Yohana 5:10 - Imuuma Eehya

¹⁰ Ku bhuyö, abhatangati abha Abhayahudi bhakatëëbhya ömöntö uyö yaahwëniibhwi igha, “Reero nu-rusikö urwa Obhotooro, amaraghërryö teghakukwikërërrya okoghegha rishambi iryaho hë.”

Yohana 5:10 ပူးပေါင်းရင်းမြစ်များ

Mataayo 12:10

Ömöntö yaarë mu-nyumba iya esango muyö, ono yaarë na risusu ko-kobhoko. Abhafarisaayo bhaatunanga enshera iya okoghashania Yëësu, okore bhamushongere ku ukwanga okosooka amaraghërryö agha Mosa, ku bhuyö bhakamöbhöörya igha, “Amaraghërryö agha Mosa gharaikërrya igha ömöntö ahwënibhwi urusikö urwa Obhotooro?”

Maariko 2:24

Mbe, Abhafarisaayo bhakatëëbhya Yëësu igha, “Maaha, abheegha abhaaho ghano bhakokora, bharasarya umughiro ko okokora emeremo urusikö urwa Obhotooro!”

Maariko 3:4

Mbe, Yëësu akabhöörya abhantö bhayö igha, “Ne-ngʼana kë ikwikërribhwa ekorwe urusikö urwa Obhotooro, no-kokora amangʼana amaiya, kasi amaghogho? Ukuhwënia, kasi ukwita?” Bhakakira kiri.

Ruuka 13:14

Omonene uwa inyumba iya esango iya Abhayahudi akarerra, ko bhoora urusikö ruyö Yëësu yaahwënëri omokari uyö, nu-urwa Obhotooro rwaarë. Akatëëbhya abhantö igha, “Kera iwiiki, neena sinsikö isansabha isya emeremo. Ku bhuyö muushenga ukuhwënibhwa ku-sinsikö siyö, kasi motakaasha igha muhwënibhwi, urusikö urwa Obhotooro!”

Ruuka 23:56

Hano bhaamarrë, bhakakyora yeeka, bhakasëëmya amaghuta na ikirumba ikiiya, ibhya okohaka ikihundughu ikya Yëësu. Kasi urusikö urwa Obhotooro, mbaamuunyirë kya igho amaraghërryö ghaaraghërranga.

Ruuka 6:2

Mbe, Abhafarisaayo abhandë bhakabhabhöörya igha, “N-kwakë mokokora emeremo ghiyö urusikö urwa Obhotooro? Urusikö ruyö amaraghërryö aghëëtö teghakwikërrya igha tokore emeremo hë.”

Yohana 1:19

Urusikö urwöndë, abhatangati abha Abhayahudi bhaatömirë abhasëngëri na Abharaawi ukurwa Yërusarëëmu, bhabhööri Yohana igha, “Nu-uwe wë?”

Yohana 5:11

Kasi umwene akabhahonshora igha, “Ömöntö ono anhwënëri, we antëëbhëri igha, ‘Emoka ogheghe rishambi iryaho, oghende.’”

Yohana 5:15

Këmwë ömöntö uyö akaghya ökötëëbhya abhatangati abha Abhayahudi igha, Yëësu we yaamuhwënëri.

Yohana 5:16

Mbe, abhatangati abha Abhayahudi bhakasimya kunyankya Yëësu, ko bhoora yaahwënianga abhantö kora ku-rusikö urwa Obhotooro.

Yohana 7:23

Morakora omotono ughwa okosaara kora urusikö urwa Obhotooro ko okoghera iya okoghoota amaraghërryö agha Mosa. Bhoono n-kwakë mokondererra ko bhoora igha naahwënëri ömöntö urusikö urwa Obhotooro?

Yohana 9:16

Mbe Abhafarisaayo nyabhorebhe bhakaghamba igha, “Ömöntö ono akörrë igho, tiku-Waryobha akurwa hë, ko bhoora atakoghoota amaraghërryö agha rusikö urwa Obhotooro.” Kasi Abhafarisaayo abhandë bhakaghamba igha, “Iyakë ömököri uwa ëbhëbhë araatore okokora ebhemanyërryö ibhya amakono kya bhiyö?” Mbe bhakaanga korengerrania abheene ko abheene.