Yohana 4:34 - Imuuma Eehya

³⁴ Yëësu akabhahonshora igha, “Ibhyakorya ibhyane no-kokora bhono ono yaantömirë akutuna igha nkore, kora mmarërri emeremo ighyaye.

Yohana 4:34 ပူးပေါင်းရင်းမြစ်များ

Mataayo 26:39

Akasuntara mbere hake igho, akairekera hansë bhubhuumaayë, akasaasaama Waryobha igha, “Taata, hano oraanyoore obhotoro bhooho, unduusiri-ho engʼana eno, kasi otakaakora kya bhono öni nkutuna, okore bhono uwe ukutuna.”

Mataayo 3:15

Yëësu akamohonshora igha, “Kasi bhoono, uwe ikërrya ombaatiisi. Ko bhoora ko okokora igho, ho toraahekerani amangʼana agha obhoheene ubhwa Waryobha bhono akutuna.” Mbe, hano Yohana yaaighuurë amangʼana ghayö, akaikërrya okomobhatiisya.

Mataayo 9:19

Yëësu akeemoka, akahinana na abheegha abhaaye, hamwë na suwaabho omohara uyö.

Ruuka 15:10

“Ndabhatëëbhya igha, ni-ighoigho, kora Waryobha na abhamaraika abhaaye bhonswe igho, nkushomerwa bharë, hano ömöntö ömwë uwa ëbhëbhë, yaahongora ëbhëbhë ibhyaye.”

Ruuka 19:10

Omoona uwa Ömöntö nnaasha ukutuna, na ökötöörya abhantö bhano bhaasira.”

Ruuka 2:49

Umwene akamohonshora igha, “N-kwakë mwaarë kuntuna? Nko okoghamba igha, temwaarë momanyirë igha, ni-igha mbe mu-risengerro irya Taata?”

Yohana 17:4

Öni nöörökya abhantö ubhuhika ubhwaho ko-kebhara kono, ko okomarërrya meremo gheno waantömirë igha ngekore.

Yohana 19:28

Mbe, okanyoora Yëësu amarrë okomanya igha amangʼana ghonswe igho, bhoono ghahööyë, ku bhuyö akaghamba igha, “Ndaighwa inyonta.” Yaaghambirë igho okore ghahekerane ghano ghaandëkirwë mo-Maandeko Amahörëëru.

Yohana 19:30

Hano Yëësu yaawonshiri idivai iyö igho, akaghamba igha, “Ghahööyë!” Mbe, akahiinya omotwe ughwaye, akakwa.

Yohana 4:32

Akabhahonshora igha, “Öni neena ibhyakorya bheno bhëënyu motamanyirë.”

Yohana 5:30

Yëësu akaghëndërrya okoghamba igha, “Tentore okokora engʼana yoyonswe igho öni umwene igho hë. Kasi bhono nkwighwa, mbo nkobhotorra abhantö ikiina. Öbhöbhötöri ubhwane ubhwa ikiina, m-bwa heene, ko bhoora tenkokora bhono öni umwene nkutuna hë, kasi bhono Taata Waryobha ono yaantoma akutuna, mbo nkokora.

Yohana 5:36

Kasi ubhwimërërri bhono öni neenabho, m-bonene okokera ubhwa Yohana bhoora. Ubhwimërërri bhuyö, ne-meremo gheno Taata yaangʼaayë igha ngemarërri. Emeremo ighyane nkwörökya ghërë igha, Taata Waryobha we yaantoma.

Yohana 6:33

Ko bhoora ibhyakorya ibhya Waryobha m-beno bhikurwa mu-ryobha, na ibhyakorya bhiyö, nö-öni ono nkohaana öbhöhöru abhantö bhonswe igho abha ko-kebhara.”

Yohana 6:38

Öni tenaasha ukurwa mu-ryobha okore nkore bhono nkutuna, kasi naasha igha, nkore bhono akutuna Taata ono yaantoma.

Yohana 8:29

Ono yaantoma hamwë arë na öni. Taraantigha öni umwene igho hë, ko bhoora nkokora ndë ghano ghakumushomera nkaagha syonswe igho.”

Amangʼana agha Abhatomwa 20:35

Ko-ghayö ghonswe igho, naabhörökëri igha, okobha na omotono ko-meremo, ne-nshera inshiiya iya ökötöörrya bhano bhaana obhohabhë. Muhiite bhono Omonene Yëësu yaaghambirë igha, ‘Nyakara okohaana, ko bhoora te-konga okohaanwa hë.’ ”

Abhaëbhuraania 12:2

Tomaahere ku-Yëësu, ömösëmöri uwa umukumo ughwëtö na we areghohekerania. Uyö we yaaghömërrëëyi uruku urwa ko-mosarabha, tiyaarööshë igha në-nsöni okohanekwa ko-mosarabha hë. Yaakörrë igho, ko okoghera iya ukushomerwa kono kwaarë mbere iyaaye. Bhoono igho naikaayë bhoryo ubhwa ikitumbë ikya ekekama ikya Waryobha.