Yohana 3:19 - Imuuma Eehya

¹⁹ Okobhotora ikiina nkörëngë igha, obhorabhu bhwaasha ko-kebhara kono, kasi abhantö bhakahansha ikisuntë okokera obhorabhu, ko bhoora amangʼana aghaabho m-maghogho.

Yohana 3:19 ပူးပေါင်းရင်းမြစ်များ

Ruuka 12:47

“Hano oraanyoore aaho omoghorwa ono amanyirë bhono omonene uwaaye akutuna, kasi ange okokora bhuyö, kora takwisëëmya amuturungʼane hë, omoghorwa kya uyö, naretemwa bhököngʼu.

Ruuka 16:14

Hano Abhafarisaayo bhaaighuurë amangʼana ghayö, bhakamosera, ko bhoora bhaarenga bhahanshirë bhököngʼu seehera.

Yohana 1:4

Uyö we yaarë esemoko iya öbhöhöru bhwonswe igho, na öbhöhöru bhuyö, mbo bhokoreeta obhorabhu ko-bhantö.

Yohana 1:5

Obhorabhu bhuyö, nkömërëkya bhörë mu-kisuntë, kora ikisuntë tekekobhokera hë.

Yohana 12:31

Bhoono enkaagha iya Waryobha iya okobhotorra ekebhara keno ikiina, ihikirë. Bhoono Oghosambwa ghono ghokotonga ko-kebhara kono, ngoraatabhutwe kebhara iyö.

Yohana 12:43

Abhatangati bhayö, bhaahanshirë bhököngʼu ukukumibhwa na abhantö, okokera ukukumibhwa na Waryobha.

Yohana 12:46

Öni naasha igha mbe obhorabhu ko-kebhara kono, okore kera ömöntö ono akunkumya atakaikara mu-kisuntë.

Yohana 5:44

Bhoono iyakë moraankumi rëndë mbe keno mukutuna n-sinkuma isyënyu abheene ko bheene, kasi sinkuma seno sikurwa ku-Waryobha timukusituna hë?

Yohana 7:17

Ömöntö wowonswe igho ono akutuna okokora bhono Waryobha akutuna, uyö naraamanye igha, amëëghyö ghano nku-Waryobha ghaarwa. Kora ghwiki naraamanye igha, tenkoghamba ku ubhwera ubhwane umwene hë.

Yohana 7:7

Abhantö abha ko-kebhara kono, tebhaana ikibhuno keno keraaghere bhabhareghe hë, kasi öni bharaandegha, ko bhoora nkobhatëëbhya igha, amangʼana aghaabho m-maghogho.

Yohana 8:12

Mbe, Yëësu akaghëndërrya okoghamba ghwiki na rikomo reera igha, “Öni nö-öni obhorabhu ubhwa ekebhara. Ömöntö wowonswe igho ono akonsoorana, takoghenda mu-kisuntë kora hake hë, kasi naraabhe na obhorabhu bhono bhokomotangata mö-bhöhöru ubhwa amakora ghonswe igho.”

Yohana 9:5

Hano nkeeho ko-kebhara kono, öni no-bhorabhu ndë ko-bhantö bhonswe igho.”

Abharuumi 1:32

Abhantö bhayö, mbamanyirë bhuuya igha, ömöntö ono akokora amangʼana amaghogho kya ghayö, naingʼarëëyë ukusikibhwa na Waryobha. Nokaanyoora ni-igho ërë, kasi abheene tebhatöniibhwi hë! Nköghëndërrya bharë okokora amangʼana amaghogho ghayö, kora nkwikererrania bharë na abhaköri abha amangʼana amaghogho kya ghayö.

Abharuumi 2:8

Kasi abhaingʼahërya, na bhano bhakwanga amangʼana agha obhoheene, kora m-baköri abha amangʼana amaghogho, Waryobha narebharererra, abhashibhi.

2 Abhatësarönikë 2:12

Hayö ho bharebhotorrwa ikiina, abhantö bhonswe igho bhano bhatarikumya obhoheene kasi në-bhëbhë bhaashomerrwanga nabhyo.

1 Peetero 2:8

Ghwiki, nkoghamba gharë igha, “Reghena riyö, ndyo irya ukwituuratuura-ko, ni-ritare irya ukughwësya abhantö.” Abhantö bharaituuratuura-ko, ko bhoora bhatakukumya engʼana iya Waryobha. Kiyö nkyo bhaasëëmëribhwa ukurwa kare.

2 Peetero 3:3

Engʼana iya mbere ni-igha momanye igha, ku-sinsikö isya umuhiko, mbariisha abhantö abha inshabhura. Abhantö bhayö, no-ronamba urwabho urwene igho ndo rokobhanyankya. Mbarebhashabhura