahwënianga abhantö kora ku-rusikö urwa Obhotooro.

Yohana 5:18

Ko okoghera iya amangʼana ghayö Yëësu yaaghambirë, abhatangati abha Abhayahudi bhakasimya ukutuna enshera iya ukumwita. Te-ko okoghera iya obhosarya ubhwa urusikö urwa Obhotooro ubhwene igho, kasi na ko bhoora yaaghambanga igha, Waryobha n-Suwaabho. Ku bhuyö bhakamaaha igha, nkwirengʼaania arë na Waryobha.

Yohana 9:4

Ni-igha tokore emeremo ighya Waryobha ono yaantoma, enkaagha eno iryobha rekeeho. Ko bhoora ubhutikö nkuusha bhörë, hano totaretora okokora emeremo gheno.

Amangʼana agha Abhatomwa 14:17

Kasi Waryobha yaabhöörökëri igha, hamwë arë na bhëënyu ko okobhakorra amangʼana amaiya. Arabhareetera imbura ukurwa mu-risaarö, okore munyoore ibhyakorya ko-nkaagha iyaako, na senkoro isyënyu sesambaaroke.”

Amangʼana agha Abhatomwa 17:28

Waryobha we akoghera toraghenda to bhahöru. Kya bhono umwandëki uwëënyu uwa amarëëtyö yaandëkirë igha, ‘Bhëëtö na-bhaana abhaaye törë.’

1 Abhakörintö 12:6

Kora emeremo ghyonswe ngeeho ighya seteemo nsharu, kasi Waryobha nö-ömwë uyöuyö, we akokora emeremo ghyonswe igho mo-bhantö bhonswe igho.

Abhakorosaai 1:16

Ko bhoora ëbhëntö bhyonswe igho bhyaabhömbirwë okohetera ku-uyö, ibhya mu-ryobha na ibhya ko-kebhara, bheno bhekomaahekana na bheno bhetakomaahekana, mbokaabha ubhwera handë obhokama, obhonene handë singuru. Bhyonswe igho mbyaabhömbirwë, ko okoghera iya we.

1 Abhatësarönikë 2:13

Bhëëtö tetokorosa ukukumya Waryobha hë, ko bhoora hano mwaaighuurë engʼana iyaaye eno twaabharaarëkëëyë, temwaghëghöötirë okanya igha nkö-möntö iruurë hë. Kasi mwaaghëghöötirë igha, ni-iya Waryobha, na maheene ni-igho ërë. Engʼana iyö, nkokora ërë emeremo mo-senkoro isyënyu, bhëënyu bhano mukukumya.

Abhaëbhuraania 1:3

Uyö we emerengaari ighya ubhuhika ubhwa Waryobha. Kora we ituubho iya heene iya bhono Waryobha arë. We akoghera ëbhëntö bhyonswe igho bheraghëndërrya okobha kya igho bhërë, ko okohetera engʼana iyaaye iya obhotoro. Yaatosaabhuura ëbhëbhë ibhyëtö, akaghya mu-ryobha, akaikara bhoryo ubhwa Waryobha uwa obhotoro, ahasë hano hasookwa bhököngʼu.