Yohana 4:48 - Imuuma Eehya

⁴⁸ Mbe, Yëësu akabhatëëbhya igha, “Hano motaraamaaha ebhemanyërryö na amakono timukukumya röndë hë.”

Yohana 4:48 ပူးပေါင်းရင်းမြစ်များ

Mataayo 16:1

Mbe, ho Abhafarisaayo na Abhasadukaayo nyabhorebhe bhaaishirë ku-Yëësu, bhakashaasha Yëësu igha abhakorre ekemanyërryö ikya rikono, keno keraabhööröki igha, Waryobha we yaamotoma.

Mataayo 24:24

Ko bhoora mbariisha abhantö abharongo bhano bharibherekeranga igha, mbo Kiristo, hamwë na bharööti abha obhorongo. Abhantö bhayö, mbarekora ebhemanyërryö ibhyaru ibhya amakono agha ököröghöörya. Mbarekoranga igho, okore bhangʼaine abhantö, kehane, bhangʼaine kora abhaahorwa abha Waryobha.

Mataayo 27:42

Nyoore m-maheene igha we Omokama uwa Isiraëri, aike ko-mosarabha kuyö ho na bhëëtö bhonswe toraamukumi.

Maariko 13:22

Ko bhoora mbariisha abhantö abharongo bhano bharibherekeranga igha, mbo Kiristo. Kora mbariisha abharööti abha obhorongo, bhano bharekora amakono na ebhemanyërryö, okore bhangʼaine abhantö, kora abhaahorwa abha Waryobha.

Ruuka 10:18

Yëësu akabhahonshora igha, “Naarë ndööshë Oghosambwa, ghoraharaatoka ukurwa mu-ryobha kya ëkëmësyö ikya enkobha.

Ruuka 16:31

“Ibhurahimu akamohonshora igha, ‘Hano oraanyoore igha bhamura abhëënyu bhayö, tebhakoghoota amaandeko agha Mosa na agha abharööti, kora ömöntö nakaaryoka mo-bhaku, tebhaikërri hë.’ ”

Yohana 12:37

Nokaanyoora Yëësu yaakörrë ebhemanyërryö ibhyaru ibhya amakono bharamaaha na amaiso aghaabho, kasi tebhaamukumiri hë.

Yohana 15:24

Singa ntakora emeremo gheno ghetakokorwa na ömöntö wowonswe oora, tebhakaabhaayë na ëbhëbhë hë. Kasi bhoono, bharööshë emeremo gheno naakörrë, bhandëghirë öni hamwë na Taata wonswe.

Yohana 2:18

Ku bhuyö abhatangati abha Abhayahudi bhakabhöörya Yëësu igha, “N-kemanyërryö kë onakyo, ikya ukwörökya igha oona ubhwera ubhwa okokora amangʼana ghayö?”

Yohana 20:29

Yëësu akamohonshora igha, “Uwe ko bhono öndööshë bhoono ukumiri. Nyakara bhaara bhakukumya igho bhatandööshë.”

Yohana 4:49

Omonene uyö akamohonshora igha, “Omonene uwaane, otangʼaaraara toghende mura uwaane ataraakwa.”

Amangʼana agha Abhatomwa 14:3

Pauro bhaana Bharinaabha bhakaghëndërrya ukwikara Iköniö hayö sinsikö sinsharu. Bhakaraareka amangʼana agha örööbhö urwa Omonene Yëësu ko obhokarë. Omonene Yëësu wonswe akabha arabhaimererra ko okobhahaana obhotoro ubhwa okokora amakono na ebhemanyërryö.

Amangʼana agha Abhatomwa 15:12

Mbe, abhantö bhonswe igho bhano bhaarë mu-ribharasa muyö, bhakakira kiri, bhakaitegherra Bharinaabha bhaana Pauro. Bhaabho Pauro, bhakabhatëëbhya bhono Waryobha yaakörrë amakono, na ebhemanyërryö ibhyaru mo-Bhakyaro, ko okohetera bho.

