Yohana 4:21 - Imuuma Eehya

²¹ Yëësu akamohonshora igha, “Ore omokari, uwe otankumya, enkaagha iriihika-ho, eno motaresaasaamanga Taata Waryobha ku-nguku kono, handë Yërusarëëmu eera.

Yohana 4:21 ပူးပေါင်းရင်းမြစ်များ

Mataayo 18:20

Ko bhoora igha, hano bhasikana hamwë abhantö bhabhërë handë bhatatö ku iriina iryane, öni wonswe kunyoora örë hamwë ndë nabho.”

Mataayo 28:19

Ku bhuyö ni-igha moghende mokore abhantö bhonswe igho bhabhe abheegha abhaane, ko okobhabhatiisya ku iriina irya Taata, irya Omoona, na irya Umwika Ömöhörëëru.

Ruuka 21:24

Abhantö abhandë mbariitwa ko okogheeshwa na imishonge. Abhandë mbareghootwa këghötërëëyë igho, bhahirwe mu-bhyaro bhyonswe igho. Abhakyaro mbariisha bhatonge Yërusarëëmu kwa nguru kohekera okohekerana ukwa enkaagha iya abhantö bhayö.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Yohana 16:2

Abhantö mbaraabharughi murwe mu-sinyumba isya esango iya Abhayahudi. Kora enkaagha irihika-ho, eno kera ömöntö ono arebhaita, arekanyanga igha m-buuya akokora ku-Waryobha.

Yohana 16:32

Tamaaha, enkaagha iriihika, kora emarrë ukuhika, eno murinyaraghana, kera ömöntö aghende waaye, muntighe öni umwene. Kasi tëndëngë öni umwene igho hë, ko bhoora Taata hamwë arë na öni.

Yohana 4:23

Kasi enkaagha eraasha, kora bhoono yaahikirë, eno abhantö bhano bhakosaasaama Taata Waryobha ko obhoheene, mbaremosaasaamanga ku Umwika, na ko obhoheene. Ko bhoora abhantö kya bhayö, mbo Taata Waryobha akutuna bhamosaasaamenga.

Yohana 5:25

No-bhoheene nkobhatëëbhya igha, enkaagha eraasha, kora bhoono ihikirë, eno abhaku bharaaighwe engamba iya Omoona uwa Waryobha. Abhaku bhano bharaaighwe engamba iyö, mbaraabhe na öbhöhöru.

Yohana 5:28

Motakaaroghoora amangʼana ghayö ngambirë, ko bhoora enkaagha irihika-ho, eno abhaku bhonswe igho abha mo-sembeehera, bhariighwa engamba iyaaye.

Amangʼana agha Abhatomwa 6:14

Kora tokamwighwa araghamba igha, Yëësu uwa Nazarëëti, naaretemora risengerro irya Waryobha reno, kora asyöri seteemo seno Mosa yaatoraghërrëëyi.”

Abhaëfësö 2:18

Ko bhoora Yëësu Kiristo yaahanëkirwë ko-mosarabha, okore bhëëtö bhonswe igho, Abhakyaro na Abhayahudi tunyöörrë enshera iya ukusuntarra Waryobha Taata uwëëtö, okohetera ku-Mwika Ömöhörëëru ömwë uyöuyö.

Abhaëfësö 3:14

Hano naitegherra ësëëmyö enene iya Waryobha iyö, nkotema ndë hansë ibhiru mbasaasaamera ko-Taata uwëëtö Waryobha.

1 Timoteo 2:8

Ku bhuyö keno nkutuna ni-igha, ahasë honswe igho, hano moraasikanenga okosaasaama, abhashaasha bhainyökinga amabhoko aghaabho kighörö. Bhakorenga igho kwa amaitegherro amaiya, bhatakaarerranga, handë ukunyeerana senkaani.

1 Peetero 1:17

Waryobha ono mokobherekera igha n-Suwëënyu ko-masaasaamo aghëënyu, momanye igha, taana ekeroterro kö ömöntö wowonswe igho hë. Narebhotorra abhantö bhonswe igho ibhiina, ko okorengʼaana na ghano bhaakora. Ku bhuyö mosooke Waryobha ko-nkaagha eno mökëmënyirë ko-kebhara kono, kya abhaghëni.

Okohonyora 21:22

Mu-mughi muyö tenaarööshë-mo inyumba iya Waryobha hë, ko bhoora Omonene Waryobha uwa obhotoro bhwonswe igho na Omoona Ringʼöndi mmu-mughi muyö bhamënyirë. Ku bhuyö inyumba iya Waryobha teena ubhwera hë.