Yohana 4:7 - Imuuma Eehya

^7-8 Enkaagha eno abheegha abha Yëësu bhaarenga bhaghëëyë okotonda ibhyakorya mu-mughi, akaasha-ho omokari Omosamaaria okotaha amanshë mu-kisima hayö. Yëësu akamötëëbhya igha, “Örë mokari, tangʼaana-ko amanshë nnywe.”

Yohana 4:7 ပူးပေါင်းရင်းမြစ်များ

Mataayo 10:42

Ömöntö wowonswe ono akohaana ömöntö uwa inyonta amanshë amamititu agha ukunywa mo-kekombe ko bhoora igha ömöntö uyö m-mosoorani uwaane, no-bhoheene nkobhatëëbhya igha, wonswe Waryobha narimutuha.”

Yohana 19:28

Mbe, okanyoora Yëësu amarrë okomanya igha amangʼana ghonswe igho, bhoono ghahööyë, ku bhuyö akaghamba igha, “Ndaighwa inyonta.” Yaaghambirë igho okore ghahekerane ghano ghaandëkirwë mo-Maandeko Amahörëëru.

Yohana 4:10

Yëësu akamohonshora igha, “Singa omanyirë ituho iya Waryobha, na igha n-nawë ono akökötëëbhya igha, ‘Ngʼaana amanshë nnywe,’ nokaamosabhirë, na umwene nakaakohaayë amanshë agha öbhöhöru.”

Yohana 4:6

Hayö ho ikisima ikya Yaakobho kyaarë. Yëësu akaikara mbareka iya ikisima kiyö, okore amuunye, ko bhoora oroghendo rwaarenga römörösëri. Yaarenga kya saa isansabha omobhasö.