Amangʼana agha Abhatomwa 2:19

Ndekora ebheghwa mu-ryobha, na ekemanyërryö ko-kebhara kono, abhantö mbaremaaha ebhemanyërryö ibhya amaanyinga na omorro, na ikitu ikya iryöki iryaru.

Amangʼana agha Abhatomwa 2:22

Peetero akaghëndërrya okoghamba igha, “Bhëënyu bhare Abhaisiraëri, munyitegherre bhuuya! Waryobha yaatöörrë Yëësu uwa Nazarëëti harabhu igho bhöröngë bhwënyu, ko enshera iya amakono, na ebhemanyërryö ibhyaru mö-bhëënyu mono, ghayö mmoghamanyirë bhuuya.

Amangʼana agha Abhatomwa 2:43

Abhatomwa abha Yëësu bhaakoranga amakono amaaru, na ebhemanyërryö, kora abhantö bhonswe igho bhaaröghöörrë bhököngʼu, bhakahaha.

Amangʼana agha Abhatomwa 4:30

Orambeke okobhoko ukwaho, abhantö bhahwene, tokore amakono na ebhemanyërryö, ko okohetera iriina irya Yëësu, ömököri uwa emeremo uwaaho ömöhörëëru!”

Amangʼana agha Abhatomwa 5:12

Abhatomwa abha Yëësu bhaahaaywë obhotoro ubhwa okokora amakono na ebhemanyërryö ibhyaru mo-bhantö. Na abhakumya abha Yëësu bhonswe igho, mbaaikomanianga hamwë mu-risengerro irya Waryobha. Ahasë hayö bhaaikomanianga, haabherekerwanga igha, Ëghösöryö iya Seremaani.

Amangʼana agha Abhatomwa 6:8

Sitefaano nö-möntö ono yaahaaywë örööbhö oronene bhököngʼu na obhotoro ubhwaru na Waryobha. Kiyö nkyo kyaagheranga arakora amakono na ebhemanyërryö mo-bhantö.

Amangʼana agha Abhatomwa 7:36

Mosa akabhatangata ukurwa ku-kyaro ikya Miisiri, ko okokora amakono na ebhemanyërryö ibhyaru mu-kyaro ikya Miisiri, ku-Nyansha Enkangaaru, na ku-riköngö, ku-ribhagha irya imyoka merongo ene.

Abharuumi 15:19

Mbaarutirwë bhakabha na umukumo, ko bhoora bhaarööshë obhotoro ubhwa Yëësu Kiristo bhono bhwaamahekaini ko-makono na ebhemanyërryö. Naanyöörrë obhotoro ubhwa okokora igho, ko obhotoro ubhwa Umwika uwa Waryobha. Ku bhuyö naainaarrë kera hasë ndaraareka Amangʼana Amaiya agha Yëësu Kiristo ukusimirya mu-mughi ughwa Yërusarëëmu okohekera mo-mokowa ughwa Iririko.

1 Abhakörintö 1:22

Ko bhoora Abhayahudi, bho ne-kemanyërryö bhakutuna, na Abhaghiriki bho, na-mangʼana agha obhongʼaini bhakutuna.

2 Abhakörintö 12:12

Hano naarë kö-bhëënyu hayö, naaiyörökëri igha, m-motomwa ndë, ko bhoora naakörrë amakono, ebhemanyërryö na amangʼana agha ököröghöörya kö ököghömërrya kwonswe igho.

2 Abhatësarönikë 2:9

Ömötëëyu uyö, nariisha na singuru syonswe igho isya Oghosambwa na arekora amakono na ebhemanyërryö ibhya obhorongo.

Abhaëbhuraania 2:4

Waryobha wonswe akaimererra amangʼana ghayö ko okokora ebhemanyërryö na amakono amaaru, kora akahaana abhantö ituho iya Umwika Ömöhörëëru kya bhono umwene yaahanshirë